La XDLA decide cola familia de Solar entregar l’últimu premiu que lleva’l so nome

“Nestes décades d’historia, el premiu cumplió yá de sobra’l so papel”, considera’l coleutivu, que dedica l’últimu a tola militancia.

El XXXVIII Premiu Andrés Solar va ser el postreru. Asina lo decidió la Xunta pola Defensa de la Llingua Asturiana (XDLA) xunto cola familia del escritor de Deva.

Read Full Post »

Gonzalo G. Barreñada gana el II Premiu de Novela Curtia Andrés Solar

El xuráu del segundu «Premiu de novela curtia Andrés Solar Santurio», aconceyó’l xueves 17 de payares de 2022 nel Centru de Cultura Antiguu Institutu a les 13:45 hores, presidíu por D. Manuel Ángel Vallina Rodríguez, Conceyal Delegáu de Cultura del Conceyu de Xixón; D. Xandru Martino Ruz, filólogu y académicu de la llingua asturiana, Dña. Juncal Mónica García Velasco, Xefa del Serviciu de Planificación y conocimientu de la llingua asturiana, D. Millo Rodríguez Cueto, escritor ganador de la edición anterior y, Dña. María Xosé Rodríguez López, responsable de la Oficina de Normalización Llingüística de la FMCE y UP que fino amás de Secretaria.

De resultes del aconceyamientu y tres analizar con procuru les siete obres presentaes, el xuráu decidió por mayoría conceder el premiu a la novela «La guerra del medrosu» presentada col nomatu de «Lord Holland», que n’abriendo la plica resultó ser Gonzalo González Barreñada.

El xuráu quixo poner de manifiestu la calidá de les obres presentaes y la importante participación, lo que dio llugar a un intensu y estensu debate. El xuráu quier destacar tamién les referencies de la obra a la novela clásica europea d’aprendizaxe y crecimientu.

(de Formientu, 23-12-2022)

Read Full Post »

El ayuntamiento de Gijón convoca el premio de novela corta Andrés Solar Santurio

El Boletín Oficial del Principado de Asturias (BOPA) publica este lunes el anuncio de la Concejalía de Cultura del Ayuntamiento de Gijón por la que se convoca el premio de novela corta Andrés Solar Santurio, con la finalidad de promover la creación literaria en asturiano y, al mismo tiempo, recordar la figura del escritor gijonés Andrés Solar Santurio y «su amor por nuestra lengua asturiana y su normalización social».

Según las bases de la convocatoria, podrán optar al premio de novela corta Andrés Solar Santurio las obras inéditas escritas en asturiano que no hayan sido premiadas anteriormente en ningún otro concurso. Por otra parte, las obras deberán tener una extensión mínima de 75 páginas y una extensión máxima de 130 páginas. La cuantía del «Premiu de Novela Curtia Andrés Solar Santurio” es de 3.000 euros.

Read Full Post »

Homenaxe al poeta qu’escribió al país, Andrés Solar Santurio

LLUCÍA F. MARQUÉS

Esti domingu 26 d’avientu Andecha Astur honrará l’alcordanza del poeta asturianu Andrés Solar (1955/1984) poniendo especial enfotu na so faceta política y humana

La cita ye esti domingu a les cincu la tardi, a les puertes del Cimenteriu de Deva. Allí, Andecha Astur, homenaxeará como cada añu la so figura, resaltando’l so compromisu nacionaliegu, lleendo dalgunes de los sos poemes más conocíos y con una ufierta floral frente a la placa que la organización llantó hai años na so alcordanza a la entrada del campusantu.

Read Full Post »

El Conceyu de Xixón convoca’l Premiu de Novela Curtia Andrés Solar Santurio

La Conceyalía de Cultura de Xixón, “nel so enfotu por favorecer y promover la creación lliteraria n’asturianu, al tiempu facer alcordanza de la figura del escritor xixonés y la so querencia pola llingua de nueso y pola so normalización social”, convoca la primer edición del Premiu de Novela Curtia Andrés Solar Santurio.

Les obres habrán tener una estensión mínima de 90 y una estensión máxima de 150 páxines. El plazu de presentación d’orixinales va entamar al otru día de la publicación de les bases nel BOPA y va rematar el 26 de setiembre de 2021, Día européu de les llingües.

Read Full Post »

Homenaxe y revindicación d’Andrés Solar comu escritor comprometíu col nacionalismu asturianu

Va 36 años de la muerte d’Andrés Solar Santurio, reconocíu escritor que foi quien a dexanos na so curtia vida dalgunos de los meyores y más fondos versos de la lliteratura asturiana. Ca añu Andecha Astur entama un homenaxe a la so figura, nel que la xente que lu conociera y compartía con elli enfotos y pruyimientos lu remembren, poniendo l’acentu na persona y nel fuerte compromisu políticu d’Andrés, faceta interesadamente escaecida anguañu por munchos de los qu’allaben la so obra.

Na so intervención, Marcos A. entrugábase como pue escaecese esti compromisu na biografía d’una persona que dedicó una parte importante de la so vida a lluchar por Asturies, “Andrés yera muncho más qu’un escritor, yera un asturianu convencíu. Tamos falando d’una persona que sintetizó en cuatro versos tolo que ye la propuesta política d’un nacionalismu d’izquierdes: Prúyemos un pueblu llibre, que nome cola so voz los sos collacios ya’l pan, prúyemos un pueblu llibre y una Asturies Dixebrá”. Pero ya en vida, recalcó, Andrés Solar topare col pilancu de quienes quisieron echar abaxo la so militancia política, incómodos pola so coherencia y la claridá de la so visión nacionaliega “Lo que siempres intentó yera desplicar a los sos collacios, a la xente que vivía con él, a tolos que tenía alredor, que la única forma lóxica de vivir n’Asturies ye siendo asturianu, yera lo único intelixente, porque, si nun apostamos nosotros polo de nos, quién lo va facer? Ye la única opción que tenemos comu asturianos”.

Read Full Post »

Andecha Astur homenaxea a Andrés Solar

Esti prósimu 28 d’avientu, cola xida del so 30 cabudañu, Andecha Astur vieno acabante convocar un Actu d’Homenaxe a Andrés Solar Santurio que va densenvolvese nel cementeriu Deva, en Xixón, al empar de la Ilesia, onde dende hai años ta puesta la placa d’Andecha Astur na alcordanza del autor.

Esi llugar sedrá l’escenariu esti prósimu domingu 28 d’avientu a les 12:30 hores d’un actu n’homenaxe a Andrés Solar Santurio, hestóricu militante del nacionalismu asturianu, entamaor del Ensame Nacionalista Astur, y reconocíu escritor en llingua asturiana.

(d’Asturnews, 23-12-2014)

Read Full Post »