Pablo Texón Castañón gana per segunda vez el Premiu Xuan María Acebal de Poesía n’asturianu

La ventésima séptima edición del Premiu Xuan María Acebal de Poesía n’asturianu recayó nel escritor Pablo Texón Castañón. El premiu, que concede la Conseyería de Cultura, Política Llingüística y Turismu ta dotaú con 6.000 euros.

El xuráu encargáu de valorar les doce obres finalistes tuvo presidíu pol Director Xeneral de Política Llingüística, Antón García Fernández, ya integráu polos escritores Marina Pangua Cuesta, Esther Prieto Alonso, Alba González Sanz, Rodrigo Olay Valdés y Alejandro Fernández-Osorio García, ganador de la edición pasada.

A esti galardón podíen presentase poemarios de tema y estructura llibres escritos en llingua asturiana con una estensión mínima de quinientos versos, siempre que fueren inéditos y non premiaos n’otros concursos.

Read Full Post »

Alejandro Fernández-Osorio gana’l Premiu Xuan María Acebal por “Tayu”

La ventésima sesta edición del Premiu Xuan María Acebal de poesía n’asturianu recayó nel escritor l.lenizu Alejandro Fernández-Osorio pola obra Tayu.

Nel acta del fallu, el xuráu resume la temática central del poemariu y destaca “cómo la voz del nietu revisita les vivencies de la mina con una visión social y política, pero al empar íntima y novedosa, de quien se siente heriede d’una tradición que pesa nel entornu familiar, pero qu’en realidá yá nun existe pa quien escribe dende otra esperiencia, la de la emigración”.

Read Full Post »

Entama la quincena “En Camín” de Foro Abierto

Cola editorial asturiana Saltadera, que dirixe l’escritor Antón García, Foro Abierto entama a celebrar una quincena “En Camín”, que contará nesti primer día, a les 7 la tarde na Llibrería Cervantes d’Uviéu, con Sofía Castañón, Alba González Sanz, Henrique G. Facuriella y Xuan Bello.

Con ellos van poer falar los asistentes alrodiu de la poesía del nuesu tiempu y toos ellos van lleer estractos de la so obra. Amás, falarase de l’antoloxía “La prueba del once”, na que participen toos ellos.

(d’Asturnews, 04-10-2017)

Read Full Post »

El Festival Sacavera Sound trai poesía, arte, folixa y psicodelia a La Pola Siero

El Llar El Mataderu va ser sede esta fin de selmana del Festival Sacavera Sound. Esti certame de poesía contemporáneo pretende axuntar distintes propuestes artístiques que se tan dando n’Asturies, con espaciu tamién pa la música y les perfomances.

L’actividá va principiar a les 18.30 hores d’esta tarde con un taller de fancín collaborativu que va correr a cargu de Casa Miguel. Pa les 21 hores ta prevista la primer Gran Verbena Poética, cola música de Colmena y la participación de Los Nadie Cantabria, el Comando Esbardalle Galicia (IV Centuria), David Suárez ‘Suarón’, Carol Bret y Laura Marcos. A la medianueche va tener llugar un ‘afterparty’ con Los Hermanitos y DJ Pedro Menchaca nel Diañu Rock-Bar, asitiáu na plaza Les Campes.

Read Full Post »