Feeds:
Antradas
Comentairos

Posts Tagged ‘Academia de la Llingua’

ANTÓN GARCÍA

La publicación d’un diccionariu asturianu siempre ye noticia. Si amás, como esti Diccionariu asturianu-castellanu de Xuan Xosé Sánchez Vicente, supera a tolos anteriores n’entraes y definiciones, l’anuncia conviértese en bona nueva. Nesti momentu l’asturianu cuenta con cuatro diccionarios imprescindibles. El de l’Academia de la Llingua, del añu 2000, que ye la referencia pal idioma; el Diccionario General de la Lengua Asturiana, compiláu por Xosé Lluis García Arias y editáu pola Nueva España nel 2002, que permite facer un siguimientu xeográficu (anque parcial) del usu de les palabres; y los dos elaboraos por Sánchez Vicente y publicaos por Trabe: el que reseñamos agora y el Diccionariu castellanu-asturianu, del 2008 tamién.

(more…)

Read Full Post »

D. BARREIRO

La UABRA va facer qu’Universidá y Academia, “dos instituciones a vegaes acusaes de tar al marxe de la sociedá”, participen col entornu nel que tán, en pallabres d’Ana Cano.

La presidenta de l’Academia de la Llingua, l’alcalde de Cangas del Narcea, José Manuel Martínez, y de la vicerrectora d’Estensión Universitaria, Covadonga Betegón, presentarón güei públicamente la UABRA, “un finxu importantísimu pol que l’Academia siempre naguó”, dixo Ana Cano.

(more…)

Read Full Post »

El presidente del Gobiernu asturianu, Vicente Álvarez Areces, afirmó güei que les posiciones que defenden la oficialidá de la llingua asturiana “son minoritaries”, y que la ciudadanía ta contenta como ta, porque ta pefectamentea asumida la defensa, la promoción y la inclusión de la llingua asturiana nel sistema escolar. Asina, consideró inxusto tamién que lu tachen de “tar opuestu a la llingua”.

Mientres la so participación nel seminariu d’Emplegu de periodistes europeos, refirióse al asturianu como bable, porque “algún nun quier llamalu asina, yo sí”. “Ta incorporáu nel nuesu Estatutu, el bable y les sos variantes. Hai posiciones que quieren más, pero son minoritaries”, afirmó. Dende’l so puntu de vista, “la ciudadanía asturiana ta a gusto como ta porque tenemos perfectamente asumida la defensa, la promoción, la inclusión nel sistema escolar per vía voluntaria que foi un ésitu porque hai munchos miles d’alumnos qu’añu tres d’añu integráronse nel sistema educativu sin nengún conflictu”.

(more…)

Read Full Post »

D. BARREIRO

El Conseyu de Comunidaes Asturianes va celebrar el Día de les Lletres Asturianes nel Esterior los díes 22 y 23 de mayu, en centros asturianos de Castellón y Barcelona.

El Conseyu organiza esta actividá en colaboración con la Direición Xeneral de Política Lingüística y la Academia de la Llingua. Les tres entidaes tán yá trabayando na ellaboración del programa a desendolcar.

(more…)

Read Full Post »

ANTÓN GARCÍA

En 1981, enantes del españíu editorial que propició l’Academia de la Llingua Asturiana, pocos llibros llegaben a les llibreríes que falaren sobre l’asturianu o que tuvieren escritos nesta llingua. Tan pocos que l’añu anterior la collecha bibliográfica n’asturianu quedara reducida a cinco títulos. Por eso, cada novedá editorial yera un acontecimientu social y los más mozos, debabaos, echábamonos enriba d’aquelles páxines pa lleeles atentamente. Bien m’alcuerdo de la impresión que foi ver nel escaparate d’Ojanguren, n’Uviéu, un llibru editáu pola Universidá de Santiago de Compostela, El habla de Somiedo, del que yera autora Ana M.ª Cano. Yera la primer parte de la so tesis doctoral, dirixida por Álvaro Galmés, y lleída na Universidá asturiana’l 12 de xunetu de 1975.

(more…)

Read Full Post »

D. BARREIRO

Güei fai 25 años qu’Andrés Solar perdiera la vida nun accidente de tráficu en Sotrondiu. La so narrativa xira casi toa sobre’l mundu de la infancia y la mocedá nun mediu rural que puxa col urbanu, pero lloñe del bucolismu y arcaismu de la lliteratura costumista. Cola so muerte les lletres asturianes perdieron ún de los grandes escritores del primer Surdimientu. Con una curtía obra lliteraria, que de siguir güei él ente nós naide sabe onde pudiera llegar, l’escritor ye anguaño too un símbolu del movimientu de reivindicación llingüística.

(more…)

Read Full Post »

Les Xornaes Internacionales d’Estudiu remataron esti xueves la so edición XVIII con un tarde enllena de conferencies y ponencies alredor de cuestiones como’l neutru materia o la medicina popular. Michele Loporcaro, de la Universidá de Zürich, foi l’encargáu d’abrir la última tarde de les Xornaes con una conferencia sobre l’orixe del neutru asturianu, que dalgunos filólogos tienen teorizao sobre’l so orixe nel sur de la península itálica “onde tamién se da esti fenómenu”.

(more…)

Read Full Post »

El xueves 5 de payares les XXVIII Xornaes Internacionales d’Estudiu, entamaes pola Academia de la Llingua Asturiana, lleguen al final. Los actos fáense na Facultá de Filoloxía de la Universidá d’Uviéu (Campus d’El Milán).

(more…)

Read Full Post »

El vicealcalde de L.lena, Agripino Pérez, y la presidenta de l’Academia de la Llingua, Ana Cano, firmó güei un conveniu de collaboración col oxetivu de promover l’usu y la normalización del asturianu nel conceyu, amás de trabayar conxuntamente na dignificación de la llingua.

Los puntos incluyíos nesti acuerdu son xenerales pero, ente otres cuestiones, planteguen que l’academia formará parte del conseyu asesor del serviciu de normalización llingüística y aconseyerá y revisará’l trabayu de recoyida d’información rellacionada col asturianu en L.lena.

(more…)

Read Full Post »

La presidenta de la Academia de la Llingua, Ana Cano, pidió esta semana a los cargos políticos a nivel autonómico que “sean conscientes de lo que hacen y de su responsabilidad” si no declaran oficial la ‘llingua’ asturiana en la próxima reforma del Estatuto de Autonomía, un objetivo para el que anuncia que “trabajará todo lo que pueda”.

Fue uno de los puntos claves que comentó en declaraciones a Europa Press, al respecto de su labor al frente de la Academia, cargo en el que ha sido reelegida recientemente. La responsable de la Institución se mostró segura de que la lengua asturiana desaparecerá “no tardando mucho tiempo seguramente”, si no se aplica esta medida.

(more…)

Read Full Post »

« Newer Posts - Older Posts »