El conceyu de Villaviciosa súmanse un añu más a la riestra de celebraciones que a lo llargo de la xeografía asturiana conmemoren la Selmana de les Lletres Asturianes, que llega con esta a la so edición númberu cuarenta. Amás del yá tradicional repartu de les lletres de pan el vienres 3 de mayu, Día de les Lletres Asturianes, el miércoles 8 de mayu, a les 18:30, la Casona de los Hevia va acoyer l’actu central de la selmana en Villaviciosa, onde l’académicu Roberto González Quevedo pondrá una charla sobre la historia y funcionamientu de l’Academia de la Llingua Asturiana; l’asociación el Ronchel presentará un númberu nuevu de la so revista Friuz y habrá una muestra y un coloquiu sobre los mazcaraos de Rozaes de recién recuperaos polos vecinos y otra sobre la vestimenta tradicional del país, con especial atencion a la propia del conceyu de Villaviciosa, too ello rematao pola tonada contemporánea del cantante Ún de grao. Pa la reciella, pola so parte, el vienres 10, tamién na Casona los Hevia, celebraráse una sesión de cuntacuentos n’asturianu a cargu d’Olga Cuervo.
(de Villaviciosa Hermosa, 06-05-2019)
Tierra alantre, la mesma fala 
Deixar ua Respuosta