El barriu y la casa los mios güelos: I Concursu Relatos Infantiles

Los ayuntamientos de Castrillón, Llangréu, Llaviana, Mieres, Uviéu y Xixón convoquen la edición primera del Concursu de Relatos Infantiles sobre testimonios rellacionaos col hábitat obreru, destináu a alumnes y alumnos de Primaria d’estos conceyos.

El Certame va mandase poles que siguen

Bases

1. Van poder participar los escolinos y escolines de Primaria qu’estudien nes escueles de los conceyos participantes nes II Xornaes de Patrimoniu Históricu Industrial.

2. Les bases van tar espuestes na páxina web http://www.jornadaspatrimonioindustrial.es y nes biblioteques dependientes de los conceyos participantes.

3. El testu tien d’esplicar cómo yera la vida nel so barriu na época de los güelos y bisgüelos, cómo vivíen, trabayaben o s’entreteníen.

4. Los relatos tienen de ser orixinales ya inéditos, con una estensión máxima d’un foliu, pudiendo incluyir fotos y/o dibuxos y tar escritos a mano, ordenador o cualquier otra técnica. Cada autor o autora solo va poder presentar una obra que pue dir n’asturianu o castellán.

5. Los relatos tienen de presentar, al empiezu, el nome y apellíos de la neña o’l neñu participante, la so edá, la so escuela y el barriu nel que vive. Nel corréu electrónicu van tener qu’indicar un email y un teléfonu de contactu xunto col so nome y apellíos.

6. Les obres hai que les presentar en formatu dixital y PERFECTAMENTE LLEÍBLES, en PDF o JPG. Van poder presentase al traviés del corréu electrónicu informacion@jornadaspatrimonioindustrial.es Les feches de presentación van ser dende’l 01 de xunu hasta’l 21 de xunetu de 2017.

7. Una vez a la selmana van colgase na web de les Xornaes los relatos presentaos.

8. Con tolos los relatos, va facese una escoyeta pa presentalos n’actu públicu al final de les xornaes. El fallu del xuráu va tener llugar el 6 de setiembre a les 19:00, publicándose na páxina web de les Xornaes, faciendo entrega de las menciones y premios n’actu públicu’l 13 de setiembre a les 18:30 na Casa la Cultura “Escueles Dorado” de Sama (Llangréu). Los premios van ser lotes de llibros infantiles.

9. Los y les participantes nel concursu –y nel so casu, sus tutores llegales – autoricen a la organización al espardimientu y exhibición de los trabayos demientres la celebración de les Xornaes, lo mesmo qu’a a la distribución, exhibición, comunicación pública, divulgación y reproducción de los relatos escoyíos.

10. Tolos relatos van quedar en poder de la organización de les Xornaes y de los Ayuntamientos participantes, que van poder aniciar xestiones con otres entidaes pal espardimientu o publicación.

11. La presentación de los relatos a concursu supón l’aceptación de les presentes bases.

(de les II Xornaes de Patrimoniu Históricu Industrial)