Feeds:
Antradas
Comentairos

Posts Tagged ‘Atenéu de Turón’

El Serviciu de Normalización Llingüística, en collaboración cola Biblioteca “Vital Aza” de Mieres del Camín y la Biblioteca P.M. Atenéu de Turón, va entamar un nuevu cursu del ciclu “Alcuentros con autores” (Club de Llectura n’asturianu). Consistirá na entrega mensual d’un llibru d’un autor o autora n’asturianu y l’alcuentru lliterariu colos mesmos al fin de mes.

Ábrese’l plazu d’inscripción a lo llargo del mes de setiembre, confirmándose l’aniciu nel mes d’ochobre, desarrollándose na Biblioteca P. M. Atenéu de Turón y na Biblioteca “Vital Aza” de Mieres del Camín. Esti añu ufiértase como novedá la creación del Club de llectura n’asturianu na Biblioteca “Vital Aza” de Mieres del Camín, contando cola esperiencia y bona acoyida del ciclu “Alcuentru con autores” que, dende va años, vien desarrollándose nel Atenéu de Turón, diversificando l’actividá pa que se puea disfrutar d’ella en diferentes llugares del conceyu.

(more…)

Read Full Post »

Esti xueves el prestixosu poeta asturianu tará presentando “Cuadernu de rayes” nel Atenéu de Turón.

Dientro de l’actividá “Alcuentros col autor”, l’Atenéu de Turón ufierta esti xueves la presentación de la cabera obra de Miguel Allende, ún de los poetes más prestixosos en llingua asturiana. Dichu trabayu ye “Cuadernu de rayes”, la so primer obra narrativa formada por un conxuntu de rellatos nos que tamui presente´l fondu de la Guerra Civil, y nos que s´entemeza l’anécdota , la memoria hestórica, lo lliterario y lo fantástico. La cita sedrá de magar les 19:00 hores.

(d’Infoasturies, 24-09-2013)

Read Full Post »

Mañana, xueves 30 d’ochobre, a les 19:30 hores, l’Atenéu de Turón va acoyer un alcuentru col narrador asturianu Xosé Nel Riesgo. Una actividá que va repitise nos próximos meses cola presencia d’otros autores como Xandru Fernández o Antón García.

Xosé Nel Riesgo ñació n’Avilés nel añu 1963 y ye Llicenciáu en Xeografía pola Universidá d’Uviéu y Máster Superior en Desenrrollu Llocal. Ye autor de noveles como “El cai nunca duerme” (ALLA,1989), “Parque Temáticu” (Trabe,2005) y “Escrito na ceniza” (ALLA, 2007). Amás d’autor d’una montonera de rellatos, qu’axuntó en 1997 Editora del Norte.

(d’Asturnews, 29-10-2008)

Read Full Post »