Nicolás Bartolomé gana el concurso de microrrelatos en asturiano de Villaviciosa

CRISTINA CORTEç

Las celebraciones con motivo de la 39.ª Selmana de les Lletres Asturianes incluyeron ayer en Villaviciosa la entrega de premios del II Concursu de microrrelatos del Instituto Víctor García de la Concha. A la prueba concurrieron ochenta obras de los tres centros educativos maliayeses. El jurado destacó la alta calidad de los escritos.

En la categoría de Primaria venció Alba Domínguez Patallo, quedando en segundo y tercer lugar Ramón Viñes y Chaimae El Jabraoui, respectivamente. En la de Secundaria se alzaron con los cinco primeros premios Nicolás Bartolomé, Catuza Villazón, Paula Roza, Anzu Castro y Melissa Verón. Entre los progenitores el relato ganador fue el de Rubén Delgado y entre los profesores el de Darío de Dios. Todos ellos fueron ayer agasajados con regalos como libros de la Academia de la Llingua, de la asociación “Cubera” y del Ayuntamiento, entre otras cosas.

Read Full Post »

Paredes: “Hai una bona parte de la cultura que desanicia materialmente qu’a la fin nun interesa a casi naide”

PABLO R. GUARDADO

La revista ‘Asturies, memoria encesa d’un país’ cumplió venti años de vida y la Fundación Belenos celebrólo cola presentación del númberu 36. Ástur Paredes (Uviéu, 1956), miembru del Conseyu Editorial de la publicación, recuerda nesta entrevista los anicios de la mesma, los llogros algamaos nestes dos décades y los temes pendientes.

Cúmplense venti años del proyeutu de ‘Asturies, memoria encesa d’un país’. Echando una mirada atrás, ¿tán satisfechos del llabor desendolcáu?
Emprimamos a publicar la revista en 1996 pero facía yá más de 25 años qu’entamáremos col trabayu etnográficu de campu. Desque entamemos, a últimos de los 70, tener un mediu editorial nel qu’amosar los nuesos trabayos yera ún de los enfotos que más pruyíen. Agora tenémoslu.

Per otru llau, yá son 36 los númberos asoleyaos de ‘Asturies’, munchos artículos d’interés, munches collaboraciones importantes… Nesi sen tamos contentos. Sicasí, un númberu de la revista al añu, que ye lo único que somos a publicar agora por cuestiones económiques, nun ye pa tar satisfechu.

Read Full Post »

Venti años de la revista ‘Asturies, memoria encesa d’un país’

Na tarde del vienres 24 presentóse nel Club de Prensa de La Nueva España’l númberu 36 de la revista ‘Asturies, memoria encesa d’un país’, editada pola Fundación Belenos.

Yera un actu especial, yá que se cumplíen los 20 años de presentación nel mesmu llugar del númberu 1, cita que, como remembró’l presidente de la Fundación Belenos, Lisardo Lombardía, contó cola inesperada presencia del premiu nobel irlandés Seamus Heaney.

Read Full Post »

Belenos presenta “Los llavaderos del Conceyu Piloña”

La Fundación Belenos vieno acabante d’asoleyar “Los llavaderos del Conceyu Piloña”, un llibru que fai’l númberu 9 de la so coleición Cartafueyos de Belenos y del que ye autor l’etnógrafu piloñés Daniel Cueli Canto (Coya, 1978).

Cueli ye precisamente miembru de la Fundación Belenos y del Conseyu Editorial de la so revista Asturies, memoria encesa d’un país, y el so llibru ye’l resultáu d’un trabayu de trés años que lu llevó, ente otres coses, a censar tolos llavaderos d’esti conceyu del centru-oriente d’Asturies.

Read Full Post »

El celtismu llingüísticu y García Arias protagonicen el númeru 34 de la revista Asturies de la Fundación Belenos

La Fundación Belenos vieno acabante d’asoleyar esta selmana pasada’l númberu 34 de la so revista, “Asturies, memoria encesa d’un país”, na qu’amás de les estayes habituales, como Memoria Gráfica d’Asturies, nesta ocasión firmada por Antón Álvarez Sevilla y dedicada a apurrir dellos datos ya imáxenes sobre les nueses races autóctones nun asoleyaos enantes en trabayos de so, y Cartafueyos de Belenos, la espublización recueye trabayos de munchu interés como’l firmáu por García Arias alrodiu del celtismu llingüísticu n’Asturies.

La llista d’artículos d’esti númberu 34 entámala “Averamientu a la ecoloxía de los conceyos asturianos del Altu Navia” por Fernando Montes García y síguela “Una reflexón sol celtismu llingüísticu asturianu” de Xosé Lluís García Arias, tres del que pue lleese l’artículu “Afayu d’una estela con decoración castreña n’Antrialgu (Piloña)” por mor de la investigación d’Ástur Paredes, Daniel Cueli Canto y Alberto Álvarez Peña.

Read Full Post »

Belenos asoleyó’l númberu 33 de la revista ‘Asturies’

La Fundación Belenos ta acabante d’asoleyar el númberu 33 de la so revista, “Asturies, memoria encesa d’un país”, onde amás de les sos estayes fixes asoleya dellos trabayos de distintes temátiques y autores.

El númberu 33 de la revista Asturies de la Fundación Belenos ya ta asoleyada. Amás de les estayes habituales, como “Memoria Gráfica d’Asturies” (nesta ocasión dedicada a la caza del bardión asturianu), “L’Estoxu” y “Cartafueyos de Belenos”, la espublización recueye siete trabayos de tematiques estremaes y de dellos autores.

Read Full Post »

Alredor de 3.000 persones pidieron la oficialidá del asturianu nes cais d’Uviéu

A les seis menos cuartu la xente entamaba a aconceyar alredor de la Estación de la Renfe d’Uviéu y les pancartes diben abriéndose una tres otra, cola bandera d’Asturies, en primer llugar, portada pol gaiteru Llorián García. Na primer pancarta, una amuesa del mundiu cultural y social d’Asturies, colos presentadores de la TPA, Xosé Ambás y Milio’l del Nido, el gaiteru José Ángel Hevia, l’artista Astur Paredes, la cantante Anabel Santiago y Fernando Ornosa, coordinador del Conceyu Abiertu pola Oficialidá, organización convocante, ente otros.

Read Full Post »