Feeds:
Antradas
Comentairos

Archive for the ‘Uvieo’ Category

HENRIQUE G. FACURIELLA

El vienres 8 de payares, el Teatru Filarmónica d’Uviéu acoyó la representación de la obra Muyeres inesperaes, con testu de Dolfo Camilo Díaz y la interpretación de la compañía Ververemos. Esta función marcaba l’empiezu del III Premiu y Festival «Nel Amaro» de Teatru profesional en llingua asturiana y gallego-asturianu –qu’entama la Conseyería de Cultura, Política Llingüística y Turismu– y que va tener continuación tolos otros vienres del mes de payares, a les 20:00 hores, nel mesmu escenariu.

Planteada cuasi como una comedia de tesis a favor de la lliberación de les muyeres, funcionen meyor les partes nes qu’esta defensa s’espresa en forma de güelpes d’humor que cuando garra un tonu más d’arenga política o sindical. Esti contraste faise mui evidente nel cuadru terceru, onde’l públicu entra mui bien per tola parte del diálogu ente la frutera (Isabel Friera) y Kitty (Lili Martín) –y eso que contién quiciás les confesiones más dures sobre abusos y desprecios– pero siente que lu saquen de repente del suañu cuando entra na acción la psicóloga y la conversación garra tintes más «filosóficos». Tampoco termina’l guión de resolver con aciertu l’enriedu que se plantea nel cuadru segundu –un home qu’engaña, al mesmu tiempu, a cuatro muyeres qu’acaben coincidiendo nel mesmu bar–, resueltu d’una manera un poco atropellada al final d’esi cuadru –llega a dase la paradoxa de qu’una d’elles nun reconoz a la ex del fíu hasta qu’ésta nun-y lo diz–.

(more…)

Read Full Post »

L’Academia de la Llingua Asturiana, sabiendo’l fondu interés de munches persones de llograr que se reconoza la so conocencia de la llingua y manifestar asina’l so fondu amor al idioma asturianu, fadrá dos convocatories añales onde van poder evaluase diches conocencies. Nesi sen, da anuncia de les sos iniciatives pa conocimientu xeneral:

1. Nos meses de xineru y mayu celébrense les pruebes, abiertes a toles persones interesaes.

2. Unos quince díes enantes de les pruebes va abrise un plazu de matrícula.

3. A les persones declaraes aptes nes pruebes citaes, l’Academia dará-yos un documentu onde s’afite la conocencia nel nivel 1 o básicu según calces siguíos por esta Institución.

(more…)

Read Full Post »

El Teatru Filarmónica d’Uviéu va acoyer los vienres 8, 15, 22 y 29 del mes de payares les representaciones de les obres finalistes qu’opten al III Premiu de Teatru Profesional Nel Amaro en llingua asturiana.

Depués d’una preselección realizada na primer quincena d’ochobre pol xuráu _integráu por especialistes en teatru y llingua asturiana_, les cuatro compañíes teatrales finalistes y que van participar nesti III Festival Nel Amaro son, por orde d’actuación, Ververemos, col espectáculu ‘Muyeres inesperaes’; El Callejón del Gato, col espectáculu ‘Crecer’; Higiénico Papel Teatro, col espectáculu ‘Una casa’; y Factoría Norte, col espectáculu ‘Les rellaciones peligroses’.

El Premiu de Teatru Profesional Nel Amaro en llingua asturiana o gallego-asturianu convócase pa consolidar, arriquecer y prestixar estes dos llingües nel ámbitu del arte dramático, y nesta tercer edición ta dotáu con 6.000 euros.

(more…)

Read Full Post »

PABLO R. GUARDADO

L’arqueólogu ayandés Andrés Menéndez Blanco defendió’l xueves la so tesis doctoral, entitulada ‘Estudios diacrónicos del paisaxe y el poblamientu nel noroeste ibéricu: el territoriu d’Ayande (sieglos I-XIII)’. Ye la primer vegada na Facultá d’Historia de la Universidá d’Uviéu que se presenta una tesis n’asturianu dafechu.

Los profesores Margarita Fernández Mier y Francisco Javier Fernández Conde dirixeron el trabayu de Menéndez Blanco, centráu na evolución histórica d’Ayande ente los sieglos I y XIII de la nuesa era, dende la conquista romana hasta la formación de les poles medievales. El tribunal, formáu polos profesores Juan Antonio Quirós (Euskal Herriko Unibertsitatea), Jordi Bolós (Universitat de Lleida), Alejando García-Álvarez (Universidá d’Uviéu), Rebeca Blanco (Universidade de Santiago de Compostela) y Xulio Viejo (Universidá d’Uviéu), otorgó la calificación máxima a la tesis doctoral.

(more…)

Read Full Post »

Coordínalu Xulio Concepción Suárez.

El Palaciu Conde Toreno, dede del Real Instituto de Estudios Asturianos (RIDEA), va acoyer los xueves restantes d’esti ochobre un ‘Ciclo de conferencias sobre toponimia’. Va consistir en cuatro intervenciones, tando programada la primera pa mañana, a les 19.30 hores.

Trátase de ‘La toponimia en 3D: un ejemplo práctico en Somiedo’, a cargu de Jesús Lana Feito, llicenciáu y doctor en Pedagoxía, y el propiu Concepción. Nella van esplicar que “los recursos dixitales, al algame d’una cierta mayoría anguaño, faciliten un pasu más a unos y a otros a la hora d’afitar o d’interpretar un topónimu nun mapa; d’un llau, la precisión cartográfica del que señala un nome sobre’l terrén, cola so información completa (posición visualizada en relieve, ficha descriptiva, semeyes de detalle, numberación GPS…); del otru, la valoración personal del que lo llee, en función de los oxetivos sienderistes”.

(more…)

Read Full Post »

Iván Llera, presidente d’Iniciativa pol Asturianu, pidió güei l’usu de la toponimia tradicional del conceyu d’Uviéu nos carteles de les fiestes de San Mateo. Llera aprovechó pa recordar que dende va dellos meses la toponimia d’Uviéu ye oficial y les alministraciones tienen la obligación d’usala.

El presidente d’Iniciativa pol Asturianu comentó tamién que “la toponimia ye una parte de la cultura de la ciudá d’Uviéu, una seña d’identidá como les propies fiestes mateínes y nun pue ser un elementu de división porque esa división nun esiste na sociedá uvieína”.

(more…)

Read Full Post »

Ediciones Saltadera asoleyera la so obra poética conocida hasta’l momentu na antoloxía «La prueba del once», en 2015. Agora, cuatro años más tarde, Facuriella asoleya «El centinela», que ye «la crónica d’un viaxe vital onde les estaciones márquenles non los sitios, sinon les persones, los alcuentros físicos y les distancies emocionales con esos otros que representen el suañu y la promesa».

El xueves 11 de xunetu, a les 7 la tarde, va presentase’l volume na Llibrería Trabe, na cai Fernando Alonso d’Uviéu.

(more…)

Read Full Post »

« Newer Posts - Older Posts »