El cantante asturianu Fernando Valle Roso decidió poner un puntu d’inflexón na so carrera artística y salise de la so tradicional llínea de tonada pa esplorar nueves vertientes, nesti casu de la música ‘pop’ y llatina.
Fay-lo nel so nuevu discu ‘Con estes y otres palabres’, pal qu’ensin arrenunciar a la so llínea, bien marcada pola so esperiencia na tonada, quixo buscar los arreglos d’un profesional lo más alloñao posible del mundu de la música folk y tradicional. Y atopó al mexicanu Luis Fernando Chacón (de Chihuahua), especializáu precisamente en grupos pop y llatinos.
El resultáu ye un trabayu de diez cantares qu’inclúi les tres vertientes, la tradicional en temes como ‘Un país’, la llatina, en cantares como ‘Hasta esti puertu’, y la ‘pop’, na mesma que-y da nome al discu, ‘Con estes y otres palabres’.
Les melodíes y lletres son del músicu y escritor Ismael Arias y cuntó con Ruth Suárez y Dani Sevillano na producción.
El músicu espera poder sacar “tol potencial posible a esti nuevu discu, anque reconoz que nun ye fácil énte’l so públicu, acostumáu a la tonada.
El so trabayu foi presentáu apocayá nes fiestes de Llaviana, nun conciertu que cuntó cola participación de Sergio Pedida a la percusión, Silvia Fernández al baxu y Silvia Moreno a los coros.
(d’Europa Press, 09-09-2016)
Tierra alantre, la mesma fala 
Deixar ua Respuosta