Feeds:
Antradas
Comentairos

Posts Tagged ‘Antón Álvarez Sevilla’

PABLO R. GUARDADO

Políticos, espertos y profesionales venceyaos cola llingua asturiana y otros idiomes, como’l gallegu y el catalán, van participar na Xunta Xeneral na Comisión sobre l’asturianu pa dar la so visión. Asturies.com ufre la llista completa.

La Comisión Especial d’Estudio sobre’l Réxime de Proteición y Promoción del Asturianu, qu’oficialimente tien el nome en castellanu y que nun emplega l’idioma pol vetu fechu pol Partido Popular (PP), busca con estes intervenciones conocer la opiniones y esperiencia d’espertos y profesionales venceyaos cola llingua asturiana y otros idiomes asemeyaos cola fin d’ellaborar una conclusión que sirva pa la redaición definitiva del Plan de Dignificiación del Asturianu. Estes intervenciones van celebrase na Xunta Xeneral nuna fecha entovía por concretar.

(more…)

Advertisements

Read Full Post »

El XVI Seminariu d’Estudios Asturianos de la Fundación Belenos que va celebrase los díes 21 y 22 de payares al rodiu de “El rei de la cubil. El gochu na cultura asturiana” ya tien programa definitivu.

El sábadu 21 ye’l día acutáu pa la presentación de ponencies, coles intervenciones, n’horariu de mañana, d’Antón Álvarez Sevilla (La castra asturcelta: el gochu’l país) y Lluis Nel Estrada Álvarez (El gochu na gastronomía asturiana d’anguaño), y n’horariu de tarde de Roberto González-Quevedo González (Aspeutos rituales, económicos ya sociales de la matanza’l gochu) y Alberto Álvarez Peña (Mitos y tradición oral al rodiu’l gochu n’Asturies). Y el día rematará col tradicional filandón, fiesta asturiana de nueite con música del país nel Café Centro.

(more…)

Read Full Post »

La Fundación Belenos vieno acabante d’asoleyar esta selmana pasada’l númberu 34 de la so revista, “Asturies, memoria encesa d’un país”, na qu’amás de les estayes habituales, como Memoria Gráfica d’Asturies, nesta ocasión firmada por Antón Álvarez Sevilla y dedicada a apurrir dellos datos ya imáxenes sobre les nueses races autóctones nun asoleyaos enantes en trabayos de so, y Cartafueyos de Belenos, la espublización recueye trabayos de munchu interés como’l firmáu por García Arias alrodiu del celtismu llingüísticu n’Asturies.

La llista d’artículos d’esti númberu 34 entámala “Averamientu a la ecoloxía de los conceyos asturianos del Altu Navia” por Fernando Montes García y síguela “Una reflexón sol celtismu llingüísticu asturianu” de Xosé Lluís García Arias, tres del que pue lleese l’artículu “Afayu d’una estela con decoración castreña n’Antrialgu (Piloña)” por mor de la investigación d’Ástur Paredes, Daniel Cueli Canto y Alberto Álvarez Peña.

(more…)

Read Full Post »

L’Academia de la Llingua Asturiana (ALLA) acaba de publicar el segundu númberu de Ciencies. Cartafueyos asturianos de Ciencia y Teunoloxía, revista dixital que tien como oxetivu esparder na sociedá los avances y investigaciones científiques y tecnolóxiques. La publicación, que ye de carácter anual, surde de la collaboración ente la institución llingüística y la Universidá d’Uviéu, al traviés del Vicerrectoráu d’Investigaciones, polo que pue accedese a la revista dende les webs de les dos entidaes.

Nesti segundu númberu, la publicación inclúi reportaxes sobre les güelgues de reptiles voladores del Xurásicu n’Asturies; l’agua soterraña, «una ayaga escondida nes peñes»; hormones vexetales; los procesos biotecnolóxicos; nanotecnoloxía, «un retu nuevu de salú llaboral»; la enerxía eólico nel nuestru país; los moluscos marinos non autóctonos na costa d’Asturies; y la Vaca Roxa (Carreñana y Casina).

ANEXU: Ciencies. Cartafueyos asturianos de Ciencia y Teunoloxía, 2.

(de Les Noticies, 13-11-2012)

Read Full Post »