Feeds:
Antradas
Comentairos

Posts Tagged ‘Atenéu Obreru de Xixón’

Con motivo del 20º aniversario de la apertura a la firma de la Convención de Asturias de Bioética en 1997, la Sociedad Internacional de Bioética (SIBI), con la cooperación del Centro de Profesorado y Recursos de Gijón-Oriente, organiza este concurso de redacción centrado en diferentes aspectos del desarrollo histórico de dicho convenio.

En la presente convocatoria colaboran, asimismo, las siguientes entidades: Fundación Foro Jovellanos del Principado de Asturias (FFJPA), Ateneo Jovellanos de Gijón (AJ), Ateneo Obrero de Gijón (AO), Academia de la Llingua Asturiana (ALLA), Ayuntamiento de Gijón y la Universidad de Oviedo.

(more…)

Read Full Post »

‘La nuesa llingua y les tierres al sur’ ye’l nome de la conferencia mensual d’Ástura en collaboración col Atenéu Obreru de Xixón. Va encargase de ponela’l doctor en Filoloxía Románica pola Universidá d’Uviéu y primer presidente de l’ALLA, Xosé Lluis Garcia Arias.

La siempre interesante charra sobre cultura asturiana qu’Ástura entama’l tercer martes de cada mes va centrase nesta ocasión nel terrén llingüísticu y va empezar a les 20 hores. Asina, García Arias “encamentará la conveniencia de dir llogrando una conciencia cultural y llingüística nes tierres que foron pertenencia de los pueblos ástures (Asturies, Lleón, noroccidente de Zamora y Miranda de l Douro) qu’entá conserven güei, en dalguna midida, la vieya llingua romance común”, espliquen dende l’asociación cultural.

(more…)

Read Full Post »

Entama la collaboración ente Ástura y l’Atenéu Obreru de Xixón, col enfotu de sofitar la nuesa cultura asturiana y desendolcando diverses actividaes culturales nos prósimos meses.

Nesta primera vegada, el próximu martes, 18 de xunu, a les 19:30h., nel llocal social de l’Atenéu Obreru de Xixón (Cai Covadonga, 7 – 1o Izda.), celebraráse la presentación de les siguientes llibros y discos d’autores llioneses:

– Sentir, y nun sentir sentire, obra teatral del músicu y escritor Fran Allegre.
– Nel briezu, discu d’añaes tradicionales llioneses del mesmu autor.
– Mitoloxía popular del reinu de Ḷḷión, de Nicolás Bartolomé Pérez que cuenta con ilustraciones del dibuxante y etnógrafu Alberto Álvarez Peña. (more…)

Read Full Post »

INACIU GALÁN

Ye unu de los poetes meyor valoraos de la lliteratura asturiana contemporánea, pero la so obra más conocida ye la dedicada al estudiu de les nueses lletres, y por supuestu la fundación y dirección de la revista lliteraria de l’Academia de la Llingua Asturiana, institución de la que ye miembru, que punxo en marcha en 1990 y acaba de llegar al númberu 29. Amás, cola editorial Impronta acaba d’asoleyar un nuevu poemariu “La bona intención”, que sal al mercáu n’edición billingüe castellán-asturianu. Con esta xida falamos con él d’ello y d’otres cuestiones.

Acaba de llevar a les llibreríes “La bona intención” que la editorial califica como “una sutil aventura instrospectiva”, ¿ye un poemariu más personal de lo habitual?
Quiciabes, viendo’l resultáu, sí. De toles formes yá sabemos la distancia qu’hai ente’l referente ya’l testu final. En dellos casos paez cierto que nel procesu d’escritura s’afita más la fábula hestórica. Pero lo central ye siempres l’esmolecimientu pol axuste, la tresparencia, la música propia de les pallabres necesaries. Nesa tensión o llucha, pienso, muéstrase l’auténtica rellación personal. (more…)

Read Full Post »

ANTÓN GARCÍA

Lleer la Obra completa n’asturianu de Nené Losada ye volver atrás nel tiempu y revivir el momentu nel que diba descubriendo cadún d’estos poemes, dende aquelles primeres coples que publicara na antoloxía de la Gran Enciclopedia Asturiana (1977), y les de l’Antología lírica valdesana (1974). A partir d’entós fueron llegando pasín a pasu los llibros. L’inicial y irrepetible Cantares valdesanos (1992) ye una síntesis de tradición cultural (poemes a la manera de les coples vaqueres) y d’análisis social contemporaniu. Consuelo Vega, nel prólogu, sitúa a la poeta nel momentu históricu que-y correspuende como pieza clave de la poesía de posguerra. L’últimu llibru, la edición en 2004 de la Obra poética en castellano, lleva un cd onde queden recoyíos poemes que recita l’autora, n’asturianu y n’español, grabaos nuna memorable sesión na yá desaparecida Radio Vetusta d’Uviéu.

Ente estes dos ediciones publicó otros tres llibros. Entre apigarzos (1997) supuso una verdadera sorpresa poética, porque Nené Losada abandona nél lo que podíamos llamar «poesía obxetiva» anterior, más descriptiva, na que s’ocupa de contar momentos de la vida del ser humanu dende una perspectiva costumista, anque nun faltara nin lo lírico, nin l’humor, nin l’agudeza. Por contra, Entre apigarzos ye un llibru subxetivu; abandona aquella tradición en busca d’una poesía sintetizadora, intuitiva, na que’l yo se manifieste abiertamente en tonu confidencial, cercanu. Podíamos dicir que la sutileza lírica, la mirada femenina y la contención expresiva van ser les exes peles que se mueve esti llibru, el más destacáu d’ente los de la so xeneración. En 2001 publica El nome de las cousas, onde atropa poemes siguidores d’esti anterior, pero nel que tamién regresa a la poesía explicativa. En 2004 l’Atenéu Obreru de Xixón edita una antoloxía de la so obra, Fueyas que reverdecen. (more…)

Read Full Post »