Feeds:
Antradas
Comentairos

Posts Tagged ‘Aníbal González Rodríguez’

Poemariu esperimental y variáu, Anatomía d’un farfagón, ganador del Premiu Asturies Moza de poesía nel 2021, trata los temes eternos del ser humanu, ye dicir, la vida, la muerte, l’amor y la so falta, el pasar del tiempu y la señardá d’ello, ensin escaecer l’amor a la naturaleza. Por embargu son bien d’ellos los poemes cívicos o, como l’autor los define, políticos, nos que se reflexa la muerte d’un mundu (el de les mines) y d’una clase social (el proletariáu): por imposición el primeru, por desdexu, inorancia o descastiamientu’l segundu. Dividíu en cuatro bloques, qu’enmarquen les distintes temátiques, nun arrenuncia l’autor a la metáfora, al culturalismu o mesmo al humor, bien necesario pa quien anda per caminos de perda, pero tamién d’esperanza.

Aníbal González Rodríguez (Morea, Ayer, 1991) ye graduáu en Filosofía pola Universidá d’Uviéu. Nel 2021 empezó a colaborar na versión dixital de Formientu, revista na que publicó dalgún poema. Nel 2021 participó na organización del Día Mundial de la Poesía y recitó dellos poemes. Anatomía d’un farfagón ye’l primer poemariu qu’espubliza.

(de Formientu, 19-05-2022)

Read Full Post »

El pasáu llunes anunciáronse los premios Asturies Xoven de poesía, narrativa y testos teatrales. Güei, asoleyamos en Formientu una entrevista que-y pudimos facer a Aníbal González, ganador del premiu Asturies Xoven de poesía pola so obra Anatomía d’un farfagón, que vamos poder lleer bien pronto dientro de la colección Texu d’Ediciones Trabe.

Aníbal González Rodríguez (Morea, 1991) estudió realización audiovisual y filosofía. Escribió ensayos en castellanu, poesía en castellanu y asturianu y tamién dalgún cuentu. Participó nel concursu de microrrellatos Entaina 2021 y dellos de los sos poemes tán publicaos en Formientu Dixital

Norabona pol premiu. ¿Qué supón algamar el Premiu Asturies Xoven de Poesía?

¡Gracies! Pa min esta reconocencia supón un emburrión escomanáu pa siguir col llabor d’escritura que tantu me presta. Va ser el mio primer llibru espublizáu en papel y préstame enforma que seya n’asturianu. 

(more…)

Read Full Post »

L’asturianu torna a tar presente nos Premios Asturies Moza, nesta ocasión na estaya de poesía, al ser merecedor Aníbal González Rodríguez del gallardón por ‘Anatomía d’un farfagón’. En narrativa la ganadora foi Nuria Barranco con ‘Muerdo’, y en testos teatrales Ivana Castañón cola obra ‘Tiempos de penuria’.

Depués de que na anterior convocatoria, la del 2019 –nel 2020 nun s’entamó–, dos de los trés testos premiaos tuvieren escritos n’asturianu, la novela ‘La colomina 36’ de Nicolás Bardio y el poemariu ‘Superpoderes’ de Miguel Ángel Monteavaro, la llingua asturiana repite na estaya de poesía. Nesta ocasión ye González Rodríguez, con ‘Anatomía d’un farfagón’, mozu nacíu nel 1991 en Morea qu’estudió Realización Audiovisual y Filosofía con poesía espublizada en castellanu y asturianu y ensayos en castellanu, asina como dalgún cuentu.

(more…)

Read Full Post »