Feeds:
Antradas
Comentairos

Posts Tagged ‘Asociación d\’Escritores d\’Asturies’

La Xunta Direutiva de l’Asociación d’Escritores d’Asturias informa de que s’amplió”l plazu pa la entrega d’obres pa los Premios de la Crítica d’Asturies y Premios de les Lletres y columna periodística que convoca la citada Asociación, hasta’l 31 d’agostu.

Los Premios de la Crítica d’Asturies, patrocinaos pola Conseyería de Cultura, Comunicación Social y Turismu del Principáu d’Asturies y por Cajastur, ñacieron a la lluz del Café Apolo, nel añu 1999, por iniciativa de Eva Carballo, Javier Lasheras, Juan Carlos García Villa, Jaime Herrero y Helios Pandiella, col enfotu de reconocer y potenciar la lliteratura realizada n’Asturies.

(more…)

Read Full Post »

Los escritores Mariano Antolín Rato (Gijón, 1943) y Roberto González-Quevedo (Palacios del Sil, León, 1953) han sido galardonados ex aequo con el Premio de Letras que concede la Asociación de Escritores de Asturias (AEA). En ambos se ha valorado “su compromiso con la tradición y con la vanguardia que, aunque diferentes y aparentemente opuestas, forman parte de la evolución de la literatura durante los últimos lustros”. Además, “ambos construyen en sus libros unos modelos culturales seguidos en mayor o menor grado por todos los escritores actuales”. El premio se entregará el próximo 26 de octubre, en un acto enmarcado en las XIII Jornadas literarias que se celebrarán en Pravia, organizadas por la citada asociación.

(de La Nueva España, 07-10-2013)

Read Full Post »

El movimiento de recuperación llingüística del asturianu tien casi cuarenta años. La selmana pasada Vital y Ramón d’Andrés, y Vicente Álvarez Menéndez, los dos últimos ex directores de Política Llíngüística del Principáu, facíen públicu una reflexón personal sobre por qué la llingua asturiana taba perdiendo puxu na nuestra sociedá. Les conclusiones que se podíen sacar ye que, amás de pola falta de polítiques afechisques que defendieran la vitalidá del asturianu, el retrocesu del billingüismu n’Asturies taba ocurriendo pola apatía de la propia sociedá asturiana ente la desapaicion de la so llingua tradicional, y la frustración de la minoría militante que nun yera a facer valir los sos argumentos nel conxuntu la población asturiana. P’afondar güei nesti alderique averámonos a tres iniciatives que tienen l’asturianu como llingua d’espresión.

Desque nel añu 74 naciera Conceyu Bable, primera de les organizaciones que reclamaron un estatus dignu pa la llingua asturiana, fueron munches les iniciatives que puxaron por revitalizar l’usu del asturianu na nuestra sociedá. Nel so escritu ‘La sociedá ante la llingua: compromisu y futuru’ los hermanos d’Andrés y Álvarez Fernández poníen el pesu de la culpa de la perda de presencia del asturianu na propia sociedá que lo tenía qu’emplegar como llingua vehicular. (more…)

Read Full Post »

DAMIÁN BARREIRO

Berta Piñán (La mio hermana ye una mofeta, premiu infantil), Pablo Rodríguez Alonso (De totalitarios a demócrates, ensayu) y Xabiero Cayarga (El sol negru de Wewelsbur, narrativa, y La ñeve del cuquiellu, poesía) foron los escritores gallardonaos colos Premios Críticos de les Lletres Asturianes, que convocó la Xunta pola Defensa de la Llingua Asturiana (XDLA). Trátase de cuatro obres que, según la organización, tienen en común una visión universal, «exemplu de cómo al traviés de lo nuestro podemos llegar a onde queramos del mundu, porque les llendes nun son llingüísitiques, sinón mentales».

Los premios, presentaos por Miguel Rodríguez Monteavaro y Llucía Menéndez, entregáronse esti 30 de payares na Galería Texu d’Uviéu y consistieron nun gallardón obra de Mónica Álvarez Viña, que creó’l diseñu artesanalmente. Los premios quieren ser el puntu de partida pa que nun futuru los escritores n’asturianu y les editoriales s’asocien y puxen por facer ente toos «daqué meyor de lo que nós, humildemente, podamos organizar». (more…)

Read Full Post »

L’escritor cangués Xabiero Cayarga algamó’l Premiu Críticu de les Lletres Asturianes, na estaya de narrativa, pola obra El sol negru de Wewelsburg que publicó Ediciones Trabe, dientro de la colección Incla interior. El xuráu que taba formáu por Eloy Antuña, Pablo Suárez y Inaciu Llope alcordó, por unanimidá, conceder el premiu a esta obra de la que descaten l’usu depuráu del llinguaxe y l’equilibriu de la so prosa.

N’El sol negru de Wewelsburg, Cayarga introduz al llector, dende la perspectiva d’un emigrante asturianu, nel contestu de les derivaciones neonazis de la clase obrera alemana, que lleven al protagonista a implicase nun grupúsculu d’activistes violentos y apoderaos de la mística ocultista al rodiu de la supuesta raza aria. (more…)

Read Full Post »

L’historiador xixonés Pablo Rodríguez Alonso algamó’l Premiu Críticu de les Lletres Asturianes na categoría d’ensayu pola obra «De totalitarios a demócrates. Franquismu, fascismu y nazismu na II Guerra Mundial al traviés del diariu xixonés Voluntad» qu’espublizara nel 2011 Zahorí Ediciones. Esta obra, que yá algamara’l XII Premiu d’ investigación y divulgación «Rosario de Acuña», estudia cómo’l diariu xixonés Voluntad, creáu en 1937 como mediu d’espresión de Falanxe, empondera’l totalitarismu nazi y fascista y, per otra parte, denuncia les democracies y les llibertaes. Sicasí, el periódicu xixonés va dir cambiando esti discursu al empar que cambia l’escenariu internacional, marcáu pola derrota d’Alemaña, Italia y Xapón na Segunda Guerra Mundial. Asina, Pablo Rodríguez Alonso fai un analís pormenorizáu del posicionamientu ideolóxicu de Voluntad ente los años 1938 y 1946 y de cómo quixeron pasar de «totalitarios» a «demócrates».

El xuráu del Premiu, formáu por Rafael R. Valdés, Antón García y Xuan Xosé Sánchez Vicente, decidió por unanimidá conceder el premiu a esta obra pola so contribución a los estudios históricos, de la que destacaron el rigor nel tratamientu de la información y el so bon facer metodolóxicu, abordando cuestiones históriques internacionales al traviés del estudiu de lo local. (more…)

Read Full Post »

El xuráu de l’Asociación d’Escritores d’Asturies (AEA), formáu polos miembros de la xunta directiva Marcelo Matos, Carmelo Fernández, Mariano Arias, David Fueyo, Ernesto Colsa y Ángel García Prieto, exerciendo Armando Murias como secretariu, decidió conceder por mayoría’l Premiu de les Lletres 2012 a la escritora asturiana Carmen Gómez Ojea, autora que tien publicáu dellos llibros n’asturianu. Amás, tamién recibieron premios los escritores Fulgencio Argüelles y Pepe Monteserín, que publicaron ún llibru caún nel nuestru idioma.

Ye de reseñar que nesta edición del 2012, l’AEA decidió dexar fuera a la lliteratura n’asturianu alegando producción escasa y motivos presupuestarios. Por mor d’esta decisión, más de 250 firmes avalaron un manifiestu nel que se pidió a l’Asociación que rectificara la so decisión. Escritores, editores, xente del mundu de la cultura y ciudadanos non vinculaos a disciplines creatives firmaron un manifiestu onde calificaron la decisión de l’Asociación d’Escritores como «un ataque a la llingua asturiana y una falta de respetu a los escritores nesti idioma». Otra manera, el poeta avilesín Carlos Suari tomó’l determín de volver el premiu de la Crítica que recibiera nel añu 2009 pol so poemariu Orbayu d’alfileres. (more…)

Read Full Post »

PABLO R. GUARDADO

La decisión de l’Asociación d’Escritores d’Asturies de retirar la categoría d’asturianu nos XIII Premios de la Crítica lleva a la XDLA a convocar, de manera esceicional, unos gallardones propios. Éstos van tener cuatro categoríes.

L’Hotel Regente d’Uviéu acoyó ayeri la entrega de los premios de l’Asociación d’Escritores d’Asturies que, como se supo nel mes d’abril, eliminaba la categoría d’asturianu que caltenía dende l’añu 2002, decisión que llevó a Carlos Suari, gallardonáu por una obra espublizada nel 2009, a devolver el premiu. El coleutivu d’escritores defende la so decisión pola “falta d’obres en llingua asturiana concurrentes a concursu, lo que pa nós nun ye más qu’una demostración d’inorancia o despreciu al bon facer de los y les escritores porque a lo llargo del 2011 publicáronse 141 obres n’asturianu, númberu bultable qu’echa embaxo cualquier argumentación sobre la escasez de producción lliteraria nel idioma autóctonu”, denuncia la Xunta pola Defensa de la Llingua Asturiana (XDLA). (more…)

Read Full Post »

Más de 250 ciudadanos y personalidaes de la cultura y roblaron un manifiestu contra l’ataque al asturianu nos XIII Premios de la Crítica. Reclamen que l’Asociación d’Escritores d’Asturies rectifique na so decisión d’arrequexar la llingua asturiana.

Según reza’l manifiestu, la decisión del coleutivu convocante de los Premios de la Crítica significa “apartar ya negar reconocimientu a una parte de la realidá asturiana. La industria editorial n’asturianu goza de prestixu tanto dentro como fora d’Asturies, y ente les voces más reconocíes ya imprescindibles del panorama lliterariu asturianu alcontramos nomes cuya carrera ta vinculada a la llingua asturiana. La lliteratura asturiana d’anguaño nun podría entendese ensin l’aportación d’estos/es escritores nin ensin la presencia de la llingua”. Tamién refuga les escuses daes pol presidente de l’Asociación d’Escritores d’Asturies, Mariano Arias Páramo, que s’escudaba na crisis y nuna supuesta baxa producción lliteraria na llingua del país pa xustificar la decisión de retirar los gallardones a los llibros n’asturianu. (more…)

Read Full Post »

El poeta avilesín Carlos Suari tomó’l determín de volver el premiu de la Crítica que recibiera nel añu 2009 pol so poemariu Orbayu d’alfileres al conocer la noticia que dio esti miércoles 25 d’abril LesNoticies.com de que l’Asociación d’Escritores d’Asturies quitara les categoríes n’asturianu de los premios que convoca anualmente. Suari pide que los miembros de l’Asociación que nun tean d’alcuerdu cola decisión anunciada manifiesten socialmente’l so malcontentu, amás d’aquellos autores, editores o llectores que se sientan agredíos pola midida. (more…)

Read Full Post »

« Newer Posts - Older Posts »