Carballeira esplica cómo los gatos conquistaron la Tierra de manera silenciosa nel so llibru nuevu

PABLO R. GUARDADO

AsturtOOns ta acabante d’espublizar ‘Cuando los gatos conquistaron la Tierra’, llibru nel qu’Enrique Carballeira esplica lo que naide quixo contar: cómo estos seres peludos tomaron el nuesu planeta. La editorial presenta un formatu novedosu de ‘llibru+CD’ pa poder disfrutalu en dispositivos electrónicos.

“Ehí los tenemos. Conquistaron millones de cases en tol mundu. Fixéronse los dueños de los sofás, de les cocines, de los armarios, de les terraces… Viven como marqueses. Peinámoslos y acariciámoslos a toes hores. Tol día durmiento, comiendo y afayándose en cualesquier requexu…”, alerta Carballeira sobre una invasión silenciosa de la que casi naide se decató hasta la fecha.

Read Full Post »

Suelta de llibros en Corvera

La Suelta de llibros ye una actividá entamada pol Serviciu de Normalización Llingüística de Corvera, fecha en collaboración cola OIJ del Ayuntamientu Corvera y les asociaciones xuveniles corveranes Refugio 101 y Atalaya, y graciestamién a la donación desinteresada de llibros al cargu de l’Academia de la Llingua Asturiana, la Oficina de la Llingua de Xixón y de les editoriales asturianes Asturtoons, Saltadera, Suburbia y Trabe.

La Suelta de llibros busca fomentar al empar la llectura n’asturianu y el conocimientu del conceyu de Corvera. Asina les coses, ente’l 30 d’abril y el 9 de mayu, nel marcu de la Folixa del Llibru, van repartise pelos ramales del Camín de Santiagu per Corvera 75 llibros n’asturianu, ente los qu’hai dirixíos pa la reciella, pa la mocedá y pa xente más mayor; hailos d’ensayu, de poesía, de narrativa, de teatru, etc.

Read Full Post »

Iniciativa pol Asturianu convoca un concurso de micropoemas en Twitter con motivo del Día Internacional de la Poesía

Iniciativa pol Asturianu pone en marcha la primera edición del Concursu de micropoesía Cola poesía na llingua (#PoesíaLlingua) con el objetivo de celebrar el Día Internacional de la Poesía, el 21 de marzo de 2015, y al mismo tiempo difundir la lengua asturiana en las redes sociales.

En el concurso pueden participar todos los usuarios de Twitter que sigan a Iniciativa pol Asturianu @IniciativaxAst en el momento de presentar el micropoema o micropoemas en asturiano, pudiendo usar abreviaturas habituales en Twitter, cpn cuidado en el buen entendimiento y buena utilización de la lengua asturiana. Pueden usarse imágenes con textos más largos o retratos complementarios al mismo. Los textos deben publicarse en Twitter en sólo un tuit que incluya el hashtag o etiqueta #PoesíaLlingua
Pueden presentarse un máximo de 10 micropoemes por cada autor entre las 23:59 del 20 de marzo y las 23:59 del 23 de marzo de 2015. El 24 se dará anuncio del fallo del jurado y de los resultados populares.

Read Full Post »

Carballeira, Frías Conde y Fernández editen trés histories con AsturtOOns

La editorial AsturtOOns cuenta con trés novedaes nesti añu 2014. Trátense de trés prestoses histories pa neños y neñes firmaes por Enrique Carballeira, Xavier Frías Conde y Jorge Fernández con ilustraciones del primeru.

El periodista piloñés presenta ‘Una mascota pa Carola’, llibru que cuenta la historia d’un dragón que tien la mala suerte de cayer nes manes de Carola, una princesa caprichosa. Mentes, Frías Conde ye l’autor de ‘El misteriu de les coses que s’escribíen soles’, que fala d’un rapaz un poco vagu, Alberto, al que nun-y presta facer les redaiciones y cuentos que-y pide la so maestra. Un día, per arte de maxa y pa la so sorpresa, éstes principien a escribise soles.

Read Full Post »

LA XDLA va ceder un espaciu de la carpa del XXVI Conciertu pola Oficialidá a les editoriales asturianes

PABLO R. GUARDADO

Una pequeña feria del llibru va ser la novedá principal del XXVI Conciertu pola Oficialidá que va celebrase esti sábadu en Xixón. La imposibilidá de repetir nel Parque Inglés lleva a la XDLA a treslladar l’eventu a El Natahoyo.

Toles editoriales qu’espublicen n’asturianu van tar presentes nesti espaciu que va acutar la Xunta pola Defensa de la Llingua Asturiana (XDLA) nuna parte de la carpa cola intención de “dar visibilidá al llibru asturianu”, señala Carlos Pulgar, voceru de la organización cívica. Asina, de 19 a 22 hores, de manera aproximada, y aprovechando’l momentu más sele y familiar de la cita, coles actuaciones de Pop Piquiñín y Tuenda, los visitantes van poder acceder a les novedaes últimes y obres más populares d’editoriales asturianes como Seronda, VTP, Trabe, AsturtOOns o Pintar-Pintar, ente otres. Yá de nueche, esi espaciu va ser aprovecháu pola organización pa servir una cena a los músicos que, como ye vezu, participen de manera desinteresada na cita.

Read Full Post »

Samartín celebra la Selmana de les Lletres dende’l llunes

La Conceyalía de Cultura de Samartín del Rei Aurelio, a traviés de la so Oficina de Normalización Llingüística entama esti añu distintes actividaes pa celebrar la XXXV edición de la Selmana de les Lletres Asturianes, y failo con un programa que se va desendolcar a partir del llunes 5 de mayu y que ya se vien anunciando col cartelu de la semeya cuntando cola collaboración d’editoriales como Asturtoons nes actividaes destinaes a centros educativos del conceyu.

Los actos entamen esi llunes 5 de mayu cola inauguración de la esposición “Asturtoons y les Lletres Asturianes”, una muestra na que se va facer un repasu pela trayeutoria d’esta editorial dedicada a la lliteratura infantil. La esposición va tar abierta al públicu hasta’l día 23 de mayu n’horariu de 9 a 13 h. de llunes a vienres.

Read Full Post »

Enrique Carballeira presenta su nuevo libro ‘Una mascota pa Carola’

R. O.

El periodista y escritor piloñés, colaborador de El Comercio, Enrique Carballeira, vuelve a las librerías estos días con un nuevo título destinado a los más pequeños y publicado en llingua asturiana.

‘Una mascota pa Carola’ es el título de este libro, publicado con la editorial piloñesa, Asturtoons. En el volumen se narra, siempre en un entrañable tono de humor, las desventuras de un pobre dragón que resulta víctima de un secuestro a cargo de la hija del Rey, Carola.

Read Full Post »

CincoXCinco= Inaciu Galán

Inaciu Galán y González (Xixón, 1986) ye Máster en Sociedá de la Información y el Conocimientu na Universitat Oberta de Catalunya (UOC), Diplomáu en Turismu y Especialista en Xestión Cultural pola Universidá d’Uviéu, y anguaño ta rematando los estudios de Periodismu na Universidá a Distancia de Madrid (UDIMA). Comprometíu cola defensa de la llingua asturiana, en 2012 fue reconocíu col Premiu Urogallo del Centru Asturianu de Madrid. Ente los sos munchos proyectos, destaquen, en 2004, l’impulsu dende Xareos! Xestión Cultural, y xunto a Benxa Pérez, la modernización del monólogu asturianu, organizando eventos relacionaos con esti xéneru y publicando en 2008 la primer Antoloxía de monólogu modernu ¡Pa echar unes rises!, con testos propios y d’otros autores, que preparó y prologó pa Ediciones Trabe. En 2011 asoleyó un nuevu volume tituláu Más monólogos… ¡Pa echar unes rises!, con testos de nuevos autores. Como articulista, escritor y traductor tien colaborao n’estremaes publicaciones; algamao diferentes premios en distintos xéneros, y tien feches y espublizaes en delles revistes tornes al asturianu d’obres en gallegu, castellán, catalán, inglés o francés, ente otres llingües. Y precisamente una revista, Formientu, ye ún de los sos trabayos más ambiciosos, col que lleva años dando voz a los escritores más nuevos de la lliteratura asturiana. Recién presentáu un númberu nuevu d’esta publicación, publicaba tamién per primer nel campu de la lliteratura infantil de la mano de la editorial Asturtoons. Un volume que cuenta con actividaes didáctiques y que se titula Nel, el coríu que nun sabía nalar.

1. Proponga un menú lliterariu: entrada, platu principal y postre.
P’abrir boca, unos haikus de Faraguyas, d’Esther García López, como platu principal una novela cualquiera de Dolfo Camilo Díaz y de postre, un llibru pa echar unes rises, Diálogu de la llingua o los gochos llinguateros de Milio Rodríguez Cueto.

Read Full Post »

Enrique Carballeira & Asturtoons: “Los adultos seríen muncho más felices si s’allegasen a la lliteratura infantil”

Defende Enrique Carballeira (L’Infiestu, 1970), responsable de la Editorial Asturtoons, que si los adultos s’averaren más a la lliteratura infantil y xuvenil diben a ser muncho más felices. Y nun ta faltu de razón. Preba d’ello ye l’éxitu que tien ente los mayores, por exemplu, el cine d’animación con hestories en principiu dirixíes al públicu más pequeñu.

Ilustrador, narrador y editor, ponía en marcha a finales del añu 2005 esti proyectu especializáu en llibros infantiles en llingua asturiana, estrenándose con trés obres: Los viaxes de Kiki, d’Ana Belén Iglesias, Menudu elementu, de Miguel Rojo, y Ana y los animales, del propiu Carballeira que, a la vez, ocúpase de la parte gráfica de toles obres. D’entós p’acó son munchos los títulos que foron conformando’l ricu catálogu d’esti estudiu nacíu en Piloña, qu’amás dio’l pasu tempranamente a la venta de llibros en formatu ellectrónicu y a l’animación. Por eso, aprovechando la salida del volume El dia de los charcos, aprovechamos pa falar col so autor, mesmo de la lliteratura infantil que de les posibilidaes qu’ésta ufierta a la llingua asturiana na formación de los falantes más nuevos.

Read Full Post »

Xavier Frías Conde y Enrique Carballeira presenten llibru nun colexu de Grau

Editorial Asturtoons presentará esti xueves, 2 de mayu, nel colexu Públicu Bernardo Gurdiel de Grau el nuevu llibru en llingua asturiana, de Xavier Frías Conde, tituláu Mio ma ye un dragón coloráu. L’actividá cuntará cola participación de los neños de quintu y sestu cursu del tercer ciclu de primaria y entamará a les doce y media del mediudía. Nel actu tamién participará l’ilustrador del llibru, Enrique Carballeira.

Autor y ilustrador falarán colos neños del colexu, firmarán exemplares y presentarán esti nuevu volume de 32 páxines ilustráu a color. Mio ma ye un dragón coloráu ye una hestoria onde nun falta la intriga -y sobre too muchos sacos d’humor- qu’enllenen les páxines y determinen les situaciones nes que participen los sos protagonistes. ¿Y si descubrieses un día que to madre ye un dragón coloráu?¿Qué pasaría?

(d’Asturnews, 01-05-2013)

Read Full Post »