Feeds:
Antradas
Comentairos

Posts Tagged ‘Brandal’

Pablo Alonso Alonso (Uviéu, 1980) ye un emigrante asturianu en Catalunya que s’encarga de coordinar la Banda Gaites del Centru Asturianu de Barcelona. Ente les munches actividaes qu’entama esta institución destaca la Nueche Celta.

¿Qué balance fai d’esta edición de la Nueche Celta que tuvo llugar el 16 de xunu?
Esti añu’l balance en cuanto a l’asistencia de públicu y al nivel artísticu de los grupos foi perbonu. Tuvimos el retu d’internacionalizar l’eventu cola actuación del grupu bretón Meliouank, unes esperiencia positiva a la qu’hai que sumar la bona acoyida que siempre tien el grupu que traemos dende Asturies. Neta edición foi la Bandina la Curuxa, que lo dio too nel escenariu y nun nos defraudó un res. (more…)

Read Full Post »

PABLO R. GUARDADO

La Universidá Asturiana de Branu (UABRA) clausuróse esti vienres tres dos selmanes d’actividaes. El so direutor, Xosé Antón González Riaño (Viella, 1956), faló con Asturies.com d’esta iniciativa que podría allargase pel cursu.

¿Qué valoración fai de la segunda edición de la UABRA?
Bono, yo soi’l direutor, asina que ¿qué voi dicir? Paezme, de toes formes, qu’hai fechos oxetivos y éstos amuesen que la idea de la UABRA cuayó dafechu. Ehí ta como una ferramienta d’análisis de la realidá asturiana, pensada dende Asturies y n’asturianu. Paezme qu’hai un enantes y un dempués de la UABRA no que cinca a les posibilidaes de la normalización del asturianu nel ámbitu académicu y de la divulgación científica. (more…)

Read Full Post »

«Agora», d’Anabel Santiago; «Chueve», de Brandal; y «I & C», de Corquiéu, son los seleccionaos de l’Academia de les Artes y les Ciencies de la Música pa la categoría de meyor canción n’asturianu.

Los nominaos diéronse a conocer esti 24 de febreru y la entrega del premiu va celebrase el 18 de mayu, na gala de los XV Premios de la Música, que va celebrase nel Teatru Arteria Coliseum de Madrid. Sicasí, el ún de marzu yá van sabese los gallardonaos en cada categoría.

(more…)

Read Full Post »

Nestos díes l’Academia de les Artes y les Ciencies de la Música dio a conocer los nomes de los prefinalistes a les munches categoríes establecíes na XV Edición de los Premios de la Música.

Nel apartáu de Meyor Canción n’Asturianu tán nominaes: «Agora» d’Anabel Santiago, «Arrímate a mi» de Stroza, «Chueve» de Brandal, «Danza Prima» de Manolo Peñayos, «Entre ríos y entre soutos» de Verdasca, «I&C» de Corquiéu, «Llárimes» de La Col.á Propinde, «Nel Olaya» de Skanda, «Nunca vais poder» de Skama la Rede, «Vecindeiro» de Rafa Lorenzo y «Yá nun canta’l vaqueru» de Los Berrones.

(more…)

Read Full Post »

La gala celebrada esti sábadu en Mieres convirtió al grupu Xera nel cuartu ganador na hestoria de los premios al Meyor Cantar, que convoca la Conseyería de Cultura y Turismu y que teníen ente los finalistes a músicos del prestixu de Brandal, Dixebra, Lafu & Rebeca y Misiva. El tema ganador, “Tierra”, va participar en representación d’Asturies nel ‘Festival Liet International’, un certame conocíu como la ‘eurovisión’ de les llingües minorizaes, qu’esti añu va celebrase n’Escocia.

(more…)

Read Full Post »

El “Premiu al Meyor Cantar” nació nel añu 2007 como reconocimientu del Gobiernu del Principáu d’Asturies a la creación musical en llingua asturiana o gallego-asturianu, y llega esti añu a la so cuarta edición.

Acordies coles bases, puen optar a esti galardón les canciones con lletra n’asturianu o gallego-asturianu que fueran comercializaes ente’l 1 de xineru y el 31 d’avientu del 2009, una y buenes sían obres musicales de creación orixinal. Na presente edición, cumplíen estos requisitos un total de 106 temes interpretaos por 21 grupos o artistes.

(more…)

Read Full Post »