El proyectu Falamos d’enseñanza non reglada gratuita d’asturianu y gallego-asturianu pa persones adultes qu’entama’l Principáu cola Federación Asturiana de Conceyos (FACC) yá tien 19 cursos en 17 conceyos.
Asina, hai dos cursos en Mieres y Uviéu y ún en Ribeseya, Llanes, Bimenes, Llangréu, Carreño, Corvera, Grau, Valdés, L.lena, Llaviana, Castrillón, Tapia, El Franco, Navia y Xixón.
Esti Plan Pilotu, financiáu pola Conseyería de Cultura, Política Llingüística y Turismu y coordináu pola FACC en collaboración colos Conceyos, va desendolcase nel cuartu trimestre del 2022.
Les acciones formatives previstes nesta iniciativa pilotu van tener 42 hores llectives en formatu mestu –22 en llinia y 20 presenciales dividíes n’ocho sesiones– y la so finalidá ye que l’alumnáu se desenvuelva n’asturianu o gallego-asturianu con estructures cencielles, mesmo de forma oral qu’escrita.
(d’Europa Press, 10-11-2022)
Tierra alantre, la mesma fala 
Deixar ua Respuosta