Un taller nuevu pa facer curtiumetraxes n’asturianu va organizase nel Centru Sociocultural de La Carriona, col títulu de ‘Fai’l to propiu curtiumetraxe’. Ye una actividá de baldre, pa menores dende los 10 hasta los 16 años, nel que se va poder deprender los pasos qu’hai de dar pa metese nel mundu del cine cola llingua asturiana como ferramienta d’espresión artística.
Esti taller dase en dos sesiones, nos díes 3 y 4 de payares. El vienres va ser de 17.30 a 19.00 hores y el sábadu de 11.30 a 13:00 hores. P’apuntase hai de facelo na biblioteca del Centru Sociocultural de La Carriona (Cai Castilla, 3) de 16.30 a 20.00 hores. Hai 15 places y ye de baldre.
El primeru d’esta riestra talleres col nome de ‘Fai’l to propiu curtiumetraxe’ fízose nel Centru Sociocultural de La Xungarosa los díes 6 y 7 d’ochobre. En pasando per La Carriona y habrá una última oportunidá pa participar nesta actividá nel Centru Social de Los Canapés, los díes 15 y 16 d’avientu, col plazu abiertu yá p’apuntase.
Estos talleres tán dientro la programación que la Conceyalía de Cultura ellaboró pal últimu trimestre l’añu pa los centros socioculturales de la ciudá y qu’inclui 43 actividaes que van del teatru a la música, pasando pelos cuentacuentos, talleres d’animación a la llectura y bebecuentos, amás del propiu taller de cine en llingua asturiana.
(d’Europa Press, 01-11-2017)
Tierra alantre, la mesma fala 
Deixar ua Respuosta