La Estaya de la Llingua d’Avilés va entamar trés talleres de hip hop dirixíos a neños de 6 a 10 años. Lleven por títulu ‘Rimando n’asturianu’ y van celebrase nos centros socioculturales municipales de La Xungarosa, Versalles y La Carriona, según informó esti vienres el Conceyu d’Avilés nun comunicáu.
Van ser impartíos pola Asociación Cultural Mecigayuscka y los sos monitores van ser Tori (voz principal y lletrista del grupu K-Nalón) y Delfo Valdés (voz melódica y miembru de la formación musical La Tarrancha).
Cada taller cuenta con 15 places y va tener una duración d’hora y media (de 17.30 a 19.00 hores). Los neños que quieran participar puen inscribise nes biblioteques de cada centru sociocultural. El taller de La Xungarosa va ser el 2 de febreru, el de La Carriona el 6 de marzu y el de Los Canapés el 6 d’abril.
(d’Europa Press, 26-01-2018)
Tierra alantre, la mesma fala 
Deixar ua Respuosta