La Dirección Xeneral de Política Llingüística del Gobiernu d’Asturies remata la programación del añu con un circuitu de cuatro funciones teatrales espardíes per tol territoriu con entrada llibre y gratuita.
Les funciones son les ganadores del Premiu de Teatru Nel Amaro, qu’entama la Conseyería de Cultura, Política Llingüística y Turismu, y van poder vese en Siero, Bimenes, Navia y Pravia.
La primer de les funciones va ser el vienres 23, a les 18.00 hores, na Sala de Cámara del Auditoriu de La Pola (Siero), con ‘Hansel y Gretel’, d’Higiénico Papel. El martes 27, a les 20.00 hores na Casa la Cultura de Martimporra (Bimenes), la representación va tar al cargu de Nun Tris con ‘La reina de la guapura de Leenane’.
El miércoles 28, a les 20.30 hores, el Teatru Fantasio va acoyer ‘Llázaro de Tormes’, con Carlos Alba, y el xueves 29, a les 20.00 hores, nel Auditoriu José Barrera de Pravia, con ‘El viaxe de Covaletti’, d’Higiénico Papel.
(de La Nueva España, 22-12-2022)
Tierra alantre, la mesma fala 
Deixar ua Respuosta