La Conseyería de Cultura, Política Llingüística y Turismu del Gobiernu asturianu abrió’l Conseyu Asesor de Política Llingüística a 25 persones procedentes de diversos ámbitos de la sociedá asturiana.
Nel organismu, presidíu pola conseyera Berta Piñán, van tar presentes tamién los responsables, o les persones na que deleguen, de la Universidá d’Uviéu, l’Academia de la Llingua Asturiana (ALLA) – , el Real Institutu d’Estudios Asturianos (Ridea) y Radio Televisión del Principáu d’Asturies (RTPA).
El director xeneral de Política Llingüística, Antón García, va ocupar la vicepresidencia del organismu, nel que va actuar como secretaria la xefa del Serviciu de Normalización de la conseyería, Irene Arce.
El Conseyu Asesor, que va celebrar la xunta constituyente’l xueves próximu, día 22, tien como oxetu fundamental asesorar al Gobiernu d’Asturies en tomar les decisiones rellacionaes cola política llingüística.
Pa decidir los nomamientos de los miembros de llibre designación, el Principáu atendió a los criterios de prestixu personal, paridá y representación nel organismu de la llingua asturiana y el gallego-asturianu, pa que’l Conseyu Asesor sía “plural, representativu y equilibráu”, según informó l’Executivu rexonal al traviés d’una nota de prensa.
Cultura designó a Lepoldo Tolivar y José Manuel Pérez (ámbitu xurídicu), Xulio Viejo y Taresa Lorences (filoloxía asturiana); Iris Díaz Trancho, Iván Llera, Xosé Candel y Xaviel González (colectivos de defensa de la llingua); Fernando Padilla, María Xosé Rodríguez y Penélope Miranda (normalización llingüística); Xuan Bello, Belén Rico, Víctor Suárez, Marta Mori, Consuelo Vega, Mariluz Pontón y Inaciu Iglesias (ámbitu lliterariu); Pilar Rubiera y Cristobal Ruitiña (ámbitu periodísticu); y Marga Llano, Pablo Casanueva, María Cotiello, Anabel Santiago y Laura Iglesia (ámbitu cultural).
(d’Europa Press, 20-10-2020)
Tierra alantre, la mesma fala 
Deixar ua Respuosta