Feeds:
Antradas
Comentairos

Posts Tagged ‘Ana María Cano’

PABLO R. GUARDADO

Esti llunes, al meudía, va tener llugar la presentación del prímer númberu de ‘Ciencies. Cartafueyos asturianos de ciencia y teunoloxía’. Esta espublización, de calter añal, surde col oxetu d’esparder socialmente los avances científicos y teunolóxicos.

Dirixida por Carlos Lastra, la portada d’esti primer númberu ta dedicada al campu San Francisco d’Uviéu, “el primer xardín históricu d’Asturies’. Nella tamién se destaquen los artículos ‘Patrimoniu xeolóxicu astur’, ‘Xenomes y cancer’, ‘Les llibélules d’Asturies’, ‘Los nanomateriales, una revolución teunolóxica’ y ‘Siete races, un país: l’asturcón y la cabra bermeya’. (more…)

Read Full Post »

PABLO R. GUARDADO

Ana María Cano sorrayó na inauguración de Vagamar 2011, l’actividá setembrina de L’Arribada, la necesidá de reforzar l’enseñu y normalización del asturianu p’asegurar el so futuru. La presidente de l’ALLA reclamó que se cumpla la Llei d’Usu.

L’arribada de los escritores y un pasucais, dende’l muelle al Centru de Cultura Antigüu Institutu, de la Banda de Gaites Corvera d’Asturies dio aniciu’l vienres a la primer xornada de Vagamar. L’actu d’inauguración contó cola presencia d’Ana María Cano; Carlos Rubiera, conceyal d’Educación, Cultura, Mocedá y Festexos; Xosé Nel Riesgo, direutor de la Fundación Municipal de Cultura, Educación y Universidá Popular; Alberto Álvarez Peña, presidente de l’Asociación Cultural L’Arribada; y Humberto Gonzali, coordinador de Vagamar, que llamaron a los xixoneses y a tolos asturianos a disfrutar del programa ampliu d’actividaes preparáu pola organización hasta’l domingu próximu. (more…)

Read Full Post »

L’actu de clausura de la UABRA contó cola presencia d’Alfredo Ignacio Álvarez Menéndez. El direutor xeneral de Política Llingüística ratificó’l comprisu de desarrollar la Llei d’Usu, pero refugó falar d’oficialidá.

Álvarez Menéndez foi’l representante del Gobiernu nel actu de pieslle de la Universidá Asturiana de Branu (UABRA), onde tamién tuvieron presentes Xosé Antón González Riaño, direutor de la Universidá de Branu; Ana María Cano, presidenta de l’Academia de la Llingua Asturiana (ALLA) y el popular José Luis Fontaniella, alcalde de Cangas del Narcea. Na so intervención, el direutor nuevu de Política Llingüística señaló que “vamos desarrollar la llei que ta en vigor”, como marcaba’l programa eleutoral de Foro Asturias Ciudadano (FAC). Sicasí, refugó facer declaraciones sobre desarrollar el marcu llexislativu más allá de la Llei d’Usu y algamar la oficialidá. D’igual forma, el profesor universitariu destacó la importancia de la UABRA pa consolidar y potenciar la llingua asturiana col oxetivu de que “l’idioma sía aceptáu por tolos asturianos” y amosó la so disponibilidá pa que’l so departamentu tenga bones rellaciones cola ALLA. (more…)

Read Full Post »

El Conseyu de Gobiernu d’Asturies, presidíu por Francisco Álvarez-Cascos, acordó’l miércoles 17 de xunetu’l nomamientu del profesor del la Universidá d’Uviéu Alfredo Ignacio Álvarez Menéndez como director xeneral de Política Llingüística. D’esta manera, el departamentu responsable de la normalización, promoción y protección llegal del asturianu y el gallego-asturianu va siguir teniendo’l rangu que tuvo na última llexislatura, cuando ocupó’l cargu Consuelo Vega.

Alfredo Ignacio Álvarez Menéndez nació en Xixón en 1958 y ye profesor titular de la Universidá d’Uviéu na Facultá de Filosofía y Lletres. Ye, xunto con Ana Mª Cano, Ramón d’Andrés y Xosé Lluis García Arias, autor de la Gramática de la llingua asturiana, editada en 1998 pola Academia de la Llingua Asturiana. Ente les sos publicaciones atópase tamién La lengua y la construcción ideológica del idioma, del 2011. (more…)

Read Full Post »

PABLO R. GUARDADO

L’Academia de la Llingua Asturiana (ALLA) entregó esti vienres nel nuevu llar social de la institución los premios de los concursos del 2011. Nel actu, Ana María Cano destacó la importancia que tien el teatru na normalización del idioma.

La presidenta de l’ALLA fixo estes declaraciones tres la entrega del premiu del Concursu de Teatru a Noel Canto Toimil pola obra ‘El facedor de gomeros’, autor mozu que tamién defendió la importancia d’esti xéneru “que lleva a los teatros a xente de toles condiciones sociales y edaes”. “El teatru n’asturianu, a parte de tener una calidá lliteraria alta, ye una ferramienta de primer orde pa normalizar l’asturianu. N’Asturies hai munchos grupos de teatru que faen representaciones en llingua asturiana y qu’atraen a muncha xente, concienciada o non, que disfruta cola obra, aplaude, ri o llora”, destacó Cano. Sicasí, llamentó qu’esti puxu que tien el teatru n’asturianu nun vaya acompañáu por una política llingüística afayadiza.

(more…)

Read Full Post »

La Xunta Xeneral d’Asturies, en collaboración cola Conseyería de Cultura, celebra esti miércoles, a les 13.00 hores, l’actu ‘Llectura de Testos Lliterarios n’Asturianu’, enmarcáu dientro de la XXXII ‘Selmana de Les Lletres Asturianes’, dedicada al escritor llangreanu Manuel d’Andrés Fernández ‘Manfer de la Llera’.

L’actu, que va tener llugar nel salón Europa de la Xunta Xeneral, va presentalu la presidenta del parlamentu asturianu, María Jesús Álvarez González, que va entamar tamién la llectura.

(more…)

Read Full Post »

M. S. MARQUÉS

La Academia de la Llingua Asturiana inició esta semana el traslado a su nueva sede en el monasterio de San Pelayo, en Oviedo, donde ocupará parte de las instalaciones en las que estuvo ubicado el Archivo Histórico. Por fin, después de años de espera y de reclamaciones de un lugar más amplio y digno, la institución asturiana consigue instalarse en unos locales con los que ve cumplida una vieja aspiración.

La intención de dotar a la Academia de una sede más acorde con el trabajo que desarrolla fue anunciada el pasado mes de abril por la consejera de Cultura, Mercedes Álvarez, tras la entrevista que la dirección de la Academia mantuvo con el presidente del Principado, Vicente Álvarez Areces.

(more…)

Read Full Post »

D. BARREIRO

Los premiaos nos Concursos de l’ALLA 2010 nes estayes de recoyida de material oral fixeron un llamáu “urxente” énte la posibilidá de que dientro d’unos años nun queden informantes.

El premiáu nel Concursu d’Investigación de Recoyida de Material toponímico oral, Antonio Alonso de la Torre, col trabayu ‘Toponimia de la parroquia de Caranga (Proaza)’, fecho a comuña con Francisa Iglesias Álvarez, dixo que cada vez ye más difícil topar informantes, polo que yera urxente recuperar la tradición oral asturiana, “ye un llabor prestoso, pero tamien señardoso”.

(more…)

Read Full Post »

Ana Mª Cano (Somiedu, 1950), presidenta de l’Academia de la Llingua Asturiana, fala con Asturies.com sobre’l nuevu proyeutu de la institución, el Centru de Terminoloxía Asturiana.

¿Cómo surdió la idea de TERMAST?
El Centru surde pola necesidá propia de la llingua al dir enanchándose les sos estayes d’usu. Poro, el 15 de xineru de 2009 l’Academia, Softastur y el Colexu d’Informáticos del Principáu d’Asturies roblaron un pautu pa poner en marcha TERMAST y coordinar les xeres d’ellaboración terminolóxiques venceyaes a la llingua asturiana.

(more…)

Read Full Post »

DAMIÁN BARREIRO

L’actual decanu de la Facultá de Filoloxía, Enrique del Teso, camienta que la universidá asturiana ta preparada en formación, ciencia y recursos pa que l’asturianu tea dientro de la enseñanza reglada como daqué más qu’una minor. Asina lo desplicó nel entamu de les XXVIII Xornaes Internacionales d’Estudiu de l’Academia, qu’escomenzaron ayeri nel Salón d’Actos de la Facultá de Filoloxía.

(more…)

Read Full Post »

« Newer Posts - Older Posts »