Feeds:
Antradas
Comentairos

Posts Tagged ‘Alfonso Iglesias’

Rumaldo Antón Barbero de Diego, más conocíu como Ruma Barbero (Somió, Xixón, 3 de febreru de 1971), ye conocíu por mui diferentes facetes. Miembru fundador xunto al músicu y dibuxante Ígor Medio del grupu Felpeyu, ye una pieza fundamental de la música asturiana d’anguaño, na que tamién destaca por colaboraciones con otres formaciones como Los Ciquitrinos o por ser lletrista pa bandes como Tejedor, Blima, Pandereteres de Fitoria y pal proyectu “Aire”. Llicenciáu en Belles Artes pola Universidá de Salamanca, ye’l campu de la ilustración otru de los tarrenos que pisa con soltura y éxitu. Yá en 1996, fundaba xunto con otros compañeros la editorial Cactus Comics. Colaboró con revistes fundamentales como El Llapiceru o Gomeru, asina como con medios de comunicación como Les Noticies, Güei o El Comercio. Cola novela gráfica autobiográfica Manzajú algamaría en 2009 el Premiu Alfonso Iglesias de Cómic. Y en 2012 vio la lluz un ambiciosu trabayu tituláu La Chelita. El Salvador 1992 col qu’algamaría’l Premiu al Meyor Llibru n’Asturianu de 2012 que concede la Tertulia Malory. Un añu más tarde, col sellu Tierra Llibros publicaba Aguantando cachones: una selección de les historietes que fue publicando ente 2011 y 2013 nel so fanzine/dixital del mesmu nome. Y, ente medies, tampoco nun abandonó′l so trabayu como diseñador gráficu, mesmo ilustrando carátules de discos que cartelos pa compaíes de teatru, conciertos o festivales de música. Toa una referencia al falar del cómic n’Asturies qu’apocayá facía una retrospectiva de la so producción y qu’anguaño pon clases de cómic en diferentes esapcios como son la Universidá Popular de Xixón o’l centru de formación y ociu Pipo School de Ciañu. Munches razones p’afondar nesti puntu del camín creativu.

Ruma, hai unes selmanes inaugurabes nes Xornaes Internacionales del Cómic d’Avilés una esposición na que se pudo ver buena parte de la to producción. ¿Fue pa ti difícil facer esta selección? No personal, como creador, ¿apreciasti grandes cambios na evolución de la to obra o de la to forma de trabayar?
Siempre ye complicao intentar ver la obra propia dende fuera y facer una esbilla de lo que tendríes que poner n’una esposición, asina qu’escoyí les páxines que me paecíen más representatives de lo que tenía d’atrás y muncha obra de lo más reciente. Tolos que nos dedicamos a esto vemos munchos errores nes nuestres páxines vieyes, siempre ves muncha evolución col pasu los años.

(more…)

Read Full Post »

La Conseyería d’Educación, Cultura y Deporte vien de convocar los premios lliterarios en llingua asturiana pal añu 2014:

Premiu «Xosefa Xovellanos» de Novela (35.ª edición).
Premiu «Xuan M.ª Acebal» de Poesía (20.ª edición).
Premiu «Máximo Fuertes Acevedo» d’Ensayu (20.ª edición).
Premiu «María Josefa Canellada» de Lliteratura Infantil/Xuvenil (7.ª edición) y
Premiu «Alfonso Iglesias» de Cómic (6.ª edición).

ANEXU: Resolución de 2 d’abril del 2014, de la Conseyería d’Educación, Cultura y Deporte, pola que se convoquen los premios «Xosefa Xovellanos» de Novela, «Xuan M.ª Acebal» de Poesía, «Máximo Fuertes Acevedo» d’Ensayu, «María Josefa Canellada» de Lliteratura Infantil/Xuvenil y «Alfonso Iglesias» de Cómic en llingua asturiana.

(de la Dirección Xeneral de Política Llingüística, 03-06-2014)

Read Full Post »

Trabe ya tien espardíu peles llibreríes el cómic col qu’Alfonso Zapico algamara’l V Premiu «Alfonso Iglesias» de Cómic y qu’amuesa bien a les clares la calidá d’esti dibuxante y narrrador gráficu que ta poniendo al cómic asturianu y español a un altor del que había tiempu nun se facía alcordanza.

Alfonso Zapico (Blimea, 1981) estudió Artes Plástiques y Diseñu na Escuela d’Arte d’Uviéu, y trabaya como profesional gráficu dende l’añu 2006. Tien fecho ilustraciones, diseños, animaciones y campañes pa delles axencies de publicidá, editoriales y instituciones. Amás ye ilustrador de prensa en diarios asturianos (La Nueva España, Cuenca del Nalón…). N’asturianu publicó una tira cómica, Les pites de Grau, nel selmanariu Les Noticies.

(more…)

Read Full Post »

La Conseyería de Cultura presentó esti martes la 35 Selmana de lES Lletres Asturianes, que va celebrase del 2 al 11 de mayu. Nesta ocasión la selmana va xirar sobre’l cómic n’asturianu, por cuenta de la celebración del 125 aniversariu de la publicación del primeru, un cuentu popular, obra del autor Pepe Prendes, publicáu nel primer númberu de ‘La comedia gijonesa’.

Nesta edición, esplicó la conseyera Ana González en rueda prensa, van collaborar sobre 50 biblioteques asturianes que van ofrecer un descuentu del 10 por cientu nos títulos d’autores asturianos. Amás, van regalar un exemplar del cómic ‘Dibuxando un camín’, el ganchu de la conseyería col que pretenden “fomentar la llectura na llingua asturiana”. Esti cómic ye la escoyeta de cuatro obres de los ganadores del premiu ‘Alfonso Iglesias’ nes ediciones del 2009, 2011, 2012 y 2013, los autores Ruma Barbero, Isaac del Rivero, J.A. Marines y Alfonso Zapico.

(more…)

Read Full Post »

P. R. La Consejería de Educación y Cultura está preparando la documentación para solicitar al Ministerio de Educación la especialidad de asturiano, una vieja reivindicación de los profesores de la llingua que la consejera Ana González se comprometió a resolver en la actual legislatura. Asturias ya lo intentó, sin éxito, hace unos años. “Tenemos profesorado y reserva de horario, el objetivo es intentarlo e intentar convencer”, afirmó.

Doscientos cincuenta mil asturianos, según Ana González, utilizan el asturiano como lengua vehicular, una cifra que indica, en su opinión, que “no hemos conseguido todos los objetivos que nos habíamos marcado en la recuperación lingüística, porque somos un millón”.

(more…)

Read Full Post »

La selmana de les lletres va entamar esti 2 de mayu a les 19 hores nel Auditorio da Casa das Quintas d’Á Caridá con un “Homenaxe ás nosas /letras” y una “l.lectura pública institucional de textos Iliterarios en gallego-asturiano”, al mesmu tiempu que se presenta’l quintu númberu de Trabatel, la revista eonaviega de l.literatura qu’espubliza la Conseyería. L’actu d’entamu d’esta Selmana de les Lletres va cuntar tamién cola Aatuación del grupo Mestura. La Selmana incluye estrenos musicales en Xixón, Teatru pa neños, recitales de poesía en Grau, La Feria del Llibru y el Discu n’Avilés y delles otres actividaes per tola xeografía asturiana.

El llunes 5 de mayu les actividaes treslladaránse a Xixón donde a les 11.00 nel Teatru de Llaboral Ciudá de la Cultura va ufiertase teatru pa escolinos cola eepresentación de la obra Bastián y Bastiana, al cargu de Producciones Nun Tris.

(more…)

Read Full Post »

La Conseyería d’Educación, Cultura y Deporte vien de convocar los premios lliterarios en llingua asturiana pal añu 2014:

* Premiu «Xosefa Xovellanos» de Novela (35.ª edición).
* Premiu «Xuan M.ª Acebal» de Poesía (20.ª edición).
* Premiu «Máximo Fuertes Acevedo» d’Ensayu (20.ª edición).
* Premiu «María Josefa Canellada» de Lliteratura Infantil/Xuvenil (7.ª edición) y
* Premiu «Alfonso Iglesias» de Cómic (6.ª edición).

ANEXU: Resolución de 2 d’abril del 2014, de la Conseyería d’Educación, Cultura y Deporte, pola que se convoquen los premios «Xosefa Xovellanos» de novela, «Xuan M.ª Acebal» de poesía, «Máximo Fuertes Acevedo» d’ensayu, «María Josefa Canellada» de lliteratura infantil/Xuvenil y «Alfonso iglesias» de cómic en llingua asturiana.

(de la Dirección Xeneral de Política Llingüística, 16-04-2014)

Read Full Post »

Col lema Dibuxando un camín, la 35 Selmana de les Lletres va dedicar atención especial al cómic n’asturianu, coincidiendo col 125 aniversariu de la so primer manifestación: en 1889, nel númberu 1 de la revista “La Comedia Gijonesa”, el dibuxante Pepe Priendes publica un cuentu popular tituláu Un cuento viejo que resuelve en cuatro viñetes de forma secuencial y con testu n’asturianu a pie de viñeta. Esti homenaxe institucional y colectivu a les lletres va llegar a la sociedá asturiana ente’l 2 y el 11 de mayu con actos de bien diversu calter (presentaciones de llibros, llectures públiques, coloquios, certámenes escolares o conciertos musicales).

La Selmana de les Lletres Asturianes ye un eventu participativu, entamáu pola Conseyería d’Educación, Cultura y Deporte y nel que collaboren múltiples persones y instituciones, como la Xunta Xeneral del Principáu d’Asturies, la Universidá d’Uviéu o l’Aula de les Metáfores. Tamién participen de manera especial los centros educativos, los llibreros, los editores, y los mesmos escritores, protagonistes indiscutibles d’estes xornaes. Configurada como un homenaxe públicu y institucional a la lliteratura escrita en llingua asturiana y gallego-asturianu, la Selmana dedicóse n’ocasiones a escritores particulares y, n’otres, garró un calter temáticu, centrándose en xéneros lliterarios como la narrativa, la poesía o’l teatru. (more…)

Read Full Post »

M. S. MARQUÉS

La entrega de los Premios Lliterarios 2013 que otorga la Consejería de Cultura llevó ayer la lengua asturiana al Paraninfo de la Universidad de Oviedo. El propio rector Vicente Gotor utilizó el asturiano para felicitar a los galardonados: Pablo Rodríguez Medina, premio Xosefa Xovellanos de novela por la obra “Fame d`amor, determín de pasión”; Beatriz Redondo, premio Máximo Fuertes Acevedo de ensayo por “Yá cuasi nunca lo facemos por amor. Conciencies mercenaries”; Marisa López Diz, premio María Josefa Canellada de literatura infantil y juvenil por “Tatuaxes nel corazón”; Alfonso Zapico, premio Alfonso Iglesias de cómic por la obra “Cuadernos d’Ítaca” y Ricardo Candás, premio Xuan María Acebal de poesía por “Superficie del silenciu”.

Los dos últimos no estuvieron presentes por motivos laborales, ambos trabajan fuera de Asturias. En el caso de Ricardo Candás fue su madre Isabel Huerta la encargada de recoger el premio. Henrique Facuriella lo hizo en nombre de Alfonso Zapico. (more…)

Read Full Post »

ANTÓN GARCÍA

Asturies percíbese nel imaxinariu de los propios asturianos como un llugar carente de puntos cardinales. Cuando falamos del Norte tamos pensando nel Cantábricu y nes tierres anglosaxones coles que llindiamos, la mar mediante, y non nes nueses ciudaes y pueblos de xunto al agua. El Sur, pa nós, ye lo que queda más p’allá del Payares. Nun conozo asturianos que falen del este y del oeste d’Asturies, preferimos los más clásicos Oriente y Occidente pa navegar pela cartografía d’esta tierra, un llaberintu de ríos y montes pel que nos movemos tan a gusto que nun necesitamos siquiera buscar la salida.

Pero hai veces nes que la vida obliga. Cuando un asturianu emigra, los primeros meses vive col pensamientu vueltu pa la tierra, empapándose de les novedaes que trai la que lu acueye y faciendo comparances. Al cabu del tiempu, si la estancia n’otres tierres se caltién, Asturies empieza a desdibuxase ente la nublina de la desinformación (siempre choca observar l’ausencia de noticies asturianes fuera) y hai que facer un notable esfuerzu por siguir conectáu a esa realidá, por siguir al tanto. (more…)

Read Full Post »

« Newer Posts - Older Posts »