¿Qué hai de nuevu, vieyu?

ANTÓN GARCÍA

Quien siga con della atención la lliteratura asturiana más moza, coincidirá comigo en que’l rasgu que la caracteriza ye la pluralidá. Poco tien que ver la obra total d’Héctor Pérez Iglesias, por exemplu, cola verdá lliteraria de Vanessa Gutiérrez; o les propuestes intuitives de Pablo Texón col oficiu narrativu compactu de Quique Faes o cola variedá intelixente de José Luis Rendueles, por citar namás cinco autores altamente recomendables d’ente la docena y media que más nos interesa. Si entráramos más en detalle, si diéramos más nomes, podría vese hasta qué puntu la propuesta lliteraria de la xente tovía más moza se facía diversa, como si a costafecha esi grupu d’autores quixera que’l so rasgu distintivu fuera escapar d’una «tendencia hexemónica» como tamién se dio en llamar, pa la lliteratura asturiana, la obra lliteraria más destacable (particularmente poética) de los años ochenta y noventa.

Read Full Post »

«Mi percepción poética está en las trincheras»

MANUEL CUENYA

Abel Aparicio González es un joven comprometido con la sociedad de su tiempo, que cree en los grandes ideales y aspira a cambiar el mundo. Eso es lo que se percibe cuando uno lee sus poemas y se adentra en su blog, http://abelaparicio.blogspot.com, y sobre todo cuando se habla con él. Originario de San Román de la Vega, Abel Aparicio ha participado en diversos recitales poéticos en varias ciudades de la geografía española, entre ellas, en Madrid, capital en la que residió durante años, y en León, donde trabaja como informático en la actualidad.

Allá por el año de 2007, el autor leonés hizo sus primeros pinitos en el mundo de la poesía. Eso fue en el bar Bukowski de Madrid. Recuerda con especial cariño su participación en el recital Versos para derribar muros, que luego se convertiría en un libro con ese mismo y sugerente título, cuya edición corrió a cargo de Los libros de Umsaloua.

Read Full Post »

L’ALLA tien nes llibreríes el cuartu númberu de Lletres Lliterariu

La revista Lletres Lliterariu, que ñació como númberu especial de Lletres Asturianes y lleva cuatro años como publicación dixebrada, asoleyó’l pasáu mes de mayu un númberu nuevu. Nesti cuartu númberu l’Academia sigue col enfotu de contribuir a festexar la virtualidá estética del nuesu idioma, que dende hai sieglos vien dándonos obres de calidá induldable. Nesti volume puen atopase obres de poesía, narrativa, teatru y tornes.

Esti númberu cuatro inclúi poemes de Xuan Porta, Lauren García, Marta Mori, Xurde Fernández, Cristina Menéndez Martín, David Fernández, Roberto González-Quevedo, Xicu Monteserín, Manuel Asur, Ricardo Saavedra Fernández-Combarro, Marisa López Diz, Irma González-Quevedo Pedrayes, Inaciu Galán y González, Xe M. Sánchez, Mª José Fraga Suárez, Helena Trexu Fombella, Abel Aparicio González, Berto García, Ángeles González Fuentes, Carmen Uría Araujo, Pachu Menéndez, Ánxel Álvarez Llano, Mª Esther García López y Santi Fano, qu’ilustra amás esti volume.

Read Full Post »

La revista Formientu asoleya’l so númberu 10

El próximu llunes, 16 d’abril de 2012, a les ocho la tarde, la revista Formientu, revista lliteraria qu’axunta la obra d’autores mozos n’asturianu, va presentar el so númberu 10, dempués de 5 años de camín andáu. L’actu va celebrase na sede de la Sociedad Cultural Gijonesa, asitiada nel númberu 4 de la Cai Balmonte de Miranda, en Xixón. Nel actu van intervenir, el director de la revista, Inaciu Galán, miembros del conseyu de redacción de la revista, y los autores qu’apaecen nesti númberu, dando llectura a los sos testos.

El primer númberu de Formientu presentóse nel añu 2006 tamién en Xixón, dende entós vienen participando na revista más de 60 autores, menores de 30 años y qu’usen l’asturianu nos sos testos. La revista ta abierta a autores mozos de tol dominiu llingüísticu asturlleonés, y yá espublizaron testos autores de Lleón o Zamora, amás de dalgunos descendientes d’asturianos n’otros estaos d’Europa y América.

Read Full Post »