Feeds:
Antradas
Comentairos

Posts Tagged ‘Asociaciones encadenador y versos libres’

Esti vienres 3 de Mayu, coincidiendo col Día de les Lletres Asturianes, l’autor d’orixe mierense Humberto Gonzali ufrirá nel Centru Cultural Antiguu Institutu de Xixón un alcuentru poéticu entamáu por “Asociaciones encadenador y versos libres”. Gonzali apurrirá una visión de la so obra,q ue va dende los rellatos Anatomíes de la mañana(1995) e Histories escabroses (2002), a poemarios como Augua d’invocación (1988), Poemes en prosa (1992), Hábitat azul (1995), Ámbitu elemental (1997), Del país de la caliza (1997), Les esferes del tiempu (1998), De nueche y agua (2000), Tiempu de nós (2001) y Decenariu (2005).

Gonzali ye tamién autor de tornes d’idiomes como’l francés y el catalán al asturianu, amás de ser miembru de L’Arribada y otres iniciatives culturales. Poro, la cita col actu ye’l vienres de magar les 20:00, cola presentación d’Aurora García Rivas y la música de Daniel García de la Cuesta, na Cai Xovellanos 21 del conceyu de Xixón.

(d’Infoasturies, 29-04-2013)

Read Full Post »