La Conseyería de Cultura, Política Llingüística y Turismu y l’asociación de traductores Verbéu alcordaron posibles collaboraciones nos proyectos futuros que surdan sobre la traducción al asturianu en delles especialidaes.
Asina lo indicó’l secretariu de Verbéu, Miguel Sánchez, en declaraciones a Europa Press depués del alcuentru de la directiva de l’asociación cola conseyera de Cultura, Turismu y Política Llingüística, Berta Piñán, y el director xeneral de Política Llingüística, Antón García, pa presenta-yos la entidá.
“L’acoyida del necesariu proyectu foi bultable y emponderóse la profesionalización de los traductores a esti idioma, al empar que s’afitó la collaboración ente la nuestra asociación y la Conseyería de Cultura, Turismu y Política Llingüística pa proyectos futuros alredor de la traducción al asturianu en delles especialidaes”, indicó.
Les Xornaes sobre Traducción Asturiana qu’inauguraron n’avientu La Casina de la Traducción, na casa natal del Padre Galo, valieron de motor pa la creación de Verbéu, un colectivu que nació en xineru en Bimenes “pa dignificar la profesión y valir d’apoyu y puntu d’alcuentru pa los profesionales”.
(d’Europa Press, 14-02-2022)
Tierra alantre, la mesma fala 
Deixar ua Respuosta