La decimocuarta edición de la Fiesta de la Oficialidá de la Llingua Asturiana de Bimenes va cellebrase ente los díes 16 de xunu y el 3 de xunetu, que ye’l día grande. Enantes del día grande tan programaes delles actividaes como les esposiciones “La llingua na hestoria” (del 16 de xunu al 1 de xunetu) o “La gaita n’Asturies” (del 2 al 16 de xunetu), Teatru y entrega premios del XIII Concursu Cuentos pola Oficialidá (el día 1 de xunetu). El día 3, el día grande, va haber munches actividaes. El pregón d’esti añu va dalu Xulio Elipe Raposo “Xune” y el conciertu de pieslle de la fiesta va ser de la Bandina La Coruxa, La Tarrancha y DJ J15.
Posts Tagged ‘Afayaivos’
Yá se conoz el programa de la XIV Fiesta de la Oficialidá de Bimenes
Posted in Asturies, Bimenes, Lhiteratura / Lliteratura, Música, tagged Afayaivos, DJ 15, El Corriellu la Pandorga, El Hórreo, José Manuel García de Jesús, La Bandina la Curuxa, La Tarrancha, Los Yerbatos, Os Pauliteiros, Serviciu de Normalización Llingüística de la Mancomunidá Comarca de la Sidra, Xulio Elipe Raposo, Xune on Júnio 10, 2010| Leave a Comment »
La XII Fiesta de la Oficialidá de Bimenes yá tien programa d’actividaes
Posted in Asturies, Bimenes, Derechos llingüísticos / Dreitos lhenguísticos, Lhiteratura / Lliteratura, Música, tagged Afayaivos, DJ-J15, Dolfo Camilo Díaz, El Corriellu la Pandorga, Inaciu Galán, Isaac de l’Arada, La Bandina, Lluis Antón González, Los Yerbatos, Pauliteiros de Constantin, Sociedá de Feries y Fiestes “Nuestra Señora del Rosario”, Xuan Xosé Mariño on Júnio 12, 2008| Leave a Comment »
El Conceyu de Bimenes tien yá peslláu programa d’actividaes pa la XII Fiesta de la Oficialidá de la Llingua Asturiana, que va celebrase del 27 de xunu al 5 de xunetu. Ente los actos van tar la entrega del Concursu de Cuentos pola Oficilidá, una actuación de monólogu modernu, teatru, mercáu y la puya’l ramu, ente otres.
El vienres 27 xunu na Casa la Cultura de Santuyano, va celebrase a les 20’00 hores la presentación del programa d’actos de la XII Edición de la Fiesta de la Oficialidá de la Llingua Asturiana. Pero yá’l miércoles 25 xunu, y hasta’l 16 xunetu, na Casa la Cultura de Santuyano va poder vese la Esposición de les obres presentaes al “V Concursu de Cómic n’Asturianu” de la Comarca de la Sidra, ente les 15’30 y les 20’30 hores.
Yá pal mes de xunetu, el día 3, a les 20’30 hores va tener llugar la representación de la obra “País, una traxicomedia asturiana”, de Dolfo Camilo Díaz, a cargu del grupu Teatru Casona.
El 4 de xunetu a les 19’45 hores van entregase los premios del XI Concursu de Cuentos pola Oficialidá del Asturianu. Darréu, a les 20’30 hores, va ser el momentu pal monologuismu, cola representación de los monólogos “Asturianos al volante” y “Les vacaciones”, d’Isaac de l’Arada ya Inaciu Galán , a cargu de Lluis Antón González, de Xareos!.
El sabadu 5 de xunetu va ser el día grande. Nel prau de la fiesta (Xenra) y a les 11’00 hores. Va abrise la VI Feria d’Artesanía y Mercáu de Productos Agroalimentarios. A les 12’00 hores va ser el pasacais de los grupos folklóricos Los Yerbatos (Bimenes) y Os Pauliterios de Constantin, de Miranda del Douro, hasta la Casona de los Careaga.
La Casona de los Careaga va acoyer a les 12’30 hores el pregón, a cargu de Xuan Xosé Mariño, fundador y direutor de Radio Sele. A la una la tarde va haber misa n’asturianu, cantada por El Corriellu la Pandorga nel prau de la fiesta.
A les 13’30 hores va facese la Puya’l ramu, cola collaboración de la Sociedá de Feries y Fiestes “Nuestra Señora del Rosario” de Santuyano.
A les 13’45 hores van actuar Los Yerbatos (Bimenes) y Os Pauliterios de Constantin (Miranda del Douro). Darréu, a les 14’30 hores, va celebrase una Xinta popular con Bollu preñáu, empanada, casadiella y arroz con lleche.
De tarde, ente les cuatro y les seis, va haber un taller de manualidaes pa neños, a cargu de l’Asociación Sociocultural Afayáivos.
Yá a les seis, va celebrase’l IX Concursu de Gaiteros y Gaiteres Mozos y a les 19’30 hores, una amosanza d’entibadores mineros, a cargu del Club Deportivu d’Entibadores del Caudal.
Les fiestes van pesllase a partir de les once la nueche con un conciertu nel que van actuar “La Bandina” y “DJ – J15”.
(d’Asturnews, 12-06-2008)
[ANEXU: Programa completu de les fiestes]
Tierra alantre, la mesma fala 