La XDLA espera que “haya voluntá de facer política llingüística”, non “política de distracción”

PABLO R. GUARDADO

La entrada de Genaro Alonso nel Executivu como conseyeru d’Educación y Cultura nun pue quedar namái nun “xestu” n’opinión de la XDLA, que demanda al Gobiernu tresversalidá na normalización del asturianu.

“El nomamientu d’un conseyeru d’Educación y Cultura sensible al asturianu nun pue ser namás un xestu y ha venir acompañáu por un Gobiernu enteru qu’asuma la visibilización y tresversalidá de la normalización, por equipos de trabayu de valir y capacidá, y pol control de contino de los grupos parllamentarios comprometíos cola oficialidá y la defensa de los derechos llingüísticos”, apunta la Xunta pola Defensa de la Llingua Asturiana (XDLA). Nesi sen, esplica que “el primer problema ye si nun hai una voluntá de facer política llingüística, sinón de facer política de distracción. Porque, si ye asina, da igual en qué nivel xerárquicu se ponga la política llingüística nin qué persona tea al frente. Será un home o una muyer de paya, un parapetu, que ta ellí p’adornar, pa facer que fai o pa facer lo que-y dexen namás, como hasta agora. Esperamos que Genaro Alonso lleve alantre’l so mandatu y pueda ser consecuente nel so llabor cola sensibilidá que tien hacia l’asturianu”.

Read Full Post »

González reclama a Méndez de Vigo la especialidá d’asturianu

La conseyera d’Educación, Cultura y Deporte pide al ministru sustitutu de José Ignacio Wert qu’incluya esti asuntu nel orde del día de la próxima Conferencia de Educación.

Nuna carta unviada güei a Íñigo Méndez de Vigo, Ana González solicita’l reconocimientu de la especialidá docente de Llingua Asturiana y Gallego-asturiano, recordando-y que se punxera en contautu col ministeriu en delles ocasiones por esta razón y que la creación de dicha especialidá ye competencia del Gobiernu estatal.

Read Full Post »

Cinco CCAA solicitan que la especialidad de llingua se debata en la próxima conferencia sectorial de educación

Las comunidades de Asturias, País Vasco, Cataluña, Andalucía y Canarias han acordado solicitar que el tema de la creación de la especialidad docente de ‘llingua’ asturiana se incluya en la próxima Conferencia Sectorial de Educación que celebre el ministerio.

Así lo ha informado la consejera de Educación y Cultura, Ana González, en la rueda de prensa para presentar la Selmana de Les Lletres.

Preguntada por este asunto ha explicado se ha reunido con representantes de estas comunidades y ha recabado su apoyo que el ministro, José Ignacio Wert, “incluya el tema de la especialidad del asturiano en un punto del orden del día en la próxima conferencia sectorial de educación”.

Read Full Post »

“Esta traducción del Quixote al asturianu lleva al llector pelos caminos del disfrute”, asegura Bello

El Real Instituto de Estudios Asturianos (RIDEA) acoyó esti martes la presentación del Quixote n’asturianu, torna fecha pol Pablo Suárez García, un momentu que los presentes calificaron d’históricu pal idioma. Les felicitaciones al d’Udrión pol resultáu final del so trabayu nun apararon enantes, mientres y depués del actu, ente elles les de Xuan Bello, que señaló qu’esti clásicu en llingua asturiana “lleva al llector pelos caminos del disfrute”.

Ediciones Laria ye la responsable de la edición de la novela más importante de la lliteratura castellana al nuesu idioma, una traducción que taba acabada nel añu 2010, dende cuando permanecía en depósitu na Academia de la Llingua Asturiana (ALLA), pero que pola falta de presupuestu de la institución académica, a lo que se sumaron los recortes continuos que sufre por parte de l’Alministración, nun pudo ver la lluz hasta agora. El resultáu final, sicasí, ye impecable: una edición cuidada a tamañu grande en dos tomos, con ilustraciones de Juan Hernaz, que sal a la lluz a un preciu de 78 euros. Too un premiu pa Suárez García y el so trabayu escelente de traducción, tal cómo reflexaron los convidaos al actu d’ayeri nel RIDEA.

Read Full Post »

Iniciativa pol Asturianu critica’l “legáu” de la conseyera Ana González “al llau de los que destruyen la llingua”

Iniciativa pol Asturianu critica’l “legáu” de la conseyera Ana González asitiándola “al llau de los que destruyen la llingua asturiana”. L’asociación amuésase convencida de que “el llabor de les persones conozse pol so legáu, lo que dexen al so pasu peles responsabilidaes qu’ocupen” y la Conseyera d’Educación y Cultura nos caberos trés años de llexislatura, la socialista Ana González, “siempres tien mui bones pallabres pa col asturianu y dende qu’entró nel so cargu fizo munches promeses (solucionar el problema del profesoráu de Llingua Asturiana, dar pasos alantre na normalización del idioma, avanzar nel procesu d’oficialización de la toponimia, etc.)”, pero “güei, cuando la llexislatura ta terminando, podemos afirmar que’l legáu de la Conseyera ye una llaceria, una riestra de pasos atrás que lleven al asturianu a una situación peor entá de la que tenía cuando ella ocupó’l so cargu en 2012”.

Iniciativa pol Asturianu asoleyó estos díes una nota na que fai balance del papel del la Conseyera d’Educación y Cultura pa cola llingua asturiana y, por exemplu, nel ámbitu educativu, atalanta que “el profesoráu sigue ensin tener normalizada la so situación. Esta foi una de les sos promeses más clares, reconocer la especialidá d’asturianu al profesoráu, agora que los sos estudios tán homologaos dafechu colos del restu d’especialidaes docentes. Siguimos esperando, mientres ella pon escuses y echa la culpa a Madrid, pero nun se presenta a los conceyos col Ministeriu d’Educación, mandando a cargos inferiores mientres ella viaxa a Nueva York”.

Read Full Post »

Homenaxe a Ramos Corrada nel Antiguu Institutu Xovellanos

L’Academia de la llingua asturiana homenaxea al profesor Ramos Corrada nel Centru de Cultura Antiguu Institutu Xovellanos.

Nesta xornada institucional l’ALLA quier homenaxear al profesor D. Miguel Ramos Corrada, vicepresidente de l’ALLA que morrió l’añu pasáu.

Nel actu va presentase’l llibru Estudios lliterarios y otros trabayos, obra que recueye’l so llabor como máximu especialista de la lliteratura asturiana.

Read Full Post »

N’Ast énte’l Día de les Lletres Asturianes: oficialidá yá!!

Un vegada más, nesta ocasión énte la cellebración del XXXV Día de les Lletres Asturianes, N’Ast torna a pidir la oficialidá pa la llingua asturiana.

Atalantamos que ye la meyor manera de garantizar los drechos llingüísticos de los asturfalantes, reconocíos dende cuantayá por organismos internacionales como la UNESCO, y que constituye’l primer pasu pa una dignificación, normalización social y caltenimientu reales de la principal seña d’identidá del Pueblu Asturianu.

Read Full Post »

La Vuelta 2014 respeta los topónimos oficiales n’eusquera y gallegu, pero non los asturianos

PABLO R. GUARDADO

Otru añu más, el pasu de La Vuelta peles carreteres asturianes nun trae consigo’l respetu a los topónimos oficiales, énte la pasividá del Gobiernu. La ronda ciclista sí utiliza nel so percorríu los nomes de llugar oficiales n’eusquera y gallegu.

Esta selmana presentábase nel Muséu de la Minería (MUMI) de L’Entregu les dos etapes que van celebrase n’Asturies nesta edición de La Vuelta, actu nel que taben presentes Ana González, conseyera d’Educación, Cultural y Deporte, y Graciano Torre, conseyeru d’Economía y Emplegu, ente otres autoridaes. Éstes son, según reza la web de la ronda qu’entama Unipublic, ‘Oviedo-Lagos de Covadonga’ (7 de setiembre) y ‘San Martín del Rey Aurelio-La Farrapona. Lago de Somiedo’ (8 de setiembre), dos finales n’altu que van decidir la ronda y que van atrayer l’atención de tol ciclismu mundial.

Read Full Post »

Cano demanda la especialidá docente y recuerda que “queda pocu tiempu yá” pal final de la llexislatura

PABLO R. GUARDADO

Ana María Cano, presidenta de l’ALLA, demandó otra vuelta la especialidá docente d’asturianu y recordó que “queda pocu tiempu yá” pal final de la llexislatura. La conseyera Ana González prometió qu’ésta sería una realidá nesti mandatu.

Sicasí, les pallabres de Cano nel pieslle oficial de la Universidá Asturiana de Branu (UABRA) nun llegaron de forma direuta a González, ausente una vegada más nun actu rellacionáu cola llingua asturiana, sinón que la presidenta de l’Academia de la Llingua Asturiana (ALLA) pidió a Ana Fueyo, direutora de Política Llingüística y representante del Gobiernu nel actu, que se lo treslladara a la conseyera d’Educación, Cultura y Deporte. Foi precisamente na UABRA del añu pasáu, en concreto na inauguración oficial en Cangas del Narcea, cuando González prometiera esta demanda vieya de l’ALLA pa esta llexislatura, pero lo cierto ye que nun se ven munchos movimientos al respeuto. Por contra, Fueyo, en conversación posterior con Asturies.com, aseguró que la conseyería taba trabayando nello.

Read Full Post »

Estudiantes protagonicen esti añu l’actu institucional de Les Lletres

Estudiantes del IES Dr. Fleming y del IES de Llanera protagonizaron esti martes l’actu institucional de la Selmana de Les Lletres na Xunta Xeneral del Principáu, que yá l’añu pasáu nun se celebró y que n’anteriores ocasiones axuntaba a altos representantes de la vida política, social y cultural de la comunidá pa recitar testos en ‘llingua’.

En llugar d’ello, esti añu l’actu consistió nuna llectura nel hemiciclu de la Xunta, na que tomaron parte estudiantes, profesores y dellos diputaos de la Xunta Xeneral. La sesión tuvo presidida pol presidente de la Xunta Xeneral, Pedro Sanjurjo González; la conseyera d’Educación, Cultura y Deporte, Ana González Rodríguez; la directora Xeneral de Política Llingüística, Ana Fueyo Llaneza; un alumnu y una alumna del IES Dr. Fleming; y un alumnu y una alumna del IES de Llanera.

Read Full Post »