Militantes y simpatizantes de la Xunta Pola Defensa de la Llingua Asturiana, encabezaos pola ‘Pita’, personaxe alegóricu de la reivindicación d’oficialidá del asturianu, concentráronse esti llunes ante Delegación de Gobierno para mostrar el so refugu a los “ataques a los derechos llingüísticos”, tres l’anulación de la ordenanza d’usu del asturianu nel Conceyu de Noreña.
La Xunta denuncia nun comunicáu que la carta na que’l delegáu, Gabino de Lorenzo, remitió al al Conceyu de Noreña pa qu’anule la ordenanza d’usu del asturianu inclúise “una argumentación tautolóxica y falsera que niega que l’asturianu pueda usase con normalidá pol Conceyu y los sos ciudadanos y ciudadanes por nun ser oficial, cuando otres veces afirma que nun pue ser oficial hasta que nun s’use con normalidá”.
“Esti círculu viciosu ye un intentu claru y desesperáu d’acabar cola llingua tarazando los pocos pero firmes avances que tán faciéndose nos conceyos nel camín hacia la normalización y hacia la oficialidá”, añade la Xunta.
Asina, la Xunta considera esta actitú un “esterminiu llingüísticu” planificáu y vuelve la reconocencia oficial del asturianu, “pa poder usar la nuesa llingua con llibertá y normalidá n’asturianu”.
(d’Europa Press, 25-07-2016)
Tierra alantre, la mesma fala 
Deixar ua Respuosta