Feeds:
Antradas
Comentairos

Posts Tagged ‘Asociación de Trabayadores de Normalización Llingúística’

L’Asociación de Trabayadores de Normalización Llingüística (ATNL) comparte cola CSI y la XDLA la so esmolición pola convocatoria irregular d’una plaza de filólogu pa Política Llingüística. Recuerda que nun ye la primer vez qu’asocede.

Esti coleutivu diz tar avezáu a “denunciar anomalíes nes convocatories de places pa los Servicios de Normalización Llingüística nos conceyos, mesmo que la falta de mecanismos de control de la so actuación pol Principáu acullá de cuestiones económiques, asina como’l desinterés a la hora de buscar fórmules que garanticen la estabilidá y funcionamientu de los SNL, que nos meses últimos carecieron pieslles, non sustitución de baxes y l’aumentu de precarización nes condiciones llaborales de los y les sos trabayadores”. Siguiendo fiel a les sos demandes, l’ATNL comparte la esmolición de la Corriente Sindical d’Izquierda (CSI) y la Xunta pola Defensa de la Llingua Asturiana (XDLA) pola convocatoria pa la mencionada plaza de filólogu, cubierta dende xineru tres un procesu que los trés coleutivos califiquen d’irregular, como amuesa’l fechu de que nun s’esixera la titulación específica pal cargu, ente otros asuntos. (more…)

Read Full Post »

L’Asociación de Trabayadores de Normalización Llingüística denunció esti llunes “la situación d’irregularidá inesplicable que se ta dando nel Serviciu Normalización Llingüística del Conceyu de Llaviana”, onde, según denucia públicamente, tovía nun s’axudicó la plaza del Serviciu de Normalización, cuando tien la sovención correspondiente ingresada dende mayu. La oficina nun funciona dende xineru, y según el colectivu, habrá que devolver la cuantía sovencionada.

Nuna nota prensa, l’asociación señala que “el Conceyu de Llaviana tien el SNL peslláu dende xinero d’esti añu, cola desconsideración que conlleva hacia’l trabayu fechu ya interrumpíu y hacia la consecución de los oxetivos a cumplir. (more…)

Read Full Post »

L’Asociación de Trabayadores de Normalización Llingüística (ATNL) denuncia que’l «Conceyu de Piloña vuelve a pesllar el Serviciu de Normalización Llingüística (SNL)», lo que ye otra muestra de la «falta del compromisu de Piloña coles polítiques normalizadores».

L’asociación recuerda que nun ye la primer vez que se pieslla esti Serviciu de Normalización Llingüística dende que se creó nel añu 2009. El trabayu paró’l 31 de marzu del 2010, anque abrió otra vegada’l 12 de mayu del añu pasáu y pieslla agora otra vez, el día 11 de mayu del 2011. L’ATLN denuncia qu’esta actuación va «contra los mínimos esixibles pa un funcionamientu regular d’un SNL, que tien que facer solicitú de subvenciones, atención al públicu y programar actividaes nuna xera pa la que la continuidá ye básica». L’asociación sorraya que se torga un derechu básicu y denuncia que se recibió «una subvención pa normalizar l’asturianu y nun s’almiten escritos nesta llingua», y afirmen que «per un llau gárrense perres, pero per otru danse palos a los usuarios de la llingua asturiana».

(more…)

Read Full Post »

VÍTOR SUÁREZ

¿Qué ye un Serviciu de Normalización Llingüística? ¿Concretamente qué fai’l de Siero?
Ye un departamentu puestu a disposición de la sociedá pa trabayar nel procesu de normalización llingüística. Quier dicise que partimos d’una situación que nun ye normal, nel sen de que la llingua cola que trabayamos ta nuna posición diglósica o de desventaya. N’Asturies ye un fenómenu reciente, pero n’otres comunidaes con llingua minorizada esti tipu de servicios lleven tiempu funcionando.

A grandes rasgos podríen diferenciase dos planos: l’institucional y el social. Nel primeru, el SNL de Siero trabayó muncho’l tema de rotulación d’edificios, rótulos urbanos, impresos billingües, dellos bandos billingües, cartelería n’asturianu… Nel segundu entamáronse varies campañes dirixíes a la hostelería, al comerciu, a futures madres y padres, a les escueles… Equí tamién s’incluyiríen les traducciones y asesoramientos a persones, asociaciones, instituciones y empreses.

(more…)

Read Full Post »

L’Asociación de Trabayadores de Normalización Llingüística alvirtió güei que’l Serviciu de Normalización Llingüística del Conceyu de Piloña zarrará la so actividá’l 31 de marzu pa volver convocar la plaza de la persona responsable, cuando tien yá una sovención concedida pal so funcionamientu. El colectivu pidió que se faiga una simple renovación autonómica del contratu de l’actual encargada, en cuenta de facer otra vuelta la convocatoria, y acusó a la Dirección de Política Llingüística del Principáu de “nun tener un mínimu control y siguimientu” sobre estes situaciones.

(more…)

Read Full Post »

L’Asociación de Trabayadores de Normalización Llingúística (ANTL) d’Asturies anunció güei la denuncia de la convocatoria d’una plaza pa esti serviciu nel conceyu de Samartín del Rei Aurelio, por delles “irregularidaes”, ente les que tán la desconocencia de la baremación, l’ausencia de temariu y el carácter non apropiáu de les pruebes selectives.

Al traviés d’un comunicáu, al que tuvo accesu Europa Press, el colectivu denunció la situación y criticó’l llabor d’Ayuntamientos y Conseyería de Cultura na xestión de los Servicios de Normalización existentes.

(more…)

Read Full Post »