Feeds:
Antradas
Comentairos

Archive for the ‘Comunicación /Comunicaçon’ Category

La Xunta pola Defensa de la Llingua (XDLA) denuncia que la Radio Televisión del Principáu d’Asturies (RTPA) lleva ensin emitir dende’l 27 d’ochobre pasáu l’únicu espaciu informativu que producía, ‘Les noticies n’asturianu’. Tratábase d’un espaciu de diez minutos n’asturianu que s’emitía de llunes a vienres na RPA a les 12.00 hores. La so desaparición vien a sumase “a los pasos atrás que dio l’asturianu na RTPA nesta llexislatura”, denuncia la XDLA, “na que nun se dobló nenguna película o serie de dibuxos animaos y tampoco nun se retresmitió nengún partíu de fútbol n’asturianu, iniciatives éstes que, con too, siempre se programaron de forma simbólica y anecdótica, ensin nenguna continuidá”.

(more…)

Read Full Post »

La Xunta pola Defensa de la Llingua Asturiana (XDLA) vieno acabante criticar la emisión esti sábadu d’un especial en TPA en castellanu sobre la participación asturiana nel Festival Intercélticu de Lorient, el de más importancia del Arcu Atlánticu y onde esti añu Asturies yera la invitada d’honor.

Asina, anque ‘Añu d’Asturies en Lorient’ tenía’l títulu n’asturianu y los gráficos y la publicidá del mesmu foron nesti idioma, el programa nun yera más qu’un refritu de los reportaxes en castellanu emitíos nel programa ‘Conexión Asturias’. Ye de reseñar que n’años anteriores, TPA emitió la retresmisión que fixo la televisión pública francesa del desfile de Lorient o de la Gran Nueche, siempre con una locución n’asturianu. Anguaño, coincidiendo col Añu d’Asturies nesta fiesta de la música, la cultura y les llingües de los países celtes, la dirección de RTPA vuelve dar un pasu atrás con un refritu en castellanu qu’intenten colar como un espaciu n’asturianu.

(more…)

Read Full Post »

El Boletín Oficial del Principáu d’Asturies de fecha 19 d’ochobre del 2022 publica la Resolución de concesión de subvenciones a medios de comunicación pa la normalización social del asturianu y, nel so ámbitu, del gallego-asturianu, en réxime de concurrencia competitiva.

Esta llinia d’ayudes, dotada con 110.000 euros, ta dirixida a empreses periodístiques, radiofóniques, televisives o d’Internet y subvenciona les inversiones realizaes na producción d’espacios onde s’use l’asturianu o l’eonaviegu, bien n’espacios periódicos y fixos, bien en programes estraordinarios d’interés especial, pero siempre que’l so usu ayude a la normalización y dignificación del usu social de la llingua y seyan espacios configuraos como propios del mediu y asumíos por él.

ANEXU: Resolución de 11 de octubre del 2022, de la Consejería de Cultura, Política Llingüística y Turismo, por la que se resuelve la convocatoria de subvenciones a medios de comunicación para la normalización social del asturiano y, en su ámbito, del gallego-asturiano, en régimen de concurrencia competitiva.

(de la Dirección Xeneral de Política Llingüística, 19-10-2022)

Read Full Post »

“Nel plazu de tiempu más curtiu posible, nun digo selmanes, pero sí meses, mui pronto, pue haber información diaria y selmanal en llingua asturiana” nos informativos de TPA, anunció Francisco González Orejas, direutor xeneral en funciones de RTPA. D’esta forma l’ente va facer cumplimientu de la propuesta de resolución presentada por Podemos sobre la presencia del idioma nel ente aprobada pola Xunta Xeneral nel Alderique d’Orientación Política Xeneral celebráu’l mes pasáu.

Na mesma, presentada por Podemos y apoyada pola Federación Socialista Asturiana (FSA-PSOE), Partido Popular (PP), Asturies pela Izquierda (IX-IAS) y el diputáu de Foro, Pumares –votaron en contra Ciudadanos y VOX, y astuviéronse Pedro Leal y Luis Armando Fernández Bartólome–, encamentábase al Conseyu de Gobiernu a “tomar toles midíes necesaries pa garantizar la presencia de les llingües propies d’Asturies na programación de la RTPA, con un tratamiento dignu, global y permanente”. “Nos dos conseyos d’alministración últimos falóse d’esto”, apuntó güei González Orejas na Comisión de Presidencia a una entruga del diputáu moráu Rafael Palacios, considerando que por dignu “ye que tenga un tratamientu dignificáu y entendemos, anque pue haber opiniones que nun tea enteramente d’alcuerdu, que nos programes s’utiliza de forma digna l’asturianu”, y por global y permanente “que se trataba de los informativos”.

(more…)

Read Full Post »

El Congresu refugó esti xueves una propuesta de resolución d’Unidas Podemos nel marcu del Debate sobre l’estáu de la nación pa que’l Parllamentu encamiente al Gobiernu a favorecer la oficialidá del asturianu y el gallego-asturianu.

La iniciativa, que tuvo’l votu afirmativu de los proponentes, PNV, Esquerra, Bildu, Junts y PdCat, buscaba defender les llingües propies del Estáu, velar pol cumplimientu de les lleis que les rixen y promover la conocencia de la realidá plurilingüística, amás d’acompañar el procesu de reconocimientu del aragonés.

(more…)

Read Full Post »

La Biblioteca d’Asturies sumó a los sos fondos virtuales la colección de 770 exemplares del selmanariu Les Noticies, qu’a lo llargo de 16 años (1996-2012) analizó la sociedá del momentu en llingua asturiana.

La Conseyería de Cultura, Política Llingüística y Turismu, al traviés de la Dirección Xeneral de Política Llingüística, promovió la dixitalización de les más de 20.000 páxines de la publicación pa poneles a disposición de tola xenta interesao.

(more…)

Read Full Post »

El Boletín Oficial del Principáu d’Asturies de fecha 8 de xunu del 2022 publica la convocatoria de subvenciones a medios de comunicación pa la normalización social del asturianu y del gallego-asturianu o eonaviegu.

Esta llinia, que ta dotada con 110.000 euros y ta dirixida a empreses periodístiques, radiofóniques, televisives o d’Internet, busca ayudar económicamente poles inversiones realizaes na producción d’espacios onde s’use l’asturianu o’l gallego-asturianu o eonaviegu, bien n’espacios periódicos y fixos, bien en programes estraordinarios d’interés especial, pero siempre que’l so usu ayude a la normalización y dignificación del usu social de la llingua y seyan espacios configuraos como propios del mediu y asumíos por él.

(more…)

Read Full Post »

La Conseyería de Cultura, Política Llingüística y Turismu ta rematando meyores técniques pa facilitar la traducción automática en llingua asturiana al traviés del portal gratuitu Eslema. L’oxetivu del Gobiernu d’Asturies ye que l’asturianu algame un desenvolvimientu tecnolóxicu asemeyáu a les llingües de la contorna.

Los técnicos trabayen n’Eslema.2, una versión actualizada del portal abiertu que nel 2008 punxo en marcha’l Gobiernu del Principáu en collaboración cola Universidá d’Uviéu. Les meyores van dexar usar la ferramienta en toa clas de dispositivos y van incorporar modificaciones llingüístiques empobinaes a llograr una traducción más natural y fluyida en cualquiera de los dos sentíos castellanu/asturianu o asturianu/castellanu.

(more…)

Read Full Post »

Xosé Antón González Riaño (Siero 1956) ye pedagogu y catedráticu de la Universidá d’Uviéu, onde se doctoró en 1993 con una tesis doctoral sobre les interferencies llingüístiques ente l’asturianu y el castellanu, cola qu’algamó’l Premiu Estraordinariu de Doctoráu. Ye, amás, presidente de l’Academia de la Llingua Asturiana dende 2017 y miembru de la institución dende 1987. Nesta entrevista facemos balance nel día de les Lletres, del procesu fracasáu de negociación de la oficialidá y de les perspeutives qu’hai pa la próxima llexislatura.

El procesu de reforma del estatutu pa incluyir la oficialidá nun pudo ser nesta llexislatura, ¿qué valoración fai?

El procesu de reforma del estatutu que diba llevar a la oficialidá del estatutu foi un procesu que representó una deceición mui fonda pa les persones que llevábemos décades pidiendo que se cumpla n’Asturies l’Artículu 3 de la Constitución. Foi una oportunidá histórica perdida pola falta d’esperiencia. Pero la reivindicación va siguir hasta que se llogre y la deceición nun mos puede llevar a una frustración q xenere falta de puxu. Toi seguru que va haber más ocasiones y que la próxima puede ser inmediatamente nesta próxima llexislatura. 

(more…)

Read Full Post »

La Xunta pola Defensa de la Llingua Asturiana (XDLA) ha vuelto a sacar este sábado a miles de ciudadanos a las calles de Oviedo para reivindicar la oficialidad de la lengua asturiana. Tras la manifestación que partió de la estación de Renfe a las 12.00 horas, tuvo lugar la lectura de un manifiesto en la Plaza de la Escandalera en el que han denunciado que “están dándose pasos atrás en la normalización, perdiéndose espacios de utilización del asturiano que ya parecían fijados y reconocidos por toda la comunidad”.

La cantante Alicia Villanueva, el escritor y músico Xaime Martínez, la filóloga María Abril y el traductor Miguel Sánchez han sido los encargados de leer el manifiesto en el que han destacado como ejemplo de esos “pasos atrás” que “la semana pasada el rector de la Universidad de Oviedo anunciase que iban a dejar de usar el asturiano institucionalmente, contraviniendo el estatuto de autonomía y los propios estatutos de la universidad”.

(more…)

Read Full Post »

Older Posts »