Iniciativa pol Asturianu entama un programa de cursos de llingua y lliteratura asturianes per tola rexón.
Los cursos duren 36 hores y van celebrase dende’l mes d’ochobre a finales d’añu, dependiendo de los díes festivos de cada conceyu y de les circunstancies de cada cursu, sacantes el cursu de creación lliteraria, que tien una sola sesión a la selmana y va durar hasta’l mes de mayu de 2017.
Los cursos d’asturianu y gallego-asturianu cunten con un diploma d’aprovechamientu otorgáu pola Academia de la Llingua Asturiana pa l’alumnáu que supere’l cursu, nel restu de los cursos entrégase diploma d’aprovechamientu d’Iniciativa pol Asturianu.
La matrícula faise efectiva col ingresu de 60 euros (50 euros pa socios d’Iniciativa pol Asturianu) qu’incluyen los materiales del cursu.
ENLLAZ: Formulariu de matrícula y información de los cursos.
(del InformaXoven, 26-09-2016)
Tierra alantre, la mesma fala 
Deixar ua Respuosta