El Conseyu Asesor de Política Llingüística, órganu nuevu d’asesoramientu del Gobiernu asturianu na materia, va aconceyar pela primer vez el xueves 22 d’ochobre. Esta entidá va tar formada por 36 miembros que nun van tener derechu a indemnización nin remuneración pola asistencia a les reuniones.
El Conseyu, presidíu pola conseyera de Cultura, Berta Piñán, y col director xeneral de Política Llingüística, Antón García, como vicepresidente, va tar formáu pol presidente de l’Academia de la Llingua Asturiana, Xosé Antón Gonzále Riaño; el rector de la Universidá d’Uviéu, Santiago García Granda; el director del RIDEA, Ramón Rodríguez Álvarez; el de RTPA, Francisco Orejas; y hasta un máximu de trenta conseyeros de llibre designación que va normar directamente la conseyera.
Esti órganu nuevu va poder funcionar en plenu o constituyendo comisiones o grupos de trabayu. El plenu va aconceyar, polo menos, una vez cada seis meses. Amás, va poder emitir informes y propuestes de calter non vinculante, porque los sos alcuerdos nun van tener efectos directos frente a terceros.
El Conseyu Asesor, según fontes cercanes al mesmu, va entamar el so trabayu esti xueves 22 d’ochobre, cola primera de les sos reuniones.
(d’Europa Press, 05-10-2020)
Tierra alantre, la mesma fala 
Deixar ua Respuosta