Un total de 67 obres presentáronse a los ocho gallardones que’l Gobiernu d’Asturies convoca pa reconocer los meyores trabayos de la producción lliteraria y escénica escritos en llingua asturiana. La conseyería de Cultura, Política Llingüística y Turismu destina 45.000 euros a la dotación de los ocho gallardones.
(more…)Posts Tagged ‘Alfonso Iglesias’
Un total de 67 obres preséntense a los premios lliterarios del Principáu
Posted in Asturies, Lhiteratura / Lliteratura, Política lhenguística / Política llingüística, tagged Alfonso Iglesias, Camaretá, Conseyería de Cultura Política Llingüística y Turismu del Principáu d'Asturies, Enriqueta González Rubín, Florina Alías, María Josefa Canellada, Máximo Fuertes Acevedo, Nel Amaro, Xosefa Xovellanos, Xuan María Acebal on Júlio 5, 2022| Leave a Comment »
Convocaos los premios lliterarios en llingua asturiana y el Camareta al Meyor Cantar
Posted in Asturies, Lhiteratura / Lliteratura, Música, Política lhenguística / Política llingüística, tagged Alfonso Iglesias, Camaretá, Conseyería de Cultura Política Llingüística y Turismu del Principáu d'Asturies, Enriqueta González Rubín, Florina Alias, María Xosefa Canellada, Máximo Fuertes Acevedo, Xosefa Xovellanos, Xuan María Acebal on Maio 19, 2022| Leave a Comment »
El Boletín Oficial del Principáu d’Asturies (BOPA) del 17 de mayu del 2022 publica la convocatoria de 7 premios lliterarios en llingua asturiana, amás del Camaretá al Meyor Cantar. El plazu de presentación d’orixinales o candidatures finaliza’l 16 de xunu.
Estos gallardones correspuenden a les categoríes de Novela (Xosefa Xovellanos), Poesía (Xuan María Acebal), Ensayu (Máximu Fuertes Acevedo), Lliteratura Infantil y Xuvenil (María Xosefa Canellada), Cómic (Alfonso Iglesias), Traducción (Florina Alias) y Narrativa moza (Enriqueta González Rubín).
Per otru llau, al Camaretá al Meyor Cantar pa canciones con lletra en llingua asturiana o en gallego-asturianu van premiu van poder presentase cantares de cualquier xéneru con lletra y música orixinal y cantares de cualquier xéneru con lletra orixinal sobre melodíes yá existentes.
ANEXU 1: Resolución de convocatoria de los premios lliterarios en llingua asturiana.
ANEXU 2: Resolución de convocatoria del 14 Premiu «Camaretá al Meyor Cantar».
(d’Europa Press, 17-05-2022)
Ángel de la Calle gana’l Premiu Alfonso Iglesias de cómic cola obra “Paez que nun foi ayeri“
Posted in Asturies, Lhiteratura / Lliteratura, Política lhenguística / Política llingüística, tagged Alberto Vázquez, Alfonso Iglesias, Antón García, Ángel de la Calle, Carmen Peña Calvo, Claudia Elena Menéndez, Laura Marcos, Mercedes Menéndez, Tamara Collar on Júlio 13, 2021| Leave a Comment »
La decimotercer edición del Premiu Alfonso Iglesias de cómic n’asturianu ganóla l’ilustrador y escritor Ángel de la Calle cola obra Paez que nun foi ayeri. Na acta del fallu, el xuráu destaca “el bon usu de los recursos del llinguaxe del cómic, la madurez y l’equilibriu que presenta, la intriga que crea la historia, les referencies metalliteraries al mundu del cómic, la fidelidá y l’interés históricu, amás de la calidá llingüística del trabayu”.
El xuráu quixo valorar tamién la calidá de les propuestes presentaes y la participación tan alta, que dobla a la d’ediciones anteriores.
(more…)La Conseyería de Cultura aumenta la dotación de los Premios Lliterarios en Llingua Asturiana
Posted in Asturies, Lhiteratura / Lliteratura, Política lhenguística / Política llingüística, tagged Alfonso Iglesias, Dirección Xeneral de Política Llingüística del Principáu d’Asturies, María Josefa Canellada, Máximo Fuertes Acevedo, Xosefa Xovellanos, Xuan María Acebal on Abril 25, 2021| Leave a Comment »
La Conseyería de Cultura, Política Llingüística y Turismu del Gobiernu asturianu fizo públiques güei, a traviés del Boletín Oficial del Principáu d’Asturies (BOPA), les bases de la convocatoria de los Premios Lliterarios en Llingua Asturiana, qu’esti añu tienen como novedaes un cambiu nes feches de presentación y l’aumentu de la dotación económica. Les obres, que na edición anterior podíen ser rexistraes hasta’l 31 de xunetu, nesta ocasión han de ser entregaes el 21 de mayu como fecha tope, al empar que la cuantía de caún de los premios sube de 5.000 a 6.000 euros.
El decanu d’estos gallardones que convoca la Dirección Xeneral de Política Llingüística ye’l Premiu Xosefa Xovellanos de Novela, qu’algama la 42 edición. Síguenlu n’antigüedá’l Premiu Xuan María Acebal de Poesía y el Premiu Máximo Fuertes Acevedo (dambos lleguen a la edición 27), el Premiu María Josefa Canellada (la de 2021 ye la decimocuarta edición) y el Premiu Alfonso Iglesias de Cómic (cumple trece años). Les persones ganadores d’estos premios l’añu anterior fueron Sidoro Villa cola novela El fervinchu, Alejandro Fernández Osorio pol poemariu Tayu, Xune Elipe col ensayu Hai una llinia trazada. Historia de la música asturiana, Vero Suari y Inaciu Galán cola obra de lliteratura moza La curuxa Catuxa y Alberto Vázquez como autor del cómic El sol na escombrera.
(more…)Convóquense los Premios Lliterarios n’asturianu del Gobiernu d’Asturies
Posted in Asturies, Lhiteratura / Lliteratura, Música, Política lhenguística / Política llingüística, tagged Alfonso Iglesias, Camaretá, Conseyería de Cultura, Conseyería de Cultura Política Llingüística y Turismu del Principáu d'Asturies, María Josefa Canellada, Máximo Fuertes Acevedo\', Nel Amaro, Xosefa Xovellanos, Xuan María Acebal on Júlio 3, 2020| Leave a Comment »
Esti martes, 16 de xunu, espublizáronse nel Boletín Oficial del Principáu d’Asturies (BOPA) la convocatoria de los premios lliterarios n’asturianu que promueve la Conseyería de Cultura, Política Llingüística y Turismu: “Xosefa Xovellanos” de novela; “Xuan María Acebal” de poesía; “María Josefa Canellada” de lliteratura infantil y xuvenil; “Máximo Fuertes Acevedo” d’ensayu y “Alfonso Iglesias” de cómic. Espublizáronse tamién, nel mesmu Boletín, el Premiu “Nel Amaro” de Teatru Profesional y el “Premiu al Meyor Cantar Camaretá”.
Estos premios, creaos pa potenciar, consolidar y arriquecer la creatividá de la llingua asturiana nel ámbitu lliterariu, teatral y musical, tienen una dotación de 5.000 euros, nel casu de los lliterarios, y de 6.000 euros nel casu de los otros dos premios.
El Principáu convoca los premios lliterarios y de teatru profesional n’asturianu y gallego-asturianu
Posted in Asturies, Lhiteratura / Lliteratura, Política lhenguística / Política llingüística, tagged Alfonso Iglesias, Conseyería d'Educación y Cultura del Principáu d'Asturies, María Josefa Canellada, Máximo Fuertes Acevedo\', Nel Amaro, Xosefa Xovellanos, Xuan María Acebal on Júnio 5, 2019| Leave a Comment »
El Boletín Oficial del Principáu d’Asturies (Bopa) publicó la convocatoria de los premios lliterarios n’asturianu que promueve la Conseyería d’Educación y Cultura. El plazu de presentación termina’l 3 de xunetu pa obres dramátiques, el 2 de setiembre na modalidá de cómic y el 16 del mesmu mes pal restu d’opciones.
Estos premios son el ‘Xosefa Xovellanos’ de novela, na so cuadraxésima edición; ‘Xuan María Acebal’ de poesía, na so vixesimoquinta edición; ‘Máximo Fuertes Acevedo’ d’ensayu, na so vixesimoquinta edición; ‘María Josefa Canellada’ de lliteratura infantil y xuvenil, na so decimosegunda edición, y ‘Alfonso Iglesias’ de cómic, na so decimoprimer edición.
Según indicó’l Principáu al traviés d’una nota de prensa “estos gallardones, que contribúin a potenciar, consolidar y arriquecer la creatividá de la llingua asturiana nel ámbitu lliterariu, aumentaron anguaño la so dotación hasta los 5.000 euros”. El plazu de presentación d’orixinales termina’l 2 de setiembre na modalidá de cómic y el 16 del mesmu mes pal restu.
Tierra alantre, la mesma fala 