Nel marcu de la Selmana de les Lletres Asturianes, la Dirección Xeneral de Planificación Llingüistica y Normalización y l’Institutu Asturianu de la Mocedá entamen “Entaína a escribir”, Cuartu concursu de microrrellatos improvisaos n´asturianu pa la xente mozo, que va mandase por les bases que s´axumen:
- Van poder participar quienes tengan ente 14 y 35 años d’edá.
- El concursu va consistir na ellaboración d’un microrrellatu n’asturianu nun tiempu máximu de 20 minutos, a partir del tema y indicaciones que’l xuráu dicte nel momentu d’empezar a escribir.
- El concursu va desenvolvese na sala Borrón (cai Juan Benito Argüelles, 3, Uviéu) el día 7 de mayu del 2019, a partir de les 19:30 hores.
- Toles persones participantes van recibir un llibru como regalu.
- Van concedese tres premios (1.u, 2.u y 3.u), consistentes en llotes de llibros y discos. Amás, el ganador o ganadora va participar como xuráu nos premios Culturaquí 2019 que convoca l’Institutu Asturianu de la Mocedá. Otra manera, la Dirección Xeneral de Planificación Llingüística y Normalización va mirar pola promoción y divulgación de los microrrellatos ganadores y va poder incluyilos en publicaciones o antoloxíes qu’edite.
Pa participar hai que s´inscribir mamdando un mail a cridj@asturias.org, indicando nome, apellíos y fecha de nacimientu.
Plazu d´inscripción: hasta ´l 6 de mayu del 2019
(de Mocedastur, 12-04-2019)
Tierra alantre, la mesma fala 
Deixar ua Respuosta