El Gobiernu confirma a Padilla como responsable de política llingüística

Tres l’anuncia dada por Gaspar Llamazares de que la direición xeneral de política llingüística pasaría a depender de manera direuta del conseyeru d’Eduación y Cultural –y non de la viceconseyería de Cultura como hasta agora– baxo’l nome de Direición Xeneral de Planificación Llingüística y Normalización, güei confirmóse que’l so responsable ye, como s’esperaba, Fernando Padilla Palicio. Diplomáu en Maxisteriu y Llicenciáu en Pedagoxía pola Universidá d’Uviéu, yera hasta la fecha Direutor del Colexu Públicu Escueles Blanques (Uviéu).

Padilla ye una persona sensible pa col asturianu y yá collaborara cola conseyería n’asuntos rellacionaos col idioma, llegando a ocupar el puestu de coordinador de la enseñanza de Llingua Asturiana. Va tener más competencies que la so predecesora, Ana María Fueyo, yá que la direición xeneral va contar con funciones que tienen que ver cola presencia del asturianu na educación y l’alministración, asina como nos medios de comunicación.

Read Full Post »

La UABRA abre les sos puertes

PABLO R. GUARDADO

Dende esti llunes y hasta’l 14 d’agostu más d’un centenar de persones participen nos cursos qu’entama l’Academia de la Llingua Asturiana (ALLA) en Cangas del Narcea en collaboración col Conceyu y la Universidá d’Uviéu.

Esta mañana inauguróse de manera oficial la sesta edición de la Universidá Asturiana de Branu (UABRA), actu nel que tuvo presente la direutora nueva de los cursos, la decana de la Facultá de Filosofía y Lletres María Cristina Valdés; la presidenta de l’ALLA, Ana María Cano; la direutora xeneral de Política Llingüística, Ana María Fueyo; l’alcalde del Conceyu de Cangas del Narcea, José Víctor Rodríguez; y el vicerrector d’Estensión Universitaria de la Univesidá d’Uviéu, Vicente Domínguez. El llugar escoyíu foi la Casa Cultura de Cangas del Narcea.

Read Full Post »

Los niños le dan a la llingua

LUJÁN PALACIOS

Aprenden la Llingua desde pequeños y ya son capaces de moldearla para hacer de ella una herramienta de creación. Los escolares asturianos que han participado en los concursos de la 36 Selmana de les Lletres Asturianes recibieron ayer sus premios en un acto celebrado en el colegio público Manuel Martínez Blanco.

A lo largo de varias semanas los estudiantes han puesto en marcha su imaginación para dar forma a carteles, productos audiovisuales y obras literarias, desde los tres años hasta el bachillerato, desde todos los rincones del Principado y en dos versiones: llingua asturiana y gallego- asturianu.

Read Full Post »

Cano plantega a les fuercies polítiques un procesu d’oficialización “axustáu a les necesidaes d’Asturies” nel que l’ALLA actuaría de moderador

“¿Daquién con xacíu pue dexar pasar esta oportunidá y refugar esta ufierta?” entrugóse Ana María Cano, presidenta de l’ALLA, nel actu académicu del XXXVI Día de les Lletres Asturianes depués d’ufrir a los partíos moderar un procesu d’oficialización de l’asturianu “axustáu a les necesidaes d’Asturies”. Enantes, alredor de 3.000 persones pidieron la oficialidá peles cais d’Uviéu.

La coincidencia de la xornada col entamu de la campaña eleutoral pa les Nacionales y municipales del 24 de mayu condicionó’l discursu institucional de Cano que, tres emponderar el llabor de la Xunta pola Defensa de la Llingua Asturiana (XDLA) –coleutivu que recibió un reconocimientu por parte de l’Academia de la Llingua Asturiana (ALLA)– y facer un repás al llabor académicu nestos doce meses últimos, refirióse a esta cita coles urnes como “una oportunidá pa la llingua asturiana”. “En 15 díes, el 24 de mayu, celébrense les eleiciones pa escoyer la composición de la Xunta Xeneral del Principáu y, darréu d’ello, el Gobiernu d’Asturies. Y ye equí onde se xuega’l futuru del asturianu porque, a lo cabero y práuticamente, ye’l parllamentu asturianu, y non otres instancies europees o estatales, el que decide qué facer cola llingua hestórica d’Asturies”, señaló.

Read Full Post »

González Espina: “L’autoría de los llibros infantiles nun tien la menor importancia; la historia y les imáxenes ye lo que tien que quedar na memoria”

PABLO R. GUARDADO

El VII Premiu María Xosefa Canellada de lliteratura infantil y xuvenil recayó na obra ‘Cápsules de tiempu’. El so autor ye Carlos González Espina (Belonciu, 1959), escritor que ta acabante d’espublizar ‘Falar ensin parar’.

¿Cómo recibió la noticia de que llevara esti añu’l María Xosefa Canellada?
Por una llamada d’Ana María Fueyo dende l’Ayuntamientu de Cabranes, acabante fallase’l Premiu. Prestóme munchu la noticia porque amás dase’l casu de que la casa de la mio güela ta ellí mesmu, en Santolaya, a menos de cincuenta metros onde s’aconceyó’l xuráu.

Read Full Post »

‘Crónica de la lluz y la solombra’, d’Antón García, premiu Xosefa Xovellanos

La novela titulada Crónica de la lluz y la solombra fue la escoyida pol xuráu del Premiu Xosefa Xovellanos, dotáu con 3000 euros, como la ganadora de la XXXV edición. Presentada baxo l’alcuñu Escudiella, resultó ser obra del poeta, narrador, críticu lliterariu y editor Antón García, que yá consiguiere esti galardón n’otres dos ocasiones.

El xuráu encargáu de valorar les obres, presidíu pola directora xeneral de Política Llingüística, Ana María Fueyo, y compuestu polos escritores Pablo Rodríguez Medina, ganador de la edición anterior del galardón; Vanessa Gutiérrez, Roberto González-Quevedo y Paz Fonticiella, amás del técnicu en materia llingüística Xosé Miguel Suárez Fernández, destacó “l’habilidá pa narrar el sucesu central de la historia dende múltiples puntos de vista y la maestría nel usu de rexistros llingüísticos colos que s’algama un ritmu mui llográu”.

Read Full Post »

‘L’Arume de la tierra’, d’Enrique Carballeira, gana’l Premiu Alfonso Iglesias de Cómic en llingua asturiana

L’escritor y periodista Enrique Carballeira ganó la sesta edición del Premiu Alfonso Iglesias de Cómic en Llingua Asturiana, que concede la Conseyería d’Educación, Cultura y Deporte y ta dotáu con 3.000 euros.

El xuráu encargáu de valorar les obres presentaes, formáu pol dibuxante Netu, l’escritor y guionista Chechu García y el técnicu en materia llingüístico Luis Casteleiro, reunióse güei baxo la presidencia de la directora xeneral de Política Llingüística, Ana María Fueyo.

Read Full Post »

Un ensayu de Damián Barreiro sobre la normalización de la llingua cola programación infantil, premiu Fuertes Acevedo

La vixésima edición del Premiu Máximo Fuertes Acevedo de Ensayo n’asturianu, con una dotación de 3.000 euros, recayó en Damián Barreiro Maceiras. A esti galardón, que concede la Conseyería d’Educación, Cultura y Deporte, podíen presentase obres de tema, xéneru y estructura llibre qu’axuntaren les característiques del xéneru ensayísticu, entendíu na so amplitú.

La directora xeneral de Política Llingüística, Ana María Fueyo, presidió esti miércoles la xunta del xuráu, integráu polos escritores ya investigadores Naciu Llope, Xosé Antón Suárez Ponte y Luis Casteleiro Oliveros.

Ente les obres presentaes, el xuráu decidió por unanimidá conceder el Premiu al testu tituláu ‘Caleya Sésamu: el papel de la televisión na tresmisión interxeneracional de la llingua’, presentada sol seudónimu ‘Son Goku’, al destacar “la solidez documental y la bona estructuración d’una obra qu’analiza les posibilidaes de l’animación infantil como instrumentu favorecedor de les llingües minoritaries, avanzando propuestes concretes nel ámbitu de la normalización social de la llingua asturiana”, según destaca’l fallu.

Read Full Post »

Ana María Fueyo: “Queremos lograr la dignificación de la llingua”

D. ÁLVAREZ

La Universidá Asturiana de Branu (UABRA) cerró ayer su ciclo de conferencias hablando de las políticas de dignificación de la llingua. La ponente fue la directora general de Política Lingüística del Principado, Ana María Fueyo, quien relató las medidas políticas que se están llevando a cabo en torno a la normalización, visualización y socialización del asturiano con el objetivo de “conseguir su dignificación”.

La inclusión de la llingua dentro del currículo escolar y el reconocimiento de la titulación del profesor de lengua asturiana son dos de las medidas que destacó la directora general. “Un paso importante es establecer dentro del horario escolar el aprendizaje de la llingua sin entrar en competencia con otras lenguas”, explicó. Para Ana María Fueyo, la enseñanza de la llingua tiene que ir en relación con la cultura asturiana “porque es un binomio indisoluble” y que, a su juicio, “no tiene por qué ir en detrimento de otros idiomas”.

Read Full Post »

“Una llingua será lo que la comunidá de falantes quier que sía, o sía quien a facer que sía”, espresa Basaguren

PABLO R. GUARDADO

“Europa yá fixo muncho pol asturianu” pese a la debilidá operativa de la Carta Europea de les Llingües Minoritaries, n’opinión d’Alberto López Basaguren. L’ex miembru del Comité d’Espertos pon el futuru del idioma en manes de los falantes.

López Basaguren protagonizó la X Xornada de la Fundación Caveda y Nava que tuvo llugar el sábadu na Casa Cultura Marta Portal de Nava, onde impartió la conferencia ¿Qué pue facer Europa poles llingües minoritaries? El casu asturianu’. Frente a un públicu formáu por patronos de la entidá presidida por Ramón d’Andrés –escusaron la so ausencia por motivos personales o profesionales Carmen Ruiz Tilve, cronista oficial d’Uviéu; Enrique Castro ‘Quini’, delegáu del Sporting; Pepe Monteserín, cronista oficial de Pravia; y Ana María Cano, presidenta de l’Academia de la Llingua– y xente interesao pola temática, ente ellos la diputada de Foro María del Mar García Poo, acompañada pol ex direutor de Política Llingüística Alfredo Ignacio Álvarez Menéndez, el caderalgu de Derechu Constitucional de la Euskal Herriko Unibertsitatea esplicó a los presentes qué ye la Carta Europea de Llingües Rexonales o Minoritaries y les so posibilidaes, afondando nel casu asturianu y la percepción del Comité d’Espertos sobre la situación del nuesu idioma dende’l primer informe hasta anguaño.

Read Full Post »