El xuráu del Premiu al Meyor Cantar escoyó a los cuatro finalistes de la undécima edición del gallardón: Lafu y Rebeca, Los Berrones, Xaime Martínez y la Banda de Gaites El Trasno, toos con trabayos discográficos editaos en 2017 o 2018.
Los artistes escoyíos van actuar el 26 d’abril na gala final que se va celebrar nel Teatru Nuevu de La Felguera, según indiquen dende’l Gobiernu asturianu en nota de prensa.
El xuráu, formáu por especialistes en música y llingua asturiana, aconceyo esti miércoles nes dependencies de la Dirección Xeneral de Planificación Llingüística y Normalización pa escoyer a los candidatos.
Amás, va encargase de decidir la meyor composición na gala, que se va emitir na TPA y na que va ufiertar un conciertu Luis Nuñez y Los Folganzanes, grupu ganador de la pasada edición col tema ‘La ñeve y la esmeralda’.
Los finalistes nesta ocasión son Lafu y Rebeca, con ‘Les sombres sobre la yerba’; Los Berrones, con ‘¿Esto pa que val?’, Xaime Martínez, con ‘Discursu de Belarmino Tomás ente los soldaos mentes camina sobre les agües del ríu Nalón’; y La Banda del Trasno, con ‘Oldenburg’.
(d’Europa Press, 05-04-2019)
Deixar ua Respuosta