Feeds:
Antradas
Comentairos

Posts Tagged ‘Blanca Fernández’

Como anunciemos nel so momentu, consagramos esti mes d’agostu a facer una serie d’entrevistes posaes con muyeres asturianes de menos de 40 años que tán actives nel campu de la lliteratura y la cultura asturianes pa entruga-yos por qué entá nun hai igualdá nesi campu y les muyeres siguen siendo una minoría ente les persones que publiquen obra.

Güei entrevistamos a Aymara González Montoto, traductora profesional, ganadora del Pepe Campo de Monólogu n’asturianu y que ta traduciendo anguaño la obra d’autores como C.S. Lewis o Stephen King.

Hay una desigualdá nel númberu de muyeres y homes con obra publicada n’asturianu. ¿Por qué pienses que pasa eso?

Pasa lo mesmo equí, na lliteratura, que nel restu l’ámbitu cultural. Hai desigualdá porque vivimos nun sistema desigual nel que se premia perpetuar la desigualdá. Si pa qu’un escritor pueda escribir necesita que la so muyer atienda la casa y la familia, o necesita contratar a una persona pa que s’encargue de llimpiar (seutor, por ciertu, perfeminizáu) y nun vemos un problema, ¿cómo vamos reflexonar lo más mínimo en que gran parte de les novedaes editoriales n’asturianu tán escrites por homes?

(more…)

Read Full Post »

PABLO R. GUARDADO

‘No que cinca los seres de lleenda’ ye la obra que va pasar a la historia como la primer merecedora del Premiu Enriqueta González Rubín de narrativa moza, gallardón creáu esti añu pola Conseyería de Cultura, Política Llingüística y Turismu. La so autora ye Blanca Fernández, novelista actual más xoven de les nueses lletres.

Destináu a persones menores de 31 años, y con una recompensa de 3.000 euros y la espublización del trabayu, el primer Enriqueta González Rubín ye pa esta yerbata del 1994 que l’añu pasáu espublizó ‘L’homes les caparines’ (Radagast) y que tien pendiente d’asoleyar ‘Trovadoresca’, col que ganó’l I Premiu Radagast de Novela Fantástica. El xuráu refirióse a ‘No que cinca a los seres de lleenda’ como un testu de “temática clásica, que pon en relación la tradición mitolóxica asturiana cola historia personal a partir de la idea de qu’esa mitoloxía vive en nós y s’espeya nes relaciones familiares, calteniéndose na tresmisión xeneracional”, lo que permite a Fernández “ufiertar una visión distinta de la lliteratura y la música populares, de los paisaxes y paisanaxes que nos envuelven, abriendo un camín novedosu dientro de la narrativa asturiana actual”.

(more…)

Read Full Post »

La escritora yerbata Blanca Fernández algama’l I #PremiuRadagast de novela fantástica, ciencia ficción y terror cola obra de fantasía urbana “Trovadoresca”, una novela de fantasía urbana. Blanca Fernández conviértese asina na novelista más moza de les lletres asturianes.

La obra, que compitió escontra otres dos más; ganó por unanimidá del votu del xuráu, que taba formáu pola traductora Aymara González Montoto, el collaborador de Refuelgu Adrián Carbayales y l’escritor Héctor Pérez Iglesias, qu’exerció de presidente.

(more…)

Read Full Post »

L’Academia de la Llingua Asturiana vien d’asoleyar el númberu 36 de la revista Lliteratura. Revista lliteraria asturiana correspondiente al añu 2020. Nesti númberu, de 173 páxines, baxo la direición de la escritora y académica Marta Mori, atópense dos estayes de la revista claramente definíes y que bien podríen iguar dos númberos perfectamente dixebraos: una primer estaya especial dedicada a la Lliteratura Infantil y Xuvenil (LLIX) y una segunda estaya que coincide colos conteníos habituales de la revista.

A lo llargo de les sos páxines combínase la creación lliteraria, l’ensayu y la crítica, y les voces nueves apaecen xunto a voces yá consagraes. «Esti exemplar pue valir al empar d’amuesa del llabor lliterariu de güei y como material pal aula no que cinca a la Lliteratura Infantil y Xuvenil», espliquen na academia. 

(more…)

Read Full Post »

Ediciones Radagast asoleya’l llibru dixital y de baldre “Fecho na cuarentena”, un llibru de rellatos n’asturianu, castellán y gallego-asturianu pa facer más llevadera la cuarentena.

Ediciones Radagast, la nueva editorial asturiana de fantasía, rol y ciencia ficción qu’organizare’l crowdfunding de Depués d’Ochobre, el primer xuegu de rol n’asturianu, ta acabante d’asoleyar un llibru dixital de baldre pa que la cuarentena seya más llevadera.

(more…)

Read Full Post »

Esti vienres 28 d’avientu va tener llugar el ‘Cimavilla fest’ un pequeñu festival multidisciplinar nel que participen distintos grupos y colectivos artísticos de xente mozo de Xixón, ente los que ta Fame Poétika, venceyáu tamién a la revista Formientu que mañana va desendolcar un recital poéticu n’asturianu y castellán.

Sedrá a les 19.30 hores na Sidrería Tabacalera de Cimavilla, nel Campu les Monxes o Plaza’l Llavaderu. Diego Solís, codirector de Formientu y presentador del eventu diz que “ye una mena de llegar a la xente, el fechu de facer recitales en barrios y en llugares que nun principiu nun s’asocien a la lliteratura ye una bona noticia y creo que fala del bon momentu nel que tamos nesi sen”. Nel actu van recitar autores como Aida Escudero, Inaciu Galán o Blanca Fernández.

(de Formientu, 27-12-2018)

Read Full Post »

El próximu xueves 2 de mayu, dientro del marcu del Día del Llibru Asturianu, van facese dos actos na Sala d’Arte del Centru Sociocultural de Las Vegas/Les Vegues, toos dos de calter gratuitu y d’asistencia llibre: a les 19 hores, presentación del últimu númberu de la revista lliteraria Formientu; y a les 20 hores, presentación de la novela El príncipe derviche, de Xandru Fernández.

Unes actividaes entamaes pola “Casa de la Llingua” de Corvera, que ye la manera que, dende cuantayá, gusten llamar nel conceyu corverano al so Serviciu de Normalización Llingüística y les sos instalaciones. (more…)

Read Full Post »

El númberu 11 de la revista de lliteratura “mui” moza, Formientu, ta yá fuera d’imprenta. La revista, dirixida por Inaciu Galán dende la so fundación en 2006, sigue apostando por ser cantera de nuevos autores en llingua asturiana, dándolos a conocer y apurriendo un espaciu pa los sos testos. Con esta nueva entrega ábrese una etapa nueva, pasando de dos a un solu númberu al añu, pero con más páxines, de 30 a más de 70, y con una edición más curiada.

Esti númberu cunta con testos de Denis Soria, Vítor Suárez, Cristina Menéndez, Belarmino Álvarez, Noemí Rodríguez, Alfredo Huergo, Blanca Fernández, Daniel Fernández, Abel Aparicio, Xurde Álvarez, Ismael Carmona, Félix Iglesias, Xosé B. Álvarez, Laura Marcos, Andrés Astur y una crítica lliteraria de Javier Cubero. (more…)

Read Full Post »

M. S.

La cultura no pasa por un buen momento, según el moderador del Club de La Nueva España, Luis Miguel Piñera. De ahí que la celebración del quinto aniversario de una revista literaria, y además en asturiano, como «Formientu», tenga un mérito mayúsculo. El director de la publicación, Inaciu Galán, presentaba ayer el número de la efeméride, el nueve, como un punto y seguido.

«Ésta es una parada para seguir camino», aseguró durante su intervención en el foro cultural que organiza este periódico. En las páginas de «Formientu» se da a conocer literatura «mui moza», firmada por escritores jóvenes que han hecho de la llingua asturiana su forma de expresión. Inaciu Galán espera haber contribuido «a dar a conocer estas voces literarias nuevas» en las páginas de la revista que dirige, y con esa filosofía enfoca la elaboración de su número 10. (more…)

Read Full Post »