La gala del IX Premiu al Meyor Cantar va celebrase nos primeros meses de branu

Xunu o xunetu. Éses son les feches que remana la Conseyería d’Educación, Cultura y Deporte pa la celebración de la gala del IX Premiu al Meyor Cantar. Les bases de la edición d’esti añu daránse a conocer nes selmanes próximes.

La gala del Premiu al Meyor Cantar desendolcóse toos estos años nos meses de febreru y marzu, coincidiendo cola cercanía col Día Internacional de la Llingua Materna (21 de febreru), pero esti añu la fecha retrasóse nun primer momentu hasta la Selmana de les Lletres Asturianes, que da aniciu’l sábadu. Sicasí, según confirmó a Asturies.com la direutora xeneral de Política Llingüística, Ana María Fueyo, l’eventu nel que s’escueye al meyor cantar en llingua asturiana o gallego-asturiano del añu anterior va celebrase finalmente en xunu o xunetu pa nun sobrecargar d’actividaes la Selmana de les Lletres y dar la relevancia necesaria al concursu musical.

Read Full Post »

Ángeles Carbajal lleva’l Premiu Xuan María Acebal de Poesía en llingua asturiana

La ventena edición del Premiu Xuan María Acebal de Poesía n’asturianu recayó n’Ángeles Carbajal. El premiu, que concede la Conseyería de Cultura, ta dotáu con 3.000 euros.

El xuráu encargáu de valorar les once obres presentaes tuvo presidíu pola directora xeneral de Política Llingüística, Ana M.ª Fueyo Llaneza, y integráu polos escritores Pablo Texón y Sofía F. Castañón y el filólogu Luis Casteleiro Oliveros.

Read Full Post »

La II Xornada de “Llingua Asturiana y Educación” va averar les TICS a la clas d’asturianu esti xueves 13 Payares

La II Xornada de “Llingua Asturiana y Educación” va averar les TICS a la clas d’asturianu esti xueves 13 de Payares na Sala de Graos, Facultá de Formación del Profesoráu y Educación de la Universidá d’Uviéu, con un programa nel que les nueves tecnoloxíes y la so presencia na clas de primaria y secundaria van protagonizar una bona parte de les ponencies.

La xornada va entamar a les 10,00 de la mañana cola presencia de Julio Antonio González García, Vicerreutor de Profesoráu y Ordenación Académica (Universidá d’Uviéu), Inmaculada González Gómez, Primer teniente d’alcalde del Conceyu d’Uviéu, y Ana María Fueyo, direutora xeneral de Política Llingüística del Principáu d’Asturies, amás de Juan Carlos San Pedro Veledo, Decanu de la Facultá de Formación del Profesoráu y Educación y Raúl Carbajal López, Coordinador académicu de la xornada.

Read Full Post »

El Centru Asturianu de Xinebra celebra’l Día d’Asturies y el Día de Les Lletres en el esterior

El Centru Asturianu de Xinebra acueye esti sábadu los actos del Día de les Lletres Asturianes nel Esterior, entamáu dende va más d’una década pol Gobiernu del Principáu d’Asturies cola mira de promover y estender la llingua y cultura asturianes, y caltener el contactu cultural y llingüísticu colos colectivos de la emigración.

Como recuerda’l Gobiernu asturianu nuna nota de prena, va 35 años que se celebró por primer vegada n’Asturies la Selmana de les Lletres Asturianes, plantegada como un homenaxe institucional a los escritores, a les sos creaciones artístiques, a los llectores y al públicu. Al empar, en Suiza, país que foi ún de los destinos preferentes de la emigración española mientres los años sesenta, inaugurábase’l Centru Asturianu de Xinebra.

Read Full Post »

Samartín del Rei Aurelio va dedicar esti mes de setiembre al espardimientu de la so toponimia oficial nel conceyu

La Oficina de Normalización Llingüística de Samartín del Rei Aurelio, col enfotu de potenciar l’usu de la so toponimia oficial, aprobada por decretu nel añu 2008, va desendolcar a lo llargo d’esti mes de setiembre una iniciativa cola que se pretende informar a la población, l’alministración y los medios de comunicación de los nomes de los pueblos que deben usase. Pa ello durante tol mes van llevase a cabu distintes actividaes encaminaes a esi oxetivu.

La primera d’elles entama’l día 5 de setiembre coincidiendo cola Feria de Muestres y Esposiciones FEMEX que se celebra nel Parque El Florán. Ehí va poder visitase un puestu que va incluyir información rellacionada cola toponimia oficial del conceyu. Nos distintos paneles informativos van tar espuestos tolos topónimos oficiales, y va poder conocese l’orixe de dalgunos d’ellos y más información rellacionada col procesu de recuperación toponímica.

Read Full Post »

Publícase’l llibru del «IV Día de les Ciencies Asturianes»

Yá ta disponible’l llibru del IV Día de les Ciencies Asturianes, nuna edición non venal editada pola Conseyería d’Educación, Cultura y Deporte onde se recueyen les unidaes didáctiques ellaboraes pa que los centros escolares prepararen l’alcuentru col doctor Carlos López-Otín que se celebró nel Teatru de la Llaboral de Xixón el 8 de payares del añu pasáu.

Trátase del primer llibru billingüe asturianu/gallego-asturianu que publica’l Principáu d’Asturies. La obra incluye una introducción de la directora xeneral de Política Llingüística, Ana María Fueyo Llaneza, un resume de la intervención del doctor Carlos López-Otín, titulada “L’aventura molecular de la vida”, y les unidaes didáctiques “Les aventures moleculares de la vida. Un paséu pelos oríxenes de la vida pa entender munches más coses” (Primaria) y “De l’A a la Z. En llaboratoriu del Dr. López-Otín” (ESO y Bachilleratu).

Read Full Post »

Gago: “Kavafis es un moralista al estilo griego, no juzga, entiende la debilidad del hombre”

P. R.

“Kavafis es un moralista al estilo griego, no juzga, no condena, comprende la enorme debilidad del carácter humano”. Esta fue una de las múltiples definiciones que Xosé Gago, profesor de Griego de la Universitat Oberta de Cataluña, hizo ayer de la obra del poeta que nació y murió en Alejandría. Gago es el autor de la traducción a la lengua asturiana de “Los 154 poemes” de Kavafis, editada por Saltadera, que ayer se presentó en la Biblioteca Asturias, en Oviedo.

Profundo conocedor de la poesía de Kavafis – en 1989 ya publicó la antología “Veintinco poemes”-, Xosé Gagó afirmó que el poeta es muy conocido, a veces demasiado, aunque en los últimos tiempos su poesía “está reposando un poco”, lo que permite poder disfrutarla con tranquilidad”.

Read Full Post »

La llingua asturiana, en manos mozas

M. S. MARQUÉS

La entrega de los Premios Lliterarios 2013 que otorga la Consejería de Cultura llevó ayer la lengua asturiana al Paraninfo de la Universidad de Oviedo. El propio rector Vicente Gotor utilizó el asturiano para felicitar a los galardonados: Pablo Rodríguez Medina, premio Xosefa Xovellanos de novela por la obra “Fame d`amor, determín de pasión”; Beatriz Redondo, premio Máximo Fuertes Acevedo de ensayo por “Yá cuasi nunca lo facemos por amor. Conciencies mercenaries”; Marisa López Diz, premio María Josefa Canellada de literatura infantil y juvenil por “Tatuaxes nel corazón”; Alfonso Zapico, premio Alfonso Iglesias de cómic por la obra “Cuadernos d’Ítaca” y Ricardo Candás, premio Xuan María Acebal de poesía por “Superficie del silenciu”.

Los dos últimos no estuvieron presentes por motivos laborales, ambos trabajan fuera de Asturias. En el caso de Ricardo Candás fue su madre Isabel Huerta la encargada de recoger el premio. Henrique Facuriella lo hizo en nombre de Alfonso Zapico.

Read Full Post »

Alfonso Zapico gana’l premiu ‘Alfonso Iglesias’ de cómic n’asturianu, colos sos ‘Cuadernos d’Ítaca’

El dibuxante Alfonso Zapico, conocíu especialmente pola so obra ‘Dublinés’ y por ganar l’añu pasáu’ Premiu Nacional del Cómic, llevó esti miércoles el premiu ‘Alfonso Iglesias’ de Cómic n’Asturianu, concedíu pola Conseyería de Cultura.

Según informa Cultura, ente les obres presentaes, el xuráu decidió por mayoría conceder el Premiu al cómic tituláu ‘Cuadernos d’Ítaca’, destacando, como consta nel acta, *la profesionalidá que s’amuesa na obra d’acordies coles nueves tendencies europees*. La obra presentóse col seudónimu *Capricornio*. N’abriendo la plica, l’autor ganador resultó ser Alfonso Zapico Fernández.

Read Full Post »

El llunes inaugúrense los cursos de la UABRA en Cangas

El próximu llunes 29 de xunetu, a les 13:00 hores, nel Salón d’Actos de la Casa de la Cultura «Palaciu d’Omaña» de Cangas del Narcea, entamen los Cursos y les Actividaes Abiertes de la Universidá Asturiana de Branu (uabra): proyeutu lleváu a cabu gracies a la collaboración ente l’Academia de la Llingua Asturiana, la Universidá d’Uviéu y el Conceyu de Cangas del Narcea.
Nel actu intervendrán la Direutora Xeneral de Política Llingüística del Gobiernu del Principáu d’Asturies, Ana Mª Fueyo Llaneza, el Direutor de la Estaya d’Estensión Universitaria de la Universidá d’Uviéu, Leopoldo Sánchez Torre, la Presidenta de l’Academia, Ana Mª Cano González; l’Alcalde del Conceyu de Cangas del Narcea, José Luis Fontaniella Fernández y el Direutor de los Cursos, Xosé Antón González Riaño.

Read Full Post »