El Rellator Especial de Naciones Uníes sobre cuestiones de les minoríes, Fernand de Varennes, aconceyó esti sábadu col presidente d’Iniciativa pol Asturianu, Inaciu Galán, pa conocer la situación de los derechos llingüísticos de los falantes d’asturianu y, depués, emitir un informe.
Según indicó Iniciativa al traviés de nota de prensa recoyida por Europa Press, Varennes ta de visita oficial n’España estos díes y nel alcuentru Galán esplicó la situación del asturianu nel ámbitu educativu, nos medios de comunicación públicos, «y sobre manera nel ámbitu llegal, dándo-y datos al Rellator Especial sobre la falta de reconocencia oficial n’Asturies y Llión del idioma, tal y como establez l’artículu 3.2 de la Constitución Española».
Agora, Iniciativa va entregar a la ONU dellos informes que van permitir completar la información que’l Rellator Especial va tener pa emitir un informe sobre la situación de los drechos llingüísicos n’Asturies y Llión.
(de La Voz de Asturias, 22-01-2019)
Tierra alantre, la mesma fala 
Deixar ua Respuosta