El 25 d’abril, nel Muséu del Pueblu d’Asturies, va volver a celebrase esta actividá empobinada al alumnáu que recibe clas d’asturianu nos IES de Xixón.
Nesta XIV xornada l’escolináu va averase al asturianu dende una perspeutiva diferente pescanciando que tamién s’emplega fuera del aula. Van esfrutar colos talleres y xeres que-yos proponemos: creación gráfica, doblaxe, baille, rock, narración oral, rap, fotografía, cocina y audiovisuales.
Cada grupu va participar nun taller (el que-yos correspuenda por sortéu), va averase a los xuegos tradicionales asturianos y va concursar nun karaoke col cantar que yá se-yos apurrió nos entamos del cursu escolar.
Esti añu participen 11 IES y un colexu, colo que’l númberu de mozos y moces que van alcontrase nesta xornada ye bultable. ¡Yá ta too preparao pa qu’esfruten de la xornada!
(de la Oficina de Normalización Llingüística del Ayuntamientu de Xixón, 21-04-2017)
Tierra alantre, la mesma fala 
Deixar ua Respuosta