Posted in Asturies, Música, Uvieo, tagged Ángel Ruiz, Dixebra, Javi Tejedor, Jose Tejedor, Maxi Compán, Rubén Bada, Toño Gómez on Nobembre 9, 2018| Leave a Comment »
La banda decana del rock n’asturianu, Dixebra, va publicar d’equí a pocos díes un discu nuevu en directo. Trátase de ‘Uviéu 17-9-2017’, onde s’inclúi la grabación del conciertu que la banda avilesina ufrió na Plaza La Catedral d’Uviéu en setiembre del 2017.
Trátase d’espectáculu espresamente entamáu pal Festival Intercélticu de Lorient que Dixebra repitió na capital asturiana y nél collaboren dellos de los músicos más reconocíos del panorama musical asturianu.
Posted in Antrebistas / Entrevistes, Asturies, Avilés, Música, Uvieo, tagged Anuariu de la Música Asturiana, Ariadna Valdivié, Ángel Ruiz, Dixebra, Irene Muñiz, Javier Tejedor, Lisardo Prieto, Shalóm, Toño Gómez, Vito Álvarez, Xune Elipe on Febreiro 3, 2014| Leave a Comment »
PABLO R. GUARDADO
Nos momentos nos que l’aire sopla a la escontra, lo que toca ye siguir p’alantre. Ésa ye la filosofía de Xune Elipe (Villalegre, 1962), que faló con Asturies.com del trabayu últimu de Dixebra, ‘Tiempos modernos’, y de la situación de la música asturiana.
¿Ye ‘Tiempos modernos’ la respuesta de Dixebra a la situación que nos toca vivir anguaño?
Siempre fuimos un grupu mui apegáu a la realidá y nesta ocasión nun diba ser menos. Tol procesu de creación del discu –composición, ensayos, arreglos, grabación…– desenvolvióse nun contestu de crisis mui fondu y, lóxicamente, tuvo’l so reflexu nesti trabayu. Ye una especie de crónica de lo que ta pasando, onde’l pasáu y el presente s’entemecen; ehí tán les referencies a la Fuelgona del 62, a Mayu del 68, a la creación d’Ensidesa, a la represión franquista, pero tamién al 15M, a les movilizaciones mineres, a la represión policial actual… Trátase de conocer cómo foron les coses n’otru tiempu pa entender y, en cierta midida, dar respuesta a ésti nel que tamos. (more…)
Tierra alantre, la mesma fala 