El conceyal de Cultura, Roberto Sánchez Ramos y el Director Xeneral de Planificación Llingüística y Normalización, Fernando Padilla Palicio, presentaron esti martes en rueda de prensa’l I Premiu y Festival de Teatru Asturianu ‘Nel Amaro’ que se va celebrar na Filarmónica mentes el mes d’avientu.
Trátase del primer premiu de teatru profesional n’asturianu. El Festival va celebrase’l 3, el 10, el 17 y el 24 del mes de payares a les 20.00 hores, con entrada llibre.
Les obres que se van representar son: ‘Nunca nun se sabe’, d’Higiénico Papel Teatro; ‘Llázaro de Tormes’, de Carlos Alba; ‘Planeta Joselín’, de Escenapache; y ‘Los amorinos de Bastián y Bastiana’, de Producciones Nun Tris.
El premiu consiste nuna estatua conmemorativa y na promoción de la obra ganadora per toa Asturies, y va dase’l 14 d’avientu. “Con esti premiu tenemos dos oxetivos: visibilizar y normalizar la llingua asturiana y promocionar el teatru asturianu”, concluyó Fernando Padilla.
(d’Europa Press, 31-10-2017)
Tierra alantre, la mesma fala 
Deixar ua Respuosta