Feeds:
Antradas
Comentairos

Posts Tagged ‘Antonio Virgili’

La Xunta pola Defensa de la Llingua Asturiana (XDLA) acaba d’unviar cartes, tanto al director de la RTPA, Antonio Virgili, como a la directora xeneral de Política Llingüística, Ana Fueyo Llaneza, pidiendo que nel ente públicu de comunicación, atendiendo a la so importancia como vehículu normalizador, s’usen de manera sistemática na programación los topónimos oficiales. El procesu de recuperación que ta faciendo la Xunta de Toponimia, qu’empezó nel añu 2005 y que tien como remate llegal l’aprobación en Conseyu de Gobiernu y la publicación consiguiente de los decretos d’oficialización nel Boletín Oficial del Principáu d’Asturies, queda en papel moyao porque l’Alministración autonómica y los organismos dependientes d’ella nun tán usando esa toponimia oficial. (more…)

Read Full Post »

Va unes selmanes que Les Noticies pesllaba la so actividá como diariu dixital, dempués de que va cuasi un añu acabara cola so edición en papel. Coincidiendo cola fin de la so actividá Publicaciones Ámitu estrena “Les Noticies, 15 años de periodismu n’asturianu”, un documental dirixíu por Alberto Suárez, nel que se recueyen los testimonios y opinones de personalidaes de dellos ámbitos de la sociedá civil y representantes institucionales a la manera de valoraciones sobre’l papel qu’ellos y elles creen que desendolcó Les Noticies na normalización y promoción del asturianu. (more…)

Read Full Post »

La Xunta pola Defensa de la Llingua Asturiana aseguró esti martes, nuna nota prensa que la conseyera d’Educación, Ana González, alquirió’l compromisu, nuna reunión con esta organización celebrada ayeri, a crear la especialidá docente de llingua asturiana.

Na nota prensa, la Xunta señala que la conseyera “nun quiso dexar pasar la oportunidá d’alquirir dellos compromisos dientro d’esta llexislatura como la creación de la Especialidá de Llingua Asturiana pal profesoráu de Primaria y Secundaria, lo que tien de suponer la so implantación definitiva enantes de los dos próximos cursos; o la inclusión del asturianu nel currículu d’Educación Infantil, que ta en procesu d’elaboración y aprobación”. (more…)

Read Full Post »

HENRIQUE G. FACURIELLA

Publicamos la segunda parte –y última– de la entrevista a Ana Fueyo Llaneza, directora xeneral de Política Llingüística. Nes sos respuestes amplía información que yá adelantara la conseyera d’Educación y Cultura, Ana González, na so comparecencia énte la Xunta Xeneral, en cuantes a l’usu institucional del asturianu o la renovación de la Selmana de les Lletres, amás d’otros temes relevantes como la xeneralización del usu de los topónimos oficiales o la mayor presencia del asturianu nos medios de comunicación públicos.

El procesu d’oficialización de la toponimia tradicional ta mui avanzáu pero l’usu de los topónimos oficiales tovía nun se xeneralizó, ¿qué midíes tien pensao llevar alantre, sobre manera pa qu’otres alministraciones, como la estatal, usen los nomes de llugar yá oficiales?
Ún de los temes que tengo na axenda ye convocar la Xunta Asesora de Toponimia (XAT) na primer quincena d’ochobre. Nesti momentu, hai 50 conceyos que tienen la toponimia aprobada y, de los que falten, dalgún yá entamó’l procesu. El pasu siguiente ye instar a toles instituciones pa qu’usen los nomes de llugar publicaos nel BOPA. Esto tien muncho que ver cola voluntá política, que tien costu cero o mui pequeñu. Asina, nel próximu conceyu de la XAT, vamos revisar el trabayu que se fixo hasta agora y planificar lo que queda por facer, pero tamién cómo consiguir que se xeneralice l’usu de los topónimos oficiales. Dende equí dicimos yá, a tolos medios de comunicación, tanto públicos como privaos, y a toles instituciones, que los topónimos tradicionales, nel momentu que tán nel BOPA, son oficiales y el so usu ye de cumplimientu obligáu. Amás, el trabayu de recuperación toponímica ye mui importante porque los nomes de los sitios son un legáu que nun podemos escaecer, formen parte de la nuestra cultura. Por esti motivu, al traviés del alcuerdu y evitando la confrontación, vamos facer tolo posible pa que l’usu de la toponimia oficial vaya siendo normal. (more…)

Read Full Post »

HENRIQUE G. FACURIELLA

Nesta segunda y última parte de la entrevista fecha al director xeneral de Política Llingüística, Alfredo Álvarez Menéndez, trata cuestiones como la crisis del sector editorial n’asturianu, la presencia del idioma nes escueles, la toponimia o los medios de comunicación.

El vienres 4 de mayu celébrase’l Día del Llibru Asturianu. ¿Qué midíes puen tomase pa visibilizar más los llibros n’asturianu nel mercáu?
El problema del asturianu xúntase nesti casu a la crisis de la industria del llibru. Baxen los índices de llectura y la venta de llibros. La llucha pa que’l llibru asturianu en particular tea más presente nun ye diferente de la llucha pa que l’asturianu, en xeneral, tenga más presencia social. El problema del asturianu ye que tien que ganar espacios de comunicación en tolos niveles, y la dignificación d’una llingua en retrocesu ta na llucha de contino por ganar espacios de comunicación a la llingua cola que tien que competir, que, nesti casu, ye’l castellanu. Amás, tien que ganar espacios de comunicación de manera non conflictiva porque, de facelo asina, tien toles de perder. Polo tanto, ganar espaciu nel mercáu hai que facelo pasu a pasu y teniendo claro que lo primero ye garrar prestixu. Depués d’años de subvenciones a la edición, de polítiques de regalar llibros a les escueles y les biblioteques, tán toes enllenes de llibros n’asturianu que la xente nun saca, y d’eso los bibliotecarios tienen datos. Esto significa que les subvenciones nun son abondo, hai que da-y prestixu al llibru n’asturianu y eso consíguese cola calidá de los autores, con bones obres –nun digo que nun les haya–, y que los usuarios dean valor a lo que ta escrito n’asturianu. (more…)

Read Full Post »

Xosé Lluis García Arias tuvo presente como públicu na mesa redonda sobre la TPA que se celebró na UABRA. “Nun pue sorprendenos que nun tea faciendo un llabor de normalización. Lo raro sedría que lo fixera”, aseguró sobre l’ente públicu.

Nesta mesa redonda sobre televisión y llingua asturiana na que participaron los periodistes asturianos Carlos Suari y Próspero Morán, asina como’l director de rellaciones institucionales de la RTPA, Antonio Virgili, tamién tomó la pallabra García Arias tres conocer les opiniones de los trés convidaos pola Universidá Asturiana de Branu (UABRA). L’ex presidente de l’Academia de la Llingua Asturiana (ALLA) tuvo una intervención mui celebrada pol públicu y, tres l’actu, faló con Asturies.com sobre la so visión de la RTPA. (more…)

Read Full Post »

« Newer Posts