Ostana Prize 2023 recognises Tamajeq, Basque, Asturian, Arpitan, Corsican, Gaelic writers

The 15th edition of the Ostana Prize will recognise in a month’s time eight writers, singers, and filmmakers who stand out in the defence, cultivation and promotion of the Basque, Asturian, Arpitan, Corsican and Scottish Gaelic languages, in addition to Tamajeq, a Tuareg language that will be awarded through Hawad’s work, who will receive the 2023 Special Prize.

Hawad is a Tuareg poet and visual artist from Niger’s Aïr Massif. Ostana Prize organizers award him for his “commitment and determination in promoting the use of the Tamajeq language and its [Tifinagh] alphabet.” His “original artistic production,” which includes a creation of his own —the so-called furigraphy— “has made his culture resonate beyond its borders”, especially in Occitania, where he lives.

Read Full Post »

Iniciativa pol Asturianu dedica’l tercer seminariu de la oficialidá a los modelos de normalización y a la tresmisión xeneracional

Iniciativa pol Asturianu dio a conocer el programa completu del III Seminariu “Oficialidá, el camín constitucional de futuru pal asturianu” que se va desendolcar el vienres 21 y sabadu 22 d’abril nel Aula Magna del Edificiu Hestóricu de la Universidá d’Uviéu.

Dientro del III Seminariu que va inaugurar Ignacio Villaverde, rector de la Universidá d’Uviéu, van desarrollase diferentes ponencies y alderiques pa conocer la situación del idioma y les opciones d’oficialidá. L’alcuentru va entamar con una ponencia del abogáu Nicolás Bartolomé baxo’l título ‘Los modelos d’oficialidá de les llingües d’España. Opciones pal consensu constitucional’.

Read Full Post »

La Biblioteca d’Asturies estrena’l ciclu Palabra viva dientro de la so programación d’actividaes p’adultos

La Biblioteca d’Asturies Ramón Pérez de Ayala aumenta la so programación d’actividaes p’adultos cola puesta en marcha de la primer edición del ciclu Palabra viva. Alcuentros na Biblioteca d’Asturies. Estos alcuentros, que nacen coles mires de dinamizar l’intercambiu cultural, van proponer un percorríu polos distintos xéneros de la lliteratura creada por autores asturianos, tanto en castellán como n’asturianu.

La primer sesión de Palabra viva va celebrase’l próximu miércoles, día 29, a partir de les 19:30 hores, nel salón d’actos de la biblioteca y va axuntar a los poetes Pedro Menéndez, Natalia Menéndez y Nacho González. La entrada va ser llibre pa tol públicu interesáu.

Read Full Post »

Reflexu y Guah.es Terribles entamen un aquelarre lliterariu

Les asociaciones culturales Reflexu y Guah.es Terribles entamen esti domingu 19 de marzu, en sesión vermú, un aquelarre lliterariu nel que van tar delles muyeres asturianes recitando y lleendo los sos testos.

L’eventu, nel que collaboren Cuatro Gotes Producciones y La Llocura Llibrería-Café, va entamar a les 12:30 en la llibrería mencionada (Cai Aller, 1). Ellí, van pasar pel micru Ánxela Gómez d’Ávila, Solinca Turbón, Laura Marcos, Blanca Fernández Quintana, Alba Llaneza y Patricia Suárez.

(de Formientu, 14-03-2023)

Read Full Post »

Nicolás Bardio: «En Radagast apostamos por facer llibros que llea la xente»

Nicolás Bardio (Uviéu, 1987) ye escritor y narrador asturianu. Autor de les noveles Sol Reló (Trabe, 2008), Onde ensamen les abeyes (Suburbia, 2011), La Colomina 36 (Trabe, 2020) cola que ganó’l Premiu Asturias Joven de Narrativa, y Del llau del nigromante (Radagast, 2021).

Ye tamién el promotor Depués d’Ochobre, el xuegu de rol n’asturianu, ucronía ambientada na República Obrera y Campesina d’Asturies llueu de que triunfare la Revolución d’Ochobre de 1934 y Asturies pasare a formar parte de la Unión Soviética.

Dende l’añu 2018 dirixe Ediciones Radagast, onde edita obres lliteraries de fantasía y ciencia ficción. Con él falamos de la trayectoria d’esta editorial que va garrando puxu nel panorama lliterariu asturianu.

¿En qué momentu surde la idea de fundar una editorial especializada en fantasía y ciencia ficción n’Asturies y principalmente n’asturianu?

Pos la verdá ye que dalgo que surde a últimos de 2019 col éxitu que tuvimos con Depués d’Ochobre. Eso fixo posible disponer de perres coles que poder montar la editorial, apostar polos primeros llibros que sacamos y facer frente a tolos trámites necesarios, que nun son pocos.

Read Full Post »

Rafa R. Valdés: «La traducción nun ye ferramienta d’aisllamientu sinón de diálogu con otros pueblos»

Rafael Rodríguez Valdes (Uviéu, 1978) ye historiador y director de la colección de torna «Calume», d’Ediciones Trabe. Tien publicao «Discursos llingüísticos y movimientu obreru na Asturies decimonónica» (Trabe, 2009) y «Llingua asturiana y movimientu obreru (1899-1937)» (Atenéu Obreru de Xixón).

Güei en Formientu falamos con él de la so trayectoria dirixiendo un llabor importante pa la lliteratura n’asturianu, la colección Calume.

¿Por qué se dio’l títulu de Calume a la colección de tornes?

El calume ye’l caláu de la mar y esi significáu y conteníu de fondura quier treslladase a esta colección dedicada a la traducción que publica Ediciones Trabe. Fondura estética y lliteraria, fondura pa lo que fai a la diversidá y a la pluralidá de los títulos, de los xéneros, de les temátiques y de los y les traductores que faigan parte de la colección, fondura pa lo que fai al trabayu de traducción, corrección y edición de les obres, fondura porque’l camín que tenemos per delantre ye lentu y llargu.

Read Full Post »

Trabe publica ‘No que cinca a los seres de lleenda’, novela ganadora del Premiu Enriqueta González Rubín

Ediciones Trabe publicó la novela ‘No que cinca los seres de lleenda’, obra de Blanca Fernández Quintana cola qu’algamó’l Premiu Enriqueta González Rubín de Narrativa Moza que convocó la Conseyería de Cultura, Política Llingüística y Turismu la primer vez nel añu 2021.

El cantar Chalaneru, que fala d’una xana que llora na fonte La Nalona, ye’l ñuedu d’esta novela de fantasía, tradicional, clásica y moderna al tiempu. Asina, la mitoloxía asturiana y les lleendes que la sustenten y la tresmiten de xeneración trescala l’argumentu de la obra.

Read Full Post »

“Vamos trabayar pa que’l máximu de partíos lleven la oficialidá nel programa eleutoral y de manera clara”, avanza Llera

PABLO R. GUARDADO 

El sábadu celebróse nel salón d’actos del Conseyu de la Mocedá de Xixón el IV Congresu y Xunta Xeneral d’Iniciativa pol Asturianu. Iván Llera, presidente del coleutivu dende’l 2019, presentóse a la reeleición, algamando’l sofitu de les socies y socios, p’afrontar con una xunta direutiva anovada y paritaria 3 años más nos que la reforma del Estatutu y la oficialidá van tornar a ocupar l’axenda política.

“El principal oxetivu que nos marcamos pa esti tiempu son les eleiciones muncipales y autonómiques. Vamos trabayar pa que’l máximu de partíu lleven la oficialidá nos sos programes electorales, y de manera clara, pa consiguir esa mayoría necesaria pa poder reformar l’Estatutu d’Autonomía”, asegura’l periodista xixonés, que relevara nel cargu a Inaciu Galán, primer presidente d’Iniciativa pol Asturianu, que va siguir na xunta direutiva como vocal.

Read Full Post »

Blanca Fernández Quintana gana’l Premiu «María Josefa Canellada» de Lliteratura Infantil y Xuvenil con El cartafueyu d’Alquimia

Blanca Fernández Quintana (Bimenes, 1994) ye la ganadora del XV Premiu «María Josefa Canellada» de Lliteratura Infantil y Xuvenil n’asturianu, que promueve la Conseyería de Cultura, Política Llingüística y Turismu. La so novela El cartafueyu d’Alquimia foi reconocida pol xuráu del gallardón pol so «destacable retratu de los personaxes y la evolución que siguen a lo llargo de la obra».

La obra ganadora ye una novela p’adolescentes que trata con aciertu les rellaciones familiares de dos hermanos que nun conocen quién foi so madre. El Premiu «María Josefa Canellada» de Lliteratura Infantil y Xuvenil n’asturianu ta dotáu con 6.000 euros y la publicación de la obra.

Read Full Post »

“La Vieya”, una hestoria de celtismu y terror, Premiu Radagast

DIEGO DÍAZ ALONSO

La obra “La Vieya”, del escritor Aique Fernandi, escoyóse como la ganadora del II Premiu Radagast. El xuráu taba compuestu pol escritor y precursor de la ciencia ficción n’asturianu Dolfo Camilo Díaz, el traductor y estudiosu de la ciencia ficción Víctor Suárez y la ganadora del añu pasáu, Blanca Fernández Quintana. “La Vieya” ye una novela adulta que trata’l tema de la mitoloxía celta dende una perspeutiva actual y con pingarates d’horror.

Otra manera, nel actu presentóse tamién la novela de la edición anterior y primera ganadora del Premiu, “Trovadoresca”, segunda novela de la escritora yerbata Blanca Fernández Quintana que ta acabante de salir pa la Selmana de les Lletres. Trovadoresca parte d’un festival de poesía oral onde la protagonista, Dora, decátase de que tien un “don” únicu: el de ser a ver y a falar cola pantasma de Bermudo, ún de los trovadores más importantes que tuviere la Península (o eso diz él) y que, nun se sabe cómo, ta ehí cola so figura espectral y los sos comentarios extemporales en plenu sieglu XXI. Una novela de fantasía urbana y humor que xira alredor d’un secretu familiar.

Read Full Post »