La editorial Impronta acaba de publicar la novela ‘La Mar’, obra d’Adolfo Camilo Díaz que-y valió’l IX Premiu María Josefa Canellada de Lliteratura Infantil y Xuvenil, y el cómic ‘Indianu’, de Luis Navazo que llevó’l VIII Premiu Alfonso Iglesias. Los dos gallardones tán ente los de más prestixu de la lliteratura asturiana y tán entamos pol Gobiernu asturianu.
‘La mar’–IX Premiu María Josefa Canellada– ye una novela d’aventures “si una aventura ye combatir a los yih.adistes, escondese de los mercenarios occidentales que trafiquen con persones, escapar de la fame* Y facer lo imposible por llegar a cumplir los trece o catorce años. La mar ye una denuncia, si nun te basta cola aventura”, señalen dende la editorial.
Per otru llau, ‘Indianu’ ye un cómic ganador del VIII Premiu Alfonso Iglesias que fai una “interesantísima indagación nun aspectu mui oscuru de la nuestra historia: el tráficu d’esclavos africanos con destín a les Antilles, sobre’l que se forxaron non poques fortunes d’indianos”, indicaron.
Les de los protagonistes son vides cruzaes, cuando non frañaes, en medio de les intrigues, la opresión y la violencia política de finales del sieglu XIX y anicios del XX, illuminaes pol riscar de la conciencia de clas y otra vuelta ensombrecíes pola Guerra Civil.
(d’Europa Press, 28-01-2018)
Deixar ua Respuosta