El día 15 de xunetu convocáronse les tres llinies de subvención pa la normalización social del asturianu y gallego-asturianu que’l Gobiernu d’Asturies saca nesti añu 2016:
1) Subvenciones pa la edición musical. L’oxetu d’esta llinia d’actuación ye la concesión d’ayudes económiques en réxime de concurrencia competitiva a empreses dedicaes a la producción de la música n’asturianu y en gallego-asturianu que se realice en diversos soportes físicos o dixitales. El plazu pa presentar proyectos termina’l 8 d’agostu. Dotación de la convocatoria: 20.000 euros.
2) Subvenciones pa la promoción del asturianu o’l gallego-asturianu nos medios de comunicación. Van poder solicitar estes subvenciones les empreses titulares de medios de comunicación d’ámbitu asturianu, yá sían empreses periodístiques, radiofóniques, televisives o d’internet, que produzan espacios onde s’utilice l’asturianu o’l gallego-asturianu. El plazu pa presentar proyectos termina’l 8 d’agostu. Dotación de la convocatoria: 90.000 euros.
3) Subvenciones pa la edición de llibros n’asturianu o gallego-asturianu. L’oxetu d’esta llinia d’actuación ye la concesión d’ayudes económiques a empreses editoriales pa la edición de llibros orixinales o traducíos d’otres llingües, que pol so interés y calidá contribuyan a la normalización social de la llingua y al arriquecimientu de la cultura asturiana. El plazu pa presentar proyectos termina’l 8 d’agostu. Dotación de la convocatoria: 90.000 euros.
ANEXU 1: Resolución de 13 de mayu del 2016, de la Conseyería d’Educación y Cultura, pola que s’aprueben les bases reguladores de la concesión de subvenciones pa la promoción de la música n’asturianu y en gallego-asturianu en réxime de concurrencia competitiva.
ANEXU 2: Convocatoria y anexos de les subvenciones pa la promoción de la música n’asturianu y en gallego-asturianu.
ANEXU 3: Resolución de 13 de mayu del 2016, de la Conseyería d’Educación y Cultura, pola que s’aprueben les basesreguladores de la concesión de subvenciones a medios de comunicación pa la normalización social del asturianu y,nel so ámbitu, del gallego-asturianu en réxime de concurrencia competitiva.
ANEXU 4: Convocatoria y anexos de les subvenciones pa la promoción de les subvenciones a medios de comunicación pa la normalización social del asturianu y, nel so ámbitu, del gallego-asturianu.
ANEXU 5: Resolución de 26 de mayu de 2016, de la Conseyería d’Educación y Cultura, pola que s’aprueben les bases reguladores de la concesión de subvenciones pa la promoción del llibru n’asturianu y en gallego-asturianu, en réximede concurrencia competitiva.
ANEXU 6: Convocatoria y anexos de les subvenciones pa la promoción del llibru n’asturianu y en gallego-asturianu.
(de la Dirección Xeneral de Política Llingüística, 15-07-2016)
Deixar ua Respuosta