nubecuentos.com, la biblioteca online con llibros n’asturianu

ALBERTO RODRÍGUEZ

Si la llectura ye imprescindible p’afondar nuna llingua, tamién ye cierto qu’anguañu la dixitalización y la presencia en dispositivos lletrónicos ye’l meyor camín p’aportar a la población, especialmente a la más moza. nubecuentos.com ye una biblioteca online pa ver, lleer y sentir álbumes illustraos  pa la reciella,  dende cualquier tipu de dispositivu, qu’aconceya fasta agora obres de cuatro sellos editoriales asturianos: Impronta Editorial / Ediciones Trabe / Delallama Editorial y Pintar-Pintar, anque tienen la intención de siguir amiestando editoriales a la so disponibilidá.

Read Full Post »

Convocaes les subvenciones a medios de comunicación pa la normalización social del asturianu y del gallego-asturianu o eonaviegu

El Boletín Oficial del Principáu d’Asturies (BOPA) de güei, 24 de marzu del 2023, publica la convocatoria d’esta llinia de subvenciones dirixida a empreses periodístiques, radiofóniques, televisives o d’Internet, que ta dotada con 110.000 euros y busca ayudar económicamente poles inversiones realizaes na producción d’espacios onde s’use l’asturianu o’l gallego-asturianu o eonaviegu.

Plazu pa presentar proyectos hasta’l 25 d’abril del 2023 (inclusive).

ANEXU: Convocatoria de suvenciones a Medios de Comunicación.

(de la Dirección Xeneral de Política Llingüística, 24-03-2023)

Read Full Post »

Nin un minutu d’información n’asturianu na RPA na fin de selmana

PABLO R. GUARDADO

El sábadu 14 entamaben les emisiones de boletinos y dos programes informativos de 30 minutos en fin de selmana en RPA. L’asturianu nun tuvo presente nellos hasta agora, lo que lleva a Iniciativa pol Asturianu a reclamar a Nacho Monserrat qu’acelere “el procesu de incorporación del idioma de forma tresversal nos espacios informativos de la canal”.

Esta organización recuerda qu’en setiembre aprobosé nel marcu del Alderique d’Orientación Política Xeneral del añu llexislativu 2022-2023 una resolución qu’encamentaba al Gobiernu a “tomar toles midíes necesaries pa garantizar la presencia de les llingües propies d’Asturies na programación de la RTPA, con un tratamiento dignu, global y permanente”. Un mes depués el direutor xeneral en funciones del ente públicu de comunicación, Francisco González Orejas, aseguraba na Comisión de Presidencia que “nel plazu de tiempu más curtiu posible, nun digo selmanes, pero sí meses, mui pronto, pue haber información diaria y selmanal en llingua asturiana” na TPA, dando asina cumplimientu al mandáu de la Xunta Xeneral.

Read Full Post »

Estrénase Tiempu de Lleendes, el primer CRPG n’asturianu

Los mecenes que sofitaron la campaña de crowdfunding del videoxuegu Tiempu de Lleendes, primer CRPG n’asturianu, tienen yá accesu a él.

Tiempu de Lleendes, creáu por Adrián Carbayales per aciu del programa de desendolcu de videoxuegos RPG Maker MV, ponte nel pelleyu de Xandria, una aprendiza de bruxa a la que les circunstancies obliguen a salir del so pueblu, Polazul, pa dir a l’aventura. Tres d’escoyer un tipu de maxa que remanar (aire, fueu, aire o piedra) y un collaciu que la acompañe, habrá enfrentase a abondos desafíos col envís de salvar el mundu de los planes de Zargos, el malváu rei del inframundu. El mundu y los monstruos que lu pueblen tán basaos en parte na mitoloxía asturiana, parte nos RPGs xaponeses, y tol videoxuegu ta tremáu d’un humor qu’entemez el llariegu col de les aventures gráfiques de los años noventa. Depende de les decisiones tomaes a lo llargo del xuegu, la final d’esti va ser distinto, lo qu’a la xunta de los munchos secretos espreganciaos pel mundu y misiones secundaries, van permitir esfrutar de rexugalu.

Read Full Post »

La convocatoria de empleo de RTPA puntúa, por primera vez, el conocimiento de lengua asturiana

El BOPA de este viernes 30 de diciembre ha publicado la convocatoria para la provisión de plazas de personal de Radiotelevisión del Principado de Asturias (RTPA) con contratos de carácter indefinido, donde por primera vez se va a valorar como mérito acreditar el conocimiento de lengua asturiana.

Esta convocatoria, por el sistema de concurso y de concurso-oposición, está incluida en la Oferta de Empleo Público extraordinaria para la reducción de empleo temporal. Así, la radiotelevisión pública asturiana pretende cumplir el objetivo de situar la tasa de temporalidad estructural por debajo del 8%. Por concurso, entre los méritos a valorar está el conocimiento de lengua asturiana, que los aspirantes tendrán que certificar habiendo superado alguno de los exámenes oficiales de la Consejería de Educación y puntuarán desde un punto (nivel básico A1) hasta cuatro si pueden acreditar el nivel avanzado (C1).

Read Full Post »

Cultura trabaya nun corrector ortográficu al asturianu y nun traductor al gallego-asturianu

La Conseyería de Cultura, Política Llingüística y Turismu va poner en marcha nel 2023 la versión actualizada del traductor castellanu-asturianu Eslema.2, que va poder usase dende los teléfonos móviles. Amás, van principiar a trabayar nun corrector ortográficu automáticu y va siguir trabayándose nel traductor al gallego-asturianu, d’esta vuelta dende dientro de la propia Dirección Xeneral.

Otra manera, nel 2023 va ponese en marcha’l premiu ‘Pachín de Melás’ de testos teatrales y va dase un impulsu a los estudios de llinguaxe alministrativu n’asturianu y a les publicaciones en gallego-asturianu, al menguar la edición de llibros nesti idioma nos últimos años.

Read Full Post »

La XDLA reclama que les rutes dixitales de Xixón incorporen l’asturianu

La Xunta pola Defensa de la Llingua Asturiana (XDLA) reclamó que la ruta nueva de realidá aumentada del Muséu del Pueblu d’Asturies (MPA) incorpore la llingua asturiana. Esta ruta, dirixida pa la reciella y qu’utiliza a los seres mitolóxicos pa mostrar los espacios del recintu xixonés, ta disponible en castellanu, inglés y francés.

Trátase de la cuarta ruta de realidá aumentada que ponen en marcha dende’l Conceyu depués de ‘Cimavilla AR’, ‘Gijón/Xixón entre siglos AR’ y ‘Los secretos del Botánico’, a les qu’hai que sumar les apps ‘Gijón romano’ y ‘Gijonomía’. Toes elles permiten l’usu del castellanu, inglés y francés, pero non l’asturianu, denunció la XDLA en nota de prensa.

Read Full Post »

La promoción del asturianu mantiénse nel 0,04% del total del presupuestu

La partida pa promoción del asturianu recoyida nel proyectu de presupuestos pa 2023 xube a 2.535.701 euros, lo que supón –al igual que nes cuentes del 2019, 2020 y 2021– el 0,04% del total.

Nos presupuestos vixentes la promoción del asturianu tenía una partida de 2.205.441 euros, polo que la política llingüística pal 2023 xube en 330.260 euros. Sicasí, al producise una medría xeneral del presupuestu autonómicu, la partida continúa representando’l 0,04% del total de les cuentes.

Read Full Post »

La RPA lleva ensin emitir el boletín informativu diariu n’asturianu dende’l 27 d’ochobre

La Xunta pola Defensa de la Llingua (XDLA) denuncia que la Radio Televisión del Principáu d’Asturies (RTPA) lleva ensin emitir dende’l 27 d’ochobre pasáu l’únicu espaciu informativu que producía, ‘Les noticies n’asturianu’. Tratábase d’un espaciu de diez minutos n’asturianu que s’emitía de llunes a vienres na RPA a les 12.00 hores. La so desaparición vien a sumase “a los pasos atrás que dio l’asturianu na RTPA nesta llexislatura”, denuncia la XDLA, “na que nun se dobló nenguna película o serie de dibuxos animaos y tampoco nun se retresmitió nengún partíu de fútbol n’asturianu, iniciatives éstes que, con too, siempre se programaron de forma simbólica y anecdótica, ensin nenguna continuidá”.

Read Full Post »

La XDLA critica los pasos atrás daos por TPA nel usu del asturianu

La Xunta pola Defensa de la Llingua Asturiana (XDLA) vieno acabante criticar la emisión esti sábadu d’un especial en TPA en castellanu sobre la participación asturiana nel Festival Intercélticu de Lorient, el de más importancia del Arcu Atlánticu y onde esti añu Asturies yera la invitada d’honor.

Asina, anque ‘Añu d’Asturies en Lorient’ tenía’l títulu n’asturianu y los gráficos y la publicidá del mesmu foron nesti idioma, el programa nun yera más qu’un refritu de los reportaxes en castellanu emitíos nel programa ‘Conexión Asturias’. Ye de reseñar que n’años anteriores, TPA emitió la retresmisión que fixo la televisión pública francesa del desfile de Lorient o de la Gran Nueche, siempre con una locución n’asturianu. Anguaño, coincidiendo col Añu d’Asturies nesta fiesta de la música, la cultura y les llingües de los países celtes, la dirección de RTPA vuelve dar un pasu atrás con un refritu en castellanu qu’intenten colar como un espaciu n’asturianu.

Read Full Post »