L’ALLA va asesorar al Conceyu de Xixón de cara a normalizar l’usu del asturianu

L’Academia de la Llingua Asturiana y el Conceyu de Xixón firmaron un conveniu nuevu, ensin naturaleza económica, onde se recueye la collaboración na normalización social del asturianu y l’asesoramientu llingüísticu de l’Academia al Conceyu.

Dambes instituciones principiaron la llexislatura con un alcuentru ente los sos máximos representantes onde pudieron repasase y valorase los últimos avances na normalización social del asturianu dientro de l’acción del Conceyu. Naquella mesma ocasión, estudiárense delles propuestes pa desendolcar a lo llargo del ciclu políticu actual y pactaren les bases del documentu que ta acabantes de zarrar el so procesu de tramitación.

Read Full Post »

El Señor de los Aniellos entama’l so viaxe n’asturianu con Trabe

L’editor Stanley Unwin pidió-y a Tolkien qu’escribiera una secuela pa El hobbit (1937) y eso afalólu a entamar la que diba ser la so obra más famosa, El Señor de los Aniellos, una novela de fantasía épica dividida en tres volúmenes (La Sociedá del Aniellu, Les dos torres y El retornu del rei), que foi publicada ente 1954 y 1955. Va unos años qu’El hobbit ta n’asturianu y agora arranca la edición n’asturianu d’El Señor de los Aniellos, de la mano d’Ediciones Trabe y con versión de Nicolás Bardio.

Obra más importante de la lliteratura de fantasía, esta triloxía cuenta la historia de cómo los ferreros elfos forxaron los Aniellos del Poder y Sauron, el Señor de la Escuridá, l’Aniellu Únicu. Desque-y lu robaron andó tola Tierra Media a la busca d’él y nun foi a atopalu. Tiempu más tarde, y por casualidá, lléga-y a Bilbo Fardel, un hobbit del Condáu. A Sauron nun-y falta más qu’esi Aniellu pa ser a dominar la Tierra Media.

Read Full Post »

Otín, traducido al asturiano

Xurde Menéndez Caravia, discípulo del bioquímico Carlos López-Otín, ha traducido al asturiano el libro “La vida en cuatro letras”, la obra que Otín publicó en 2019, un ensayo divulgativo “sobre el origen de la vida, el genoma humano y la lucha por vencer la enfermedad y alcanzar la felicidad”. Este volumen, editado por Trabe, contribuye “a asentar el léxicu científicu na prosa n’asturianu” y es además “la primer vez que se publica un ensayu científicu y divulgativu n’asturianu”.

Xurde Menéndez Caravia es biólogo y fue premio extraordinario de doctorado por la Universidad de Oviedo. En la actualidad trabaja en el Hospital Universitario William P. Clemens de Dallas, en Estados Unidos. Además del texto, el libro cuenta con las creaciones de 16 ilustradores asturianos que colaboraron con esta publicación cuyos derechos de autor se van a donar a la Asociación Española contra el Cáncer de Asturias.

(de La Nueva España, 03-02-2021)

Read Full Post »

Xuan Xosé Sánchez Vicente asoleya una edición meyorada del so «Diccionariu castellanu-asturianu»

Esti Diccionariu castellanu-asturianu, qu’agora presenta Ediciones Trabe nuna segunda edición correxida y aumentada, ye ferramienta fundamental mesmo p’ameyorar el conocimientu del asturianu como pa facilitar el trabayu d’escritura yá sía creativu o alministrativu. L’aportación más grande d’esta obra de Xuan Xosé Sánchez Vicente ye la montonera de léxicu qu’axunta dando precisión significativa a caúna de les salíes n’asturianu qu’apaecen na entrada en castellanu.

Como bien diz l’autor, esti Diccionariu castellanu-asturianu complétase col Diccionariu asturianu-castellanu, polo qu’entrambos y dos facilítennos pescudar y atalantar el significáu precisu de les palabres, del so usu y les sos connotaciones.

Read Full Post »

El Principáu quier avanzar “significativamente” nel usu de la toponimia tradicional, tamién pola alministración estatal

La Conseyería de Cultura, Política Llingüística y Turismu quier avanzar “significativamente” na aplicación práctica de la toponimia tradicional asturiana que yá ye oficial, “tanto poles alministraciones asturianes como poles dependientes del Estáu”.

Según confirmaron fontes de la Conseyería a Europa Press, el siguiente conceyu que se va llevar a Conseyu de Gobiernu pa la so oficialización va ser Pravia, nes próximes selmanes.

Read Full Post »

Nicolás Bardio asoleya la primer novela de fantasía épica n’asturianu

Del Llau del Nigromante nun ñaz namás cola voluntá de ser la primer novela de fantasía épica n’asturianu; sinón, tamién, d’adautar (una parte de) la bayurosa mitoloxía del nuesu país a los cánones de la lliteratura fantástica universal. Celurna ye’l país que domesticó a los Homones y los fai trabayar nos diques del puertu; el país que tien tovía peligrosos Pataricos n’estáu salvaxe y, tamién, aquél nel que ñaz de xemes en cuando un magu nuberu qu’ha de formase lleendo y prauticando. ¿Consiguirá’l Nigromante llevantar una Güestia cola qu’acabar col mundu de los vivos?

Hasta qué puntu pue llegar un Nigromante na so busca de la vida eterna? ¿Cuántos seres vivos ye a matar una persona pa devolve-y la vida a un muertu? ¿Ye posible facer obedecer a les bisarmes?

Read Full Post »

Fallece «Sor Canción», la monja asturianista

María Pilar Esther Fernández Fernández, más conocida como Sor Canción falleció el pasado lunes a los 89 años de edad. Figura importante en la defensa de la Llingua asturiana y gran activa en el campo musical, Sor Canción ingresó muy joven en el monasterio de Las Pelayas y pronto empezó a destacar por creatividad.

Ya en los años 60 del siglo pasado, Pilar Fernández decidió abandonar el hábito benedictino pero siguió dedicándose a la iglesia y a su pasión musical. Compuso, interpretó y grabó numerosos discos, entre ellos, Villancicos populares, Villancicos asturianos, Canciones de Navidad, o Trobas a la madre buena. Pasó los últimos años de su vida en una residencia de Belmonte de Miranda.

No solo el ámbito religioso lamenta su pérdida. Desde el mundo del asturianismo también se ha lamentado mucho su fallecimiento, como manifestó Iniciativa pol Asturianu.

(de La Voz de Asturias, 27-01-2021)

Read Full Post »

Abiertu’l plazu pa inscribise nel concursu d’oratoria n’asturianu «Xixón Fala en 3»

La Oficina de Normalización Llingüística de Xixón ta acabante anunciar la convocatoria de la tercer edición del Concursu Xixón Fala en 3, una competición na que cada participante presenta un tema n’asturianu, en 3 minutos con un rexistru cultu o académicu.

Del 14 de xineru al 14 de febreru de 2021 ta abiertu’l plazu de presentación de solicitúes pa participar. La participación ye gratuita y les solicitúes han presentase pente medies del rexistru lletrónicu del conceyu de Xixón. Cada participante pue presentar un únicu tema.

Read Full Post »

Trabe pon nes llibreríes «La xeometría secreta del azar», la novela nueva de José Ángel Gayol

La xeometría secreta del azar ye la segunda novela que publica José Ángel Gayol, una de les voces más interesantes de la lliteratura n’Asturies. Ediciones Trabe ta acabante ponela nes llibreríes.Na novela Naldo Asur ye escritor asturianu que gana un premiu d’importancia con una obra que col tiempu se descubre que ye un plaxu. Tentando de matar el pasáu y entamar de nuevo, marcha pa Estocolmu a trabayar na embaxada española nesa ciudá. Ellí va ser quien a crear una vida nueva que, si lu alloña del pasáu más real vivíu n’Asturies, acércalu pasín a pasu y ensin ser a saber por qué a la simulación y la invención vital. Novela sobre la mentira y l’azar, l’autor indaga sobre lo real y lo irreal: ónde ta la verdá y qué ye la non verdá, qué ye la realidá y cómo vivir na islla que formen el silenciu y la mentira. Narración densa y metalliteraria lleese con gustu porque una mentira bien contada pue ser una guapa verdá. La mentira y l’azar (los dos pilares de la vida) son un sotambiu y un vacíu que puen matar, pero que tamién afalen a crear: como dicía Fernando Pessoa, el creador ye un finxidor «que llega a finxir que ye dolor / el dolor que siente dafechu».

Read Full Post »

Pravia va unviar a Cultura la documentación pa poder oficializar la toponimia tradicional

El Conceyu de Pravia va a remitir a la Conseyería de Cultura, Política Llingüística y Turismu la documentación que completa l’espediente d’oficialización de la so toponimia tradicional.

Asina-ylo tresmitió l’alcalde de Pravia, David Álvarez, nun alcuentru cola conseyera Berta Piñán, nel que tamién participó la directora xeneral de Deporte, Beatriz Álvarez.

Read Full Post »