Feeds:
Antradas
Comentairos

Posts Tagged ‘Anonymous AST’

PABLO R. GUARDADO

La toponimia tradicional de Bual yá ye oficial. El Conseyu de Gobiernu dio lluz verde a l’aprobación de los topónimos del conceyu occidental y tamién a la modificación de trés nomes de llugar de Carreño por pidimientu de la Casa Conceyu.

Tres la espublización nel BOPA, la forma Bual pasa a ser la denominación única pa la población en sustitución de la forma castellana Boal. Esta decisión del Gobiernu d’Asturies, que fai cumplir la Llei de Promoción y Usu de Bable/Asturianu, ta teniendo cierta discusión al traviés de les redes sociales por ún númberu reducíu de ciudadanos, anque’l serviciu d’altavoz dau por un mediu de comunicación podría llevar al Conceyu de Bual a solicitar la denominación billingüe ‘Bual/Boal’. (more…)

Read Full Post »

VÍTOR SUÁREZ

Carauterístiques del SNL

¿Cuándo surde’l SNL de la Mancomunidá?
El SNL de la Mancomunidá d’El Cabu Peñes entamó’l so trabayu nel añu 2.004.

¿Qué funciones tien y qué actividaes vien desendolcando?
El Serviciu de Normalización Llingüística de la Mancomunidá d’El Cabu Peñes vien faciendo abondes actividaes empobinaes a algamar una plena normalización del asturianu nel nuestru ámbitu d’actuación tratando que la nuestra llingua tea presente nos sos servicios y poniendo en marcha programes empobinaos a la población y a les entidaes asociatives culturales o empresariales de los Conceyos de Carreño y Gozón asesorándolos en materia llingüística asina como de toa una riestra de subvenciones del Principáu pa toes aquelles asociaciones y/o entidaes que tengan l’enfotu de facer un usu dignu de la llingua asturiana. Ente otres de les actividaes que desarrolla tán la rotulación de los edificios que dependen del Conceyu (amás de les rotulaciones feches n’años anteriores, esti últimu añu rotuláronse edificios como: la Casa Conceyu, el polideportivu y l’espaciu pa la mocedá (en Gozón); la biblioteca, el polideportivu y la oficina técnica (en Carreño) y la piscina de la Mancomunidá, rotulación toponímica (va pal sestu añu que llevamos rotulando les distintes parroquies de los dos conceyos), traducciones (de documentos internos, bandos, folletos informativos…), collaboración con delles revistes y/o periódicos de les nuestres tierres (periódicu “El Faro”, revista “Remanecer” y “El Cuirno”), participación y collaboración en certames lliterarios (como nes ediciones del “Certame de Rellatos de la Mar de Carreño”), campañes de normalización social de la nuestra llingua (como son – por mentar dalgunes – les campañes últimes d’esti añu: campaña medioambiental, d’igualdá, d’hostelería – campaña “La sidra, d’Asturies”, campañes gastronómiques – “Xornaes gastronómiques d’iviernu: fariñón y fariñona”, campaña salvamentu: “Midíes de protección nes playes”, cursos (dende’l 2.009 collabora cola ALLA nos Cursos d’Alfabetización pa Persones Adultes en Llingua Asturiana), etc. Ente los nuevos proyectos que vamos poner en marcha ye la torna de la documentación alministrativo: fueyes pal rexistru, formularios, fueyes d’empadronamientu, llicencies, etc asina como la torna de la nueva páxina web del Conceyu de Carreño de la que tán terminando d’acabar la so versión nueva. En cuantes a la páxina web del Conceyu de Gozón, de momentu, ye un asuntu del que tamos pendientes de resolver y ver cómo poder acceder al so conteníu y asina poder, polo menos, ufiertar los conteníos fixos de la mesma n’asturianu. (more…)

Read Full Post »

DAMIÁN BARREIRO

La Xunta pola Defensa de la Llingua Asturiana (XDLA) entama una proyección y un coloquiu sobre toponimia tradicional del país. Nél va poder vese’l documental espardíu pol colectivu Anonymous Ast Parroquies de Carreño, que muestra que’l topónimu tradicional usáu polos vecinos de Quimarán ye ésti, en cuenta de la forma castellana Guimarán.

Depués va haber un coloquiu onde van participar les persones que collaboraron nesti videu: Fernando Álvarez-Balbuena, llingüista; Xosé Antón Fernández Ambás, investigador de la tradición oral; Ramsés Ilesies, investigador de la tradición oral; y Pablo Quiroga, realizador. La cita va ser el xueves 9 de xunu, a les 20.30 hores, en Conceyu Abiertu, cai La Gascona 12, baxu, n’Uviéu.

(de Les Noticies, 07-06-2011)

Read Full Post »

(d’Anonymous AST, 26-04-2011)

Read Full Post »

El colectivu Anonymous AST acaba de dar a concer un documentu audiovisual onde se demuestra d’una manera «nítida, atayante y incuestionable» que los topónimos de Carreño recoyíos pol equipu asesor y oficializada nel BOPA de 6 de mayu del 2005 son los topónimos tradicionales. Asina quieren demostrar la «falta de rigor» nes noticies espardies por «dellos elementos sociales» nel Conceyu de Carreño rellacionaes cola toponimia tradicional.

Na pieza audiovisual, de cinco minutos de duración, el colectivu muestra al traviés d’unes video-imaxes a les que tuvo accesu, el llabor de trabayu de campu realizau in situ pol profesor Álvarez-Balbuena xunta a Ramsés Ilesies Fernández y Xosé Antón Fernández Ambás ente últimos del añu 2010 y primeros del 2011.

(more…)

Read Full Post »