La Xunta de Gobiernu del Conceyu d’Uviéu aprobó esti vienres les asignatures y talleres pa los cursos 2018-19 y 2019-20 de la Universidá Popular uvieina. Ente ellos hai un cursu d’asturianu (aniciu y avanzáu) y sobre l’Arte Asturianu.
La ufierta educativa va tar dixebrada n’ocho llotes temáticos, que son ‘Cursos d’Historia y Humanidaes’, ‘Cursos d’Arte’, ‘Cursos de Psicoloxía, Emociones y Salú’, ‘Cursos pa Conocer la nuesa Ciudá’, ‘Cursos de Llingua y Lliteratura’, ‘Cursos de Medios Audiovisuales’, ‘Cursos sobre Ciencia’ y ‘Cursos d’Artes Gráfiques’.
El cursu d’asturianu ta inxertu dientro de la ufierta de llingua y lliteraratura, xunto a inglés pa viaxar, llingua de signos o talleres d’ortografía y lliteratura. Per otru llau, dientro de la ufierta d’arte –y yá en castellanu–, xunto al África Negra, l’arte asiáticu o’l precolombín, hai un cursu sobre Arte Asturianu, tamién conocíu como Prerromáticu.
Amás, hai too un bloque dedicáu al patrimoniu uviedín, con tres cursos en castellanu: el patrimoniu natural d’uviéu, el tesoru etnográficu d’Uviéu y Uviéu, ciudá y arquitectura.
Según informó’l Conceyu d’Uviéu al traviés d’una nota de prensa, poles aules de la Popular pasaron yá más de 5.000 estudiantes.
(d’Europa Press, 16-02-2018)
Tierra alantre, la mesma fala 
Deixar ua Respuosta