“En ‘Prefiero ver llover’ hai un cambiu estilísticu bastante importante”, asegura Silvia Quesada

PABLO R. GUARDADO

El segundu trabayu de Silvia Quesada yá ye una realidá. Llámase ‘Prefiero ver llover’ y nél la cantante de Brañameana, que va presentalu’l vienres en direuto en La Felguera, exhibe “un cambiu estilísticu bastante importante” con respeuto a ‘La pena abierta’.

Compuestu por 10 cantares grabaos en Lleón baxo la producción del cantante Fabián –que collabora nel corte ‘Podía ser peor’–, Juan Marigorta y Pepe López, ‘Prefiero ver llover’ ye’l discu nuevu de la vocalista procedente del folk nel so estilu más averáu al pop al que pasó de la mano d’Alfredo González animada pol propiu cantautor y por Pablo A. Quiroga. ‘La mesma revolución’, tema d’adelantu del álbum qu’edita A Mansalva, yá dexó ver delles pincelaes de la evolución de Quesada, que se confirma nel resultáu final d’esti trabayu.

Read Full Post »

Reciella presenta’l programa completu pal VII Día de la Reciella

PABLO R. GUARDADO

El domingu 13 d’ochobre’l Muséu del Pueblu d’Asturies va enllenase de neñes y neños y los sos familiares pa vivir una xornada llúdica y festiva en llingua asturiana dafechu. Celébrase’l VII Día de la Reciella, que va abrir la IV Entaína, carrera de relevos que simboliza la tresmisión del idioma de padres y güelos a fíos y nietos.

Les puertes van abrise a les 11 hores, cuando comience la inscripción –yá se pue formalizar al traviés d’esti enllaz –pa esta prueba pa tolos públicos con salida na bolera a les 11.30 hores. Nun va ser l’atletismu la única modalidá deportiva del día, yá que van entamase un cuadrín de fútbol (12.30 hores), xuegos de baloncestu (14 hores) y un taller-exhibición de skate (16.30 hores).

Read Full Post »

Silvia Quesada presenta’l cantar ‘La mesma revolución’ coincidiendo col Día de la Muyer

La cantante asturiana Silvia Quesada acaba de publicar el cantar ‘La mesma revolución’ coindiciendo col 8 de marzu, Día Internacional de la Muyer. El tema ye un adelante del so discu próximu, que se va publicar anguaño.

‘La mesma revolución’ ye una canción feminista de corte pop con lletra del cantautor Alfredo González y que muestra como va ser el trabayu próximu de la interprete, que va apuntar más al pop. Otra manera, el tema cuenta con un videoclip dirixíu por Jhonny Gleez y producíu por A Mansalva que se pue ver en plataformes como YouTube.

Silvia Quesada (Tinéu, 1986) ye una de les cantantes de más sonadía de la música asturiana. Depués de poner la so voz a grupos como Blima, Gatos del Fornu o los mesmos Tejedor, nel 2014 publicó ‘La pena abierta’, el so primer trabayu en solitariu y onde se movió ente la canción d’autor y el pop.

(d’Europa Press, 08-03-2019)

Read Full Post »